الموضوع: فتيس النترا 2005

بسم الله الرحمن الرحيم
السلام عليكم ورحمة الله وبركاته
السياره : النترا 2005 كامله أوتوماتك تكييف تاتش
ليا فتره كده بشعر ان في مشكله في الفتيس الأوتوماتك بتاع العربيه وهي كالتالي :-
عندما اكون ماشي بالعربيه بهدوء بدون قرص على الموتور بتنقل عادي وساعات مش بشعر بنقلة الفتيس .
المشكله لما أقرص على الموتور ولو قرص مش جامد متوسط يعني الفتيس بيأخر في النقله من الاول للتاني وفي بعض الأحيان من الثالث للرابع وده طبعا بيرفع الآر أم بالقرب من اربعه وبعدها تنقل .
بس لو انا شعرت العربيه منقلتش والآر ام عدى 3.5 ارفع رجلي من دواسة البنزين ينزل الآر ام ولما ادوس تاني تنقل عادي و اغلب الاوقات لا اشعر بالنقله عندما افعل هذه الحركة .
بعض الاحيان لما تكون العربيه بارده ومسخنتهاش الصبح كويس بشعر بالتأخير بين الاول والتاني .
مع العلم اني مغير زيت فتيس موبيل ومقاسه مظبوط تم القياس والعربيه بارده والفتيس على r والعربيه سخنه والفتيس على r كمان وفي كلتا الحالتين القراءه اعلى من العلامه المحدده وغيرت مع الزيت الفلتر كمان .
فهل هذه المشكله مشكلت حساسات ولا مشكلة الفتيس ولا ايه بالظبط والعربيه عامله 120 الف كيلو تقريبا.
لو مشكلة فتيس وحبيت اغير الفتيس طبعا هاشترى استيراد طيب هل له موديل او رقم ولا عادي فتيس النترا 2005 وخلاص وايه المفروض اللي يجي مع الفتيس واماكن البيع .
وآسف على الأطاله وأتمنى ردود وليس مرور ومتابع فقط ولكم جزيل الشكر يا احلى ناس في احلى موقع في مصر أم الدنيا حفظها الله وحفظ شعبها من كل سوء .

المشاركة الأصلية كتبت بواسطة behman

ثانيا موضوع انك تغير الفتيس ده خليه اخر حاجه في حتي لو في مشكله تحتاج لتصليح ... الفتايس الاستيراد حوارتها كتير فا ريح دماغك و شوف حل
انا كنت في الحرفيين النهارده عشان كنت بغير فتيس عربيتي الاكسنت 2006 الاوتو عشان اتكسر ... و اقل سعر وصلتله كان 2000 جنيه و 350 تركيب و كشف بالجهاز و تجربه ... مع ضمان شهر للفتيس ( السلام - ا/ وجدي - مدخل الزهور-بلوك 4 )
و هاتركب عند م/احمد عبدالحميد و ده بيشتغل في الفتايس بس و شكله محترم وبيفهم
و فتيس الالنترا 2005 هايعمل نفس السعر و موجود غالبا هو نفس فتيس السيراتو 2006 و الماتريكس زي النيو اكسنت
انا ناوي اعمل تقرير بعد ماستلم العربيه يوم الاتنين انشاءالله و هاحط ارقام الناس دي كلها
بالتوفيق

ياريت ما تتأخر علينا بالتقرير وتقول لنا اخبار الفتيس بعد التركيب ايه جزاك الله عنا خيرا

المشاركة الأصلية كتبت بواسطة behman

هو الموضوع صعب شويه ... بس علي ما اعتقد انه اولا لازم تحط الفتيس علي الاسكانر و تشوف السوفت وير بتاعه و تعمل ريسيت للكونترول بتاع الفتيس و بالمره تشوف كنترول الموتور ... ده اولا
و إن شاء الله الحوار بسيط عشان الفتيس بينقل من غير نتش او صوت خشوله في التروس

ان شاء الله احط الفتيس على الاسكانر ( تقصد الكمبيوتر ) واشوف السوفت وير بتاعه
كيف يتم عمل ريسيت للكونترول بتاع الفتيس وكذلك الموتور
وجزال الله عنا خيرا