البطارية بتنام الصبح وتصحة بعد الظهر

**wael abbass** · 03-08-2008 09:42 AM

ارجوا المساعدة
من كام يوم غيرت الابلاتين والكندنسر عشان العربية ماكنتش بدور الصبح ومشيت كويس كام يوم مفيش مشكلة المهم انا سافرت 5 ايام وسيت العربية عند ولدي وكان بيدورها كل يوم شوية
المهم بعد ما رجعت لقيت البطارية لما ادورها الصبح بتنام يعني تعمل صوت زنة وانوار التبلوة تضعف اسيبها واروح الشغل موصلات ارجع ادورها تدور عادي
طيب دة عيب البطارية ولا اية يااظبط اروح اكهربائي ولا ميكانيكي ارجو المساعدة
العربية 128 نوفا

**wael abbass** · 03-08-2008 02:46 PM

ارجو المساعدة
اعتقد الموضوع مش صعب قوي كدة

**جمال** · 03-08-2008 03:31 PM

اعتقد ان البطارية محتاجة شحن لاغير
الصبح بتكون العربية باردة و الزيت بيتقل الموتور و تحتاج لبطارية قوية للادارة
الظهر بتكون العربية دفيت والزيت فك و تدور بسهولة اكثر
الى جانب انك فى فترة السفر و التدوير كل يوم شوية بدون مشى للعربية , الموضوع ده بيستهلك شحنة البطارية بدون تعويض بالشحن من الدينامو

**جمال** · 04-08-2008 12:50 AM

روح لكهربائى شحن بطاريات علشان يشحنها

والاسهل اول ماتدور بعد الظهر امشى بيها ( العربية مش البطارية ) مشوار محترم علشان تتشحن من الدينامو بتاع العربية