عفشة عربيتى

**Mosso** · 02-08-2008 05:23 AM

يا جماعه بعد اذنكوا معلش,
انا معايا لانوس موديل 2000 اوتوماتيك,

العربيه انا دلوقتي بجدد في الميكانيكا بتاعتها شويه عشان تشد حيلها شويه فغيرتلها طنابير اماميه و تيل فرامل Gold و بوجيهات و فلاتر و السيرفيس عامة,
و هي دلوقتي عايزه تتظبط العفشه,

العربيه عفشتها سيئه جدا و خصوصا انا بستعملها في سفر و طرق معظمها مدقات تقريبا العربيه هتعمل (250) كيلو في اليوم

انا دلوقتي عايز حد يرشحلي مساعدين كويسه و مريحه في الظروف دي و الحاجات الي هتتغير في العفشه و يا ريت بالاسعار لو امكن بس عايز اعرف ايه الي هيتغير,

الراجل الي بتعامل معاه قاللي انه عنده مساعدين الماني الجوز عاملين 350 و قالي هيغير بيض مقصات و حاجات تانيه مش فاكرها
انا عايز حد يفيدني و يقوللي ايه المطلوب مني عشان العربيه تشد حيلها
و غير كده النور الامامي بتاع العربيه ضعييييييييييييييييييف لأقصى درجه
عايز اقويه شويه اعمل ايه؟؟
هل اشتريله لمبات جديده بس ولا لازم كتاوت؟؟
يا ريت حد يفيدني بسرعه لاني المفروض اعمل الحاجات دي في اسرع وقت
و شكرا,,,

**hazem_khidr** · 02-08-2008 05:44 AM

محدش يقدر يفيدك و يقولك العربيه محتاجه ايه غير العفشجي
روح لواحد نضيف يفك العفشه و اي حاجه تطلع بايظه غيرها
بالنسبه للمساعدين هات Kyb مساعد كويس و مش خفيف اوي ولا ناشف اوي او مونرو لو عاوز اداء رياضي بس العربيه حتبقي ناشفه

**Akram** · 03-08-2008 12:30 AM

بالنسبة للمساعدين فالـــ Kyp كويسسن و كل الناس بتشكر فيهم و انا على فكرة هغير المساعدين و هتشريهم قريب ,
بالنسبة للنور فركب كتاوت تركي و شوف النور هيبقى كويس و لا هتحتاج تغير اللمض و تجيب أعلى ,
انا جبت كتاوت و لقيت النور بقى كويس .

**Mosso** · 03-08-2008 02:13 AM

استاذ اكرف شكرا يا باشا و ان شاء الله هروح اشوف حكاية الكتاوت دي و يا رب تجيب نتيجه,,,
انهارده رحت غيرت عفشة العربيه بالكامل ما عدا المقصات,
غيرت :
طقم مساعدين مايلي بـ650 جنيه الـ4
بيض مقصات و بارات بـ180
كاوتش ميزان بـ30
2 بطاحه بـ150
2كوب بـ70
و كانت كاوتشة الكوبلن مقطوعه فغيرتها بالمره بـ30
و مصنعيه اخد 150
يا ترى ايه اخبار الاسعار و المصنعيه؟؟
مع العلم ان كل قطع الغيار Gm ما عدا المساعدين مايلي الماني

**Sherif Khalifa** · 03-08-2008 05:21 AM

المساعدين دى جديدة ؟

و اخبار المساعدين اية و احساسك بالعربية اختلف ؟

علشان محدش جرب الميلى على لانوس قبل كدة

الاسعار معقولة لو البارات و البيض Gm

**Mosso** · 03-08-2008 06:12 AM

اه جديده,
و العربيه احساسها احسن بكتير و مسكت نفسها عن الاول و المساعدين مش ناشفه زي ما ناس كتير حذروني منها,,
بس هو في حاجه ملاحظها
العربيه من قدام بقت عاليه و من الخلف بحس انها اوطى شويه مش عارف ده طبيعي ولا ايه بقى
هي العربيه ان شاء الله فاضلها تظبيط زوايا و انوارها عايزه كتاوت
و السيرفو بتاع الفرامل ناشف فا قاللي ممكن امشي بيها شويه بس قاللي انه ب400 جنيه وانا الصراحه قصرت معايا بقه فا قلت بعدين بقه

**ads** · 03-08-2008 11:49 AM

ياترى البطحات جبتها gm ولا كورى وجبت الحاجات منين

**m_waheed** · 03-08-2008 12:04 PM

المشاركة الأصلية كتبت بواسطة Akram

بالنسبة للمساعدين فالـــ Kyp كويسسن و كل الناس بتشكر فيهم و انا على فكرة هغير المساعدين و هتشريهم قريب ,
بالنسبة للنور فركب كتاوت تركي و شوف النور هيبقى كويس و لا هتحتاج تغير اللمض و تجيب أعلى ,
انا جبت كتاوت و لقيت النور بقى كويس .

كلام اكرم صحيح مية في المية

انا كان عندي النور الواطي والعالي ضعيف خصوصا اني اوقات بمشي في طرق مطلمة
المهم جيبت روحت للكهربائي بتاعي وهو راجل امين جدا وكونت عاوز اشتري لمبة ابيض الماني او كوري 200 \ 260 واركب كتاوت تقوية

الراجل الله يكرمه قالي طيب استني لما اركب الكتاوت وااخلي السلك سمكه اكبر وانت جرب بنفسك فعلا
شوفت لمبة العربية العادية وشوفت اللمبة الكوري البيضة
العربية نورها الأصفر بقة اقوي بكتتير لدرجة اني قولتله خلي اللمة بتاعت العربية زي ما هي والموضوع كله بالمصناعية والكاتوت والسلوك 50 جنية
بس الكهربائي كان صديق فما مشتغلنيش

**Mosso** · 03-08-2008 08:04 PM

اه البطاحات و الحاجات كلها Gm ما عدا المساعدين,
و الحاجات خليت الراجل هو الي يجيبهم و قاللي في الصيني كان بـ120 و قالي نوع تاني فقولتله هات الاصلي

**morabet79** · 04-08-2008 03:38 PM

ياتري يا جماعة قطع الغيار الكوري بتعيش في اللانوس؟

ولا الأفضل الألماني؟

الموضوع: عفشة عربيتى

LinkBack

أدوات الموضوع

عرض

عفشة عربيتى - انشر الموضوع فى :

-

-

-

-

-

المواضيع المتشابهه

عاوز أعدل عفشة الريجاتا وأخليها أنعم عفشة

عايز أغير عفشة للأوبترا ( أنعم عفشة فى العالم )

ايهما افضل عفشة التوكيل ام عفشة الخليجى (سيراتو) ؟

مشكلة فى عفشة عربيتى

ازاى نعرف ان العربية محتاجة تظبيط عفشة او تغيير عفشة

الكلمات الدلالية لهذا الموضوع

المفضلات

المفضلات

ضوابط المشاركة