انا معايا رينو ميجان 2006 اوتوماتيك
العربية لما اجي امشي بيها في وسط الزحمة تبطل لوحدها و ساعات مش بترضي تدووور لاكن في الطريق العادي مش بتبطل
ايه الحل ؟؟؟ ارجو الرد سريعا علشان مش عارف اعمل ايه ؟؟؟
عرض للطباعة
انا معايا رينو ميجان 2006 اوتوماتيك
العربية لما اجي امشي بيها في وسط الزحمة تبطل لوحدها و ساعات مش بترضي تدووور لاكن في الطريق العادي مش بتبطل
ايه الحل ؟؟؟ ارجو الرد سريعا علشان مش عارف اعمل ايه ؟؟؟
متابع
كدا العربية تتحط علي الكمبيوتر أحسن لو فيها حساس بايظ ولا حاجه يبان
وشوف البوجيهات والكويلات وممكن حساس شكمان
ممكن كذا حاجه تخلي العربية تبطل
روح فرنش موتورز الي في الرحاب لو عايز مركز خدمه
وممكن صقر قريش في ناس شغالين في الميجان كتير
وان شاء الله بسيطه
ليه مش بتجيب الفتيس على p ?
هو حساس الكامة كان بيخلى العربية تبطل مع بعض الأعضاء بنفس الطريقة دى
واللى أعرفه عن الحساس دا لو باظ كمبيوتر العربية بيبقى مسجل آخر وضع للحساس وبيشغل بيه العربية بس أكيد الأداء هيبقى مش مضبوط لحد ما يتغير
أنت جرب تنظفه الأول مش هتخسر حاجة
شكراااااااااا ليكو علي المجهود تعبتكوا معايا
لازم تشوف مشكلةعصا الفتيس برضه
وشوف الموضوع دا عن فك الفتيس فى الطوارئ
http://www.nilemotors.net/Nile/312362-a.html
ياريت تشوف الموضوع دا برضه
http://www.nilemotors.net/Nile/335373-a-2.html
شفت أكتر من موضوع غالبا أعراض حساس كامة أو حساس كرنك
وممكن حساس أوكسجين
لو اللى الحركة اللى بتحصل معاك دى وانت عندك بنزين أقل أول شرطة ولما تفول يروح يبقى العييب من طرمبة البنزين وغالبا بيبقى الموتور ليه صفارة
عايزك تنضف فلتر ا لهواء http://www.nilemotors.net/Nile/305905-a.html
وكمان البوابة من باب الطمأنة مش أكتر
http://www.nilemotors.net/Nile/325027-2.html
جرب تنضف البوابات وحساس الاستانلس وده بيبقى ورا الكويل رقم واحد
بس لازم حد فاهم فى الرينو هو اللى يعملهم
ممكن تعمل الاتنين بنفسك حساس الكامة هتفكه بمفتاح بيبة 10 والفيشة بتاعته نظام ضغط بكلبسة ( بس معرفش تنظيفه يتم بإيه بالظبط ممكن نستخدم أى منظف ألكترونيات طبعا العربية تبقى باردة جدا ولو ان فيه عضو قال لى طالما الحساسات سليمة متجيش عندها خالص )
بوابة الهواء شوف حضرتك الموضوع اللى فوق سهلة جدا فى تنظيفها برضه
يا تري المشكله كانت ايه وصلحتها فين لان المشكله دي بتحصل معايا وغيرت فلتر البنزين ضبط شوية ورجعت تبطل تاني
ده حساس كرانك ....
وبص على كوعة الزيت علشان ممكن تلاقيها بتسرب زيت على الحساس
حساس الكرانك بالفيشه عامل 850 فى التوكيل
وموضوع إن العربية بتغيب فى الدواره .... أبقى غير البجوهات وممكن تلاقى كويل باي وال حاجه
وإن شاء الله تكون حاجه بسيطه
عندى كانت بتبطل كل شويه ودوختنى على ما عرفت السبب
فكيت حساس الكرنك ونضفته ونضفت الفيشه
العيب كان من الفيشه لانها مش ركبه كويس فى مكانها مش داخله للأخر عشان القفل بتاعها مكسور
وكبستها للأخر ولحمتها
وانتهت المشكله تمامآ
صعب توصله بسهوله
عامتآ هحاول اصورلك مكانه عشان مش عارف اشرحلك بضبط
هو قصاد سويتش النقلات اللى تحت البطاريه
بس مش هتقدر تشوفه بعينك الا لو شيلت البطاريه والقاعده بتاعتها كمان
ليه مسمارين 10 هتفكهم بمفتاح بيبه 10 او مفتاح عادى
هتنضفه بمنظف جاف وابعد عن ال wd-40 ده مينفعش لتنضيف الحساسات
مبروك الف مبروك عقبالى