شباب ، كنت عايز أعرف هل ثبات السيارة أكسنت 2013 كويس على السرعات عالية لأنى كثير السفر
عرض للطباعة
شباب ، كنت عايز أعرف هل ثبات السيارة أكسنت 2013 كويس على السرعات عالية لأنى كثير السفر
-سفر يبقى لأ العربيات في الفئه دي كلها City driving مش بتاعه سفر كتير و جري :hugging:
-عشان صدقني هيضرب الأمثال في العربيات كوري أو ياباني مصري :nemoflow: و هتتصدم بعد الشراء .... جرب بنفسك و أحكم
-و في الآخر كل واحد و أسلوب قيادته لو هادي و عاقل و شوارع نظيفة هتحس الأكسنت حلوه
غير كده أنسى
-الريو و الاكسنت واحد في كل حاجه كموتور و عفشه بس أكسنت أقوي شويه و ممكن الريو أثبت شويه لو جنط 16 مثلا ( بغض النظر عن الكماليات )
طيب تنصحني بايه مع العلم انى اخري 125 الف جنيه ؟
ممكن كمان تفكر في النيو جراند بونتو .. لو عايز تقلل المبلغ ل 110 يبقى جين2 ودي احسن عربية في الفئة دي من ناحية الثبات
-الأختيار صعب مع أن المبلغ كبير و الخيارات قليله في الجديد و المستعمل أنا مش بعترف ولا بأثق فيه
-المشكله 125 ألف قبل زياده الأسعار كانت تجيب RIO كماليات حلوه و جنوط 16 أو 17 دلوقتي الدنيا ضربت جامد و العربيات كلها زادت بالسعر ده هتبقى جنط 15 مثلا
-هي عربيات مش سيئه متوسطه بس أنا متخيل لو انت مسافر في الشتاء مثلا و الهواء قوي و راكب عربيه خفيفه مش هتعرف تجري فوق ال 120
-ال Accent الجنوط ال Sport بتاعتها من التوكيل 14 بردو زي العادي
-ال Proton حلوه المصريين ليهم ماركات كده بيتقفلوا منها من غير سبب بس توكيلها غير كفئ بالمرة
-الصني أحسن قيمه مقابل الفلوس بس أضعفهم موتور و ثبات .
-
لو قافلة معاك عـ الأكسنت RB..
هتجيبها أعلى فئة (أو اللى فيها ABS وإيرباجز)،
وجنط 15-"16 وتعرض الكاوتش...
وقدام تبقى تغيرعفشة (الـ 4 مساعدين) بحاجة سبورت!
- كذا واحد من أصحابى عملوا كده بعد ما إشتروا العربية وماعجبهمش الثبات بتاعها
طبعا إتحسنت كتير، -مش up to standard لكن أفضل من الأول!
لكن ستوك: العربية سيئة فـ الحتة دى
(وفيهم واحد غير ديسكات الفرامل قدام مع الجنوط والكاوتش)؟!!
Rgds،
هو لانسر شارك أول فئة كانت ب 125 معرفش بعد زيادة الأسعار بقت بكام بس الفئة دى مفيهاش abs بس العربية جميلة بصراحة وعندك لانسر بومة برضه هى قديمة آه بس أنا شايفها أحسن من الصنى الجديدة برضه
أنا مش عاجبنى الصنى الجديدة لأن حاسس إن شكلها غبى جدا جدا وشايف إن التيدا هاتشباك أحسن منها بس معرفش سعرها وصل كام دلوقت
الجين 2 عربية جميلة ببرضه وعاجبنى اللون الفيرانى فيها جدا جدا
بس أنا مش مقتنع بالأسعار اللى شغالة اليومين دول بالمرة
يعنى أنا شايف إن الصنى الجديدة بكل أوبشنها آخرها 90 ألف
وجين 2 برضه 90 ألف أقصى حاجة
وعربيات تانية كتير الأسعار بقت بشعة وغير منطقية بالمرة وغير مساوية لقيمة السيارة
لو ليك فى المستعمل هيبقى قدامك خيارات كويسة وبفرق كويس فى السعر عن الزيرو
مشكلة مجعلصه - يعنى الواحد عنده استعداد يجى على نفسه ويدفع مبلغ زى 125 الف جنيه محوشه فى 80 سنة ضوئية
و الآخر متلاقيش عربية اتوماتيك محترمة تركبها
و لا أى اندهاش
لو لانسر متجبش إلا مستعمل احسن بيقولو ان الوكيل في الزيرو شال شويه حاجات تبع الثبات منها عشان يوفر
اكسنت ار بي موتور جيده جدا وعفشه جيده جدا بس هتحتاج تغير المساعدين الخلفيين تبع الضمان وبيتغريروا من غير ولا مليم وهتحس بالفرق الشاسع
بس لازم تعرف ان صاجها ورق حبتين معلش اصلي ركبتها بعد اسكودا فليشيا وانت عارف الالماني بقي ومجدبش عليك انا معرفش صاج العربيات الزيرو التانيه عامل ازاي يمكن بقي كله كده
في رأيئ انها مش محتاجه كل ده كل الحكاية لو حسيت بفرق غير الجنوط وخلاص بس تكون مناسبه للعفشه
دي مش الماني عشان تحمل عليها حاجه مش بتاعتها
وانت في الاخر صاحب القرار
ولاحظ ان كان الوكيل ممكن يظبطها بالشكل ده بس هيونداي ناصحه قوي مش بتدي كل حاجه ومش بتوقع المنتج يديوب تظبطه بحيث انه يكون جيد وانت عليك الباقي بقي وكمان عشان تقدر توفر عربيه في متناول الجميع
http://www.nilemotors.net/Nile/335181-a.html
اكسنت rb
عربيه حلوه وشيك وقطع غيارها متوفره وسعر اعادة بيعها عالي …
وتسافر بيها لو الف كيلو في اليوم
بس اعمل حسابك انك ما تعديش سرعة 100
-الصني أحسن قيمه مقابل السعر ككل واسعه وسائل أمان يعيبها المكون الياباني قليل معظمها مصري و هندي و حبه حاجات بسيطه التوكيل بيغيرها في الضمان عادي
-الفكره بس أن حضرتك بتسافر كتير و أعتقد بتجري مثلا فوق 120 أو حتى 120 هتبقى مركز حبتين زياده و أنت سايق عشان العربيات خفيفه و الهواء و النقل هيخليها ترقص على الطريق
يا باشا توكل على الله وهات اكسنت rb
انا لو مكانك هجيب اوكتافيا a4 موديل حديث 2009 مثلا
أو a5 اقدم سنتين او 3 و هتدفع ف حدود 100 الف بس
رأيي حرام تدفع 120 ف عربية كوري
مع اني راكب كوري بس بجد الألماني ركوبة و حاجة تاني خااالص
فعلا الفضل يرجع لله وحده لما الواحد يجيب بيها 140 ويرجع ينزل على رجليه من غير ضرر الحمد لله وحده - بس المشكله مش فى الرقم انت ممكن تجيب 180 كرقم مع اى عربيه حتى ولو كانت صينى ولكن كأمان وثبات؟؟اى عربيه تجيب بيها اى رقم مش هتقولك لأ بس امانها ايه وثباتها ايه؟؟ انت بتفكرنى بواحد صاحبى بيجيب بالفيرنا 180 وهو مصمم على ان الفيرنا ده العادى بتاعها بدليل انه محصلوش حاجه بقالو سنين واحنا عمالين نقنعو ان السبب مش ثبات الفيرنا وانما عمره لسه فيه بقيه ..ههههههه..ربنا يستر طريقك
خلاص يا شباب الخلاف حسم ، جبت لانسر بوما 2013 هاف سبورت :)
هوووووووندا سيفييييييييك .2009-2010...... ثبات وماتور وماركة وابشنز وانتريور وكل حاجة
انا لو معايار فلوسها هاشتريها ان شاء الله واستخير طبعا
البيجو الجديدة تقريبا 301 المفروض يبقي ثباتها حلو بس محدش جابها
الصني القديمة سوبر صالون ..... بس غالية جدا دلوقتي
الجين تو بس سمعت انها ب105 ؟؟ ....... كتير اوي بس علي كماليتها تحفة ماشاء الله
ده اللي انا فاكرة دلوقتي
الف مبروك للعربية الجديدة لانسر قصة نجاح بصراحة وانا افضلها عن ال rb برغم قدم موديلها وافضلها عن صنى الشكل القديم والجديد برضه
ربنا يبارك لك فيها