من حوالي اسبوع كدة العربية كانت مع اخويا

ولما رجع ملقاش النمرة اللي قدم ودي استحالة تتفك الا بفعل فاعل .. يعني موقعتش لاني مديها عدد 2 مسمار قلاوظ وخارم خرم جديد في الاكصدام

المهم كانت تقريبا الساعة 10 بليل وكلمت صاحبي في قسم المرج جمبي قالي لو جيت دلوقتي مش هنقدر نعمل حاجة .. تعالالي بكرة بدري نعملك المحضر وامشي بالعربية عادي

تم عمل المطلوب وقولت بعد كدة اطلع على المرور عشان اشوف الحوار ده

بعد ماخدت المحضر وطلعت هناك اتصدمت صدمة السنين .. لازم اعمل فحص تاني واشوف مخالفات والقصة دي تاني .. وانا لسة مخلصها في شهر 11 يعني مش طالبة اي عطلة تاني ولا قرف

المهم عملت الفحص ودخلت عشان اكمل باقي الاجرائات دي الموظف قالي روح للشباك بتاع الملفات وهاتلي صورة التأمين الاجباري من ملف العربية

روحت على الشباك وقعدت اكتر من ساعة والموظف مش لاقي الملف .. قالي تعالى يوم تاني عشان نظبط القصة دي .. طبعا عايز الشاي والكلام ده وانا مبدفعش مليم زيادة

لحد دلوقتي مروحتش تاني المرور وعايز اقولكو اني ماشي براحتي اوي في الشوارع ومحدش وقفني ولا كلمني حتى .. ده انا معدي على كمين العباسية الساعة 1 وشوية بليل محدش كلمني .. معدي على اشارات وميادين مصر كلها محدش وقفني ولا فكر يوقفني يسألني فين اللوحة

بجد عماااااااااار يا شرطة انا كدة بجد متطمن على نفسي :)