تعالوا نشوف اللى بيحصل للمحرك بعد الاستعمال وعلاقة منظف الحقن والفلاش إنجين بذلك

السلام عليكم ....
أنا فكيت محرك بالكامل هو محرك صغير وليس محرك سيارة من ماركة أسمه Robin هو تبع شركة سوبارو اليابانية
المحرك سعة 183 ml قدرته القصوى 3.7 حصان عند 4000 لفة فيه 2 صباب

بس الجزء المهم اللى جذب انتباهى أثناء الفك هو وش البستون ووش السلندر ووش الصبابات من فوق

تعالوا نشوف صور أحسن
دا وش السلندر فيه بتاع 8 مسامير فكيتهم http://nileup.com/up/uploads/nilemotors_13622394081.jpg
http://nileup.com/up/uploads/nilemotors_13622394082.jpg
دا بقى منظر البستون والصبابات
شايفين السواد اللى عليهم يا أصدقاء ؟ دا مش مجرد لون يا جماعة دا عبارة عن طبقة من الكربون سمكها حوالى 1 مللى

المكنة دى كان بيتحطلها بنزين 80 وهى كربراتير طبعا وكان بيتحطلها زيت تعاون تقريبا زيوت رخيصة كانت بتستعملها

المكنة حالتها كويسة جدا للعلم مش مفوتة ولا حاجة استعمالها حوالى 3 شهور

http://nileup.com/up/uploads/nilemotors_13622394083.jpg

أنا جبت مفك وقشطت الطبقة الكربونية دى ونضفت حوالين الصبابات كويس
تفتكروا ال 1 مللى الطبقة الكربونية دى تأثر على أداء المحرك ؟ هى بتقلل من مساحة غرفة الاحتراق

تفتكروا إن منظف الحقن هيقدر يفتت ال طبقة الكربونية دى؟ أنا شخصيا مفتكرش إنه يقدر يفتتها
http://nileup.com/up/uploads/nilemotors_13622398361.jpg
http://nileup.com/up/uploads/nilemotors_13622398362.jpg
حاجة غريبة شدت انتباهى برضه فى الموتور دا إن حجم رأس الصبابات مش قد بعضها صباب العادم أصغر من صباب داخل الهواء
صباب العادم مش معدن زى ما احنا ملاحظين فى الصور تحس إنه معمول من حجرزى الرخام كدا !!!!!!

نيجى لوش السلندر نفسه نبص عليه كدا من جوا
http://nileup.com/up/uploads/nilemotors_13622398363.jpg
فيه طبقة حوالى مللى برضه من الكربون !!!
http://nileup.com/up/uploads/nilemotors_13622398364.jpg
http://nileup.com/up/uploads/nilemotors_13622398365.jpg

أنا فكيت المحرك كله للعلم

وكنت حابب أتكلم عن ال flush engine وحابب أقول من وجهة نظرى الشخصية أنه ملهوش لازمة تقريا لأن التلوث اللى بيحصل للمحرك كله بيبقى فوق البستون

لكن الكامات مش وباق أجزاء المحرك بتبقى متغرقة ف الزيت ومفيش داعى أننا ننضفها لأن مع السخونة والتزييت مبيترسببش عليها حاجة بالصورة اللى شركة زى ليكوى مولى عارضاها

اقتباس:

---

المشاركة الأصلية كتبت بواسطة mohammedaladel

تفتكروا إن منظف الحقن هيقدر يفتت ال طبقة الكربونية دى؟ أنا شخصيا مفتكرش إنه يقدر يفتتها

---

ما اعتقدش اكيد انت شوفت ناشفة ازاى

اقتباس:

---

المشاركة الأصلية كتبت بواسطة mohammedaladel

حاجة غريبة شدت انتباهى برضه فى الموتور دا إن حجم رأس الصبابات مش قد بعضها صباب العادم أصغر من صباب داخل الهواء
صباب العادم مش معدن زى ما احنا ملاحظين فى الصور تحس إنه معمول من حجرزى الرخام كدا !!!!!!

---

دة طبيعى بالنسبة للمواتير اللى فيها عدد زوجى من الصباب (2 صباب - 4 صباب ) ساعتها بيكون عدد صبابات السحب قد صبابات العادم لكن صباب السحب اكبر, عشان الضغط اللى بيسحب شحنة الهوا و البنزين بيكون اقل بكتير من الضغط اللى بيدفع العادم خارج غرفة الحريق

و فيه مواتير بيكون الاسطوانة فيها عدد فردى من الصباب ( 3 صباب - 5 صباب ) ساعتها صبابات السحب بتكون اكتر من العادم , مثلاً 2 سحب و 1 عادم بالنسبة لل 3 صباب
لكن ساعتها قطر صمام السحب بيكون اصغر من صباب العادم

بالنسبة لصباب العادم بيكون مصنوع من سبيكة خاصة اغلبها من النيكل لأنه بيتعرض لدرجات حرارة عالية جداً

شكرا للتوضيح يا هندسة

سؤال ياهندسة دلوقتى طبقة الكربون دى فى ناس بتقول انها مهمة عشان بتمنع تسلخ غرفة الأحتراق والبساتم لدرجة انه لايفضل قلب العربيات الزيرو الى غاز طبيعى الا بعد ماتعدى 10000كيلو للسما ح لطبقة الكربون بالتكون وبالنسبة للفلش اعتقد انه مهم لآنه بيساعد على ازالة الرواسب الى بيسببها الزيت المستهلك خصوصا فى الجزء العلوى من الموتور عند عمود الكامة والكستوبانات.

بالنسبة للطبقة الكربونية أنا بصيتلها من ناحية إنها بتباخد حيز من الفراغ داخل غرفة الاحتراق

بالنسبة للزيت مش بيسيب أثر زى ما حضرتك متخيل لأن دى أجزاء متحركة

المنطقة الوحيدة اللى بيبقى فيها ترسبات هى المنطقة اللى أنا مصورها

أنا شايف إن لما تشيل الطبقة دى أفضل حتى عشان الصبابات تقفل وتفتح كويس وميبقاش فيه تسريب للضغط منهم

شكرا للشرح ...............................

فين آراء باقى الناس ؟

إيه رأيكم فى حكاية طبقة ال كربون اللى متكونة على وش السلندر من جوا وعلى البستم من فوق ؟؟ هل فعلا مهمة وبتحمى البستم ؟؟ وغلط إنى شلتها ؟؟ ولا هى ضارة عشان بتصغر حجم غرفة الاحتراق ؟

وبالنسبة للبستون دا أنا ملاحظ أنه مسطح بالرغم من أنى شفت بساتم مقعرة من فوق إيه الفرق بينهم ؟

-تحياتي ياباشمهندس محمد ..انا من عشاق سوبارو ..كنت راكب سوبارو lion مو 84 وكان وشها علي حلو
-اكيد الموتور ده بتاع مولد كهربي او اله زراعيه ,سوبارو مشهوره في المجال ده
-الكربون المفيد للمحركات القديمه او الشقيانه هو اللي بيتكون حوالين البساتم او علي الشنابر
لانه بيعوض التاكل اللي حصل من الاحتكاك سواء من الشنابر او من جدار الاسطوانات
لو نظفت الكربون ده الموتور يدخن ابيض ويبقي محتاج طقم شنبر
-اي كربون بيتكون في الجزء العلوي من الموتور (وش السلندر) بيقلل احكام الكبس
ويزود استهلاك البنزين وحراره الموتور بالذات الكربون اللي بيتكون علي رؤوس الصبابات
-لي تجربه طويله مع منظفات الكربون اللي بتضاف للبنزين علشان كربون رؤوس الصبابات
بس للاسف كله في الفاضي تضييع فلوس وبس, الحل هو الروديه اللي بيعمله الصنايعي بايده
وعلي بيت الصباب

الموتور دا كان راكب على مكنة بتاع طوب أسمنتى هو دوره كان هزاز مش أكتر ولا أقل يعنى تقريبا كان بيشتغل على الفاضى

هو صعب جدا يتكون كربون بين البستون والمكان اللى بينزل ويطلع فيه وأنا شفت بنفسى لأن الاحتكاك مباشر وعالى جدا

لكن فوق البستم عشان غرفة الاحتراق

على فكرة لما جيت أغير بوجيهات لرينو ميجان بصيت بكشاف قوى على البستون بتاع العربية من فتحة البوجيه لقيته أسود زى الفحم من فوق

والمنظفات دى ملهاش أى لازمة فعلا أنا استعملت منظف أنجكشن محستش بأى حاجة وكلام فارغ مياكلش معايا

بس قول لى أيه هو الروديه دا ؟؟

وبعدين عشان نزيل الطبقة دى محتاجين نفك وش سلندر العربية كل 50 ألف كيلو مثلا دى تبقى وعكة

تمام ياهندسة انا كده اقتنعت ان الكربون المتكون على بيقلل من حجم حجرة الآحتراق وان كان وجوده على جدران خرفة الآحتراق بيقلل من تاكل غرفة الأحتراق ولكن وجوده عند الصبابات يضر بالموتور........................وبالن سبة لتقعر راس البستم بيكون معمول لزيادة خلط الهواء الداخل لغرفة الأحتراق با بخرة الوقود عن طريق عمل دوامات هوائية داخل غرفة الأحتراق

اقتباس:

---

المشاركة الأصلية كتبت بواسطة mohammedaladel

الموتور دا كان راكب على مكنة بتاع طوب أسمنتى هو دوره كان هزاز مش أكتر ولا أقل يعنى تقريبا كان بيشتغل على الفاضى

هو صعب جدا يتكون كربون بين البستون والمكان اللى بينزل ويطلع فيه وأنا شفت بنفسى لأن الاحتكاك مباشر وعالى جدا

لكن فوق البستم عشان غرفة الاحتراق

على فكرة لما جيت أغير بوجيهات لرينو ميجان بصيت بكشاف قوى على البستون بتاع العربية من فتحة البوجيه لقيته أسود زى الفحم من فوق

والمنظفات دى ملهاش أى لازمة فعلا أنا استعملت منظف أنجكشن محستش بأى حاجة وكلام فارغ مياكلش معايا

بس قول لى أيه هو الروديه دا ؟؟

وبعدين عشان نزيل الطبقة دى محتاجين نفك وش سلندر العربية كل 50 ألف كيلو مثلا دى تبقى وعكة

---

-الروديه هو عمليه تنظيف لراس الصباب من الكربون ..يدوي طبعا .الميكانيكي بيحط ماده الروديه علي راس الصباب ويبيته مكانه في وش السلندر ويعد يلف في الصباب علشان الروديه ياكل الزيادات ..
-ماتفكش وش السلندر الا لو اضطريت لا قدر الله ووقتها تعمل اللي انت عاوزه كله بالمره

ده اللي بنحاول نقوله ان ليه استخدم فلاش اساسا اومال انا بحط زيت للموتور ليه مش عشان ينضفوا من الشوائب و يعمل طبقة تحافظ ع جدار الموتور
اما منظف الانجيشكن فهو تقدر تعتبره الوقاية خير من العلاج بمعني تحافظ ع استخدامه هيكون ليه تأثير لكن مش تستني العربية تعدي 100 الف و بعدين تفكر تستخدمه زي ما البعض بينصح ان العربية توصل 80 الف ع الاقل عشان تستخدمه او تنضف البوابة طبعا كلام خطأ
بس عن نفسي لما بقعد فترة طويلة مستخدموش و اجي استخدمه بحس بفرق لكن لما جربت احطه بشكل دوري كل 5 الاف محستش بفرق و العربية زي مهي و اعتقد ده دليل ع ان له تأثير فعلا

بس عايز تنضيف صح للموتور من جوة مفيش غير حل واحد غير المحافظة ع تغيير الزيت و الفلتر و هو التنظيف اليدوي و اللي يعملك الحوار ده الميكانيكي بس طبعا صعب تفكر تعمل الموضوع ده في عربية موتورها جديد فيكفي تحافظ ع الموتور باستخدام زيت تخليقي و استخدام فلتر زيت أصلي و تغيره مع كل تغيير مع استخدام منظف دورة الوقود او الانجيشكن بشكل دوري كل 10-20 الف ك

يعنى احنا وصلنا فى النهايه انا الكربون المترسب على الجدران ده مش مشكله والكربون الى مترسب على المكبس من فوق بيقلل من حجم غرفه الاحتراق وده مشكله

أساسا صعب كربون يترسب بين البستون والسلندر لأنه طالع نازل والاحتكاك مستمر لكن الكربون متمركز فوق البستون وعند الصبابات وعلى وش السلندر

اقتباس:

---

المشاركة الأصلية كتبت بواسطة mohammedaladel

أساسا صعب كربون يترسب بين البستون والسلندر لأنه طالع نازل والاحتكاك مستمر لكن الكربون متمركز فوق البستون وعند الصبابات وعلى وش السلندر

---

+ علي الشنابر اللي حوالين البستون

اقتباس:

---

المشاركة الأصلية كتبت بواسطة فادى محمد

+ علي الشنابر اللي حوالين البستون

---

انا ما شفتش الشنابر

طيب مش هى الشنابر برضه حوالين البستون يعنى طالعة ونازلة معاه هى مش برضه بيعدى منها الزيت للتزييت ؟ يعنى المفروض مع الاحتكاك والسخونة ميتكونش حواليها كربون

طيب يا استاذ فادى حضرتك شفتها قبل كدا ع الواقع ؟

بس انت عامل شوية مواضيع تحفة بس ابقى رايق وأقعد أتسلى فيهم شوية

فيه حاجة مهمة نسيت أقولها :

الموتور دا مفيهوش فلتر زيت ( يعنى المفروض ان احتمال تكون رواسب على الكامة أكبر ولكن دا محصلش فى الواقع ومكنش بيستخدم نوع زيت غالى وكان شغال شوية كويسين بدليل تكون الكربون على رأس البستون )

وومفيهوش طرمبة زيت فيه شوكة بتضرب الزيت بشكل عشوائى

اقتباس:

---

المشاركة الأصلية كتبت بواسطة mohammedaladel

انا ما شفتش الشنابر

طيب مش هى الشنابر برضه حوالين البستون يعنى طالعة ونازلة معاه هى مش برضه بيعدى منها الزيت للتزييت ؟ يعنى المفروض مع الاحتكاك والسخونة ميتكونش حواليها كربون

طيب يا استاذ فادى حضرتك شفتها قبل كدا ع الواقع ؟

بس انت عامل شوية مواضيع تحفة بس ابقى رايق وأقعد أتسلى فيهم شوية

---

-الشنابر عباره عن غوايش بتركب علي راس البستون (ليها مكان مفحور) ووظيفتها حبك حركه البستون بحيث لا يهرب غازات الاحتراق لتحت عند الزيت ولا يهرب زيت لاعلي عند الغرفه
-التزييت بيتم اثناء صعود البستم لاعلي .انما لو عدي الزيت لغرفه الحريق يبقي كده الموتور محتاج طقم شنبر ويدخن ابيض
-طبيعي تكون كربون علي الشنابر بل صحي كمان في المواتير القديمه الشقيانه
شكرا لزوقك ويسعدني مرورك الكريم