الموضوع: أنا و السماعات و هواك :)

بص يا صديقى أهم حاجة تلحمها مش مهم تلحمها بأيه والأهم إنك تبقى مستريح نفسيا أكتر
وبرضه بقولك يا صديقى السيليكون كويس جدا عن تجربة وهتلحق توزعه على الحتت المقطوعة وبياخد وقت على بال ما ينشف وبيبقى جلد

انما بقى ال 1 و2 تطلع حتة معجون من هنا وتطلع حتة من الأنبوبة التانية وتقعد تقلبهم وطبعا تستخدم صباعك الصغير وانت بتلزق هينشف على أيدك ومش هتعرف تتحكم فيه كويس زى السيليكون

ولما بينشف بيبقى بلاستيك ناشف عكس السيليكون بيبقى جلد

وعندك خيارين تانيين الكولة والأمير

بس صدقنى خليك فى الأمان مع السيليكون العادى هات أنبوبة ب 7 جنيه هتستخدمها معاه وهتفيدك فى حاجات تانية
ولو عندك سيليكون حرارى برضه يمشى أنا لحمت بالسيليكون الحرارى دا مش رق سماعة لحمت بيه قاعدة شكمان العربية وماسك كويس جدا جدا ولو سيليكون عادى كان هيمسك
http://www.nilemotors.net/Nile/336959-a.html
أنا وقعت منى حتة سيليكون عادى على الموتور من فوق ومع الحرارة بتاع الموتور لزقت وفيه ومطلعتش لحد الوقت دا وسايبها مكانها عشان أشوف مدى تحمل السيليكون للحرارة فما بالك بالسيليكون الحرارى بقى

سماعات الميجان الأصلى تحفة ما تتغيرش إلا لو هاتغير ال Head Unit
و ده علشان إن شاء الله السماعات هاتخروش مع أى خبطة Bass فى حالة تغيير ال HU و الإبقاء على السماعات الأصلية
و لو بعد حين
أنا لما غيرت ال HU و غيرت السماعات اللى قدام .. سبت اللى ورا
باظوا دلوقتى
اللى نفسى أقوله بحرقة . لعنة الله على عمق ال Cone .. يعنى باب الميجان أعرض من باب خزنة البنك .. مش عارفين تضبكوا التصميم إن يتعمل تجويف ياخد سماعات ليها عمق معقول
أنا لما غيرت السماعات جبت بايونير بتوع ميجان .. ال Cone بتاعهم محدود للغاية و مع ذلك اضطريت أقطع البلاستيك اللى بيمثل التجويف اللى بتتحط فيه السماعة و كإن حتة من .. من .. من قلبى اتقطعت و الله .. وفضلت محتفظ بالأشلاء فترة ..
أنا مدرك شبه استحالة تلاقى سماعات عمقها محدود للدرجة دى و ده اللى مخلينى أصهين على خروشة ال Bass فى السماعات الخلفية

إلزقها أو هات استيراد أو استنى الجديد طالما مش هاتغير ال HU
أؤكد لك إن رخامة صوتها أفضل من البايونير .. هى بس مظبوطة على قوة خرج ال HU الأصلى و لو بدلته بواحد تانى أعلى بتنفجر :) .. مش أكتر
أنا ممكن أدور لك على السماعات القدام اللى عندى تجرب فيهم اللزق و البتاع لو تحب بدل ما تخرب بتوعك .. هما كانوا بيخروشوا الحقيقة من قبل تغيير ال HU علشان كنت بأضطر أعلى الصوت كتيير أوى لما كنت باستعمل ال AUX مع ال IPod فى ال HU الأصلى على وصلة مجدى كلاريون المتنيلة بنيلة .. أيام الله لا يعودها

المشاركة الأصلية كتبت بواسطة chato_eg

سماعات الميجان الأصلى تحفة ما تتغيرش إلا لو هاتغير ال head unit
و ده علشان إن شاء الله السماعات هاتخروش مع أى خبطة bass فى حالة تغيير ال hu و الإبقاء على السماعات الأصلية
و لو بعد حين
أنا لما غيرت ال hu و غيرت السماعات اللى قدام .. سبت اللى ورا
باظوا دلوقتى
اللى نفسى أقوله بحرقة . لعنة الله على عمق ال cone .. يعنى باب الميجان أعرض من باب خزنة البنك .. مش عارفين تضبكوا التصميم إن يتعمل تجويف ياخد سماعات ليها عمق معقول
أنا لما غيرت السماعات جبت بايونير بتوع ميجان .. ال cone بتاعهم محدود للغاية و مع ذلك اضطريت أقطع البلاستيك اللى بيمثل التجويف اللى بتتحط فيه السماعة و كإن حتة من .. من .. من قلبى اتقطعت و الله .. وفضلت محتفظ بالأشلاء فترة ..لا حول ولا قوة إلا بالله شئ محزن ميجان غالية علينا كلنا برغم أنى بزعلها كتير برضه
أنا مدرك شبه استحالة تلاقى سماعات عمقها محدود للدرجة دى و ده اللى مخلينى أصهين على خروشة ال bass فى السماعات الخلفية

إلزقها أو هات استيراد أو استنى الجديد طالما مش هاتغير ال hu
أؤكد لك إن رخامة صوتها أفضل من البايونير .. هى بس مظبوطة على قوة خرج ال hu الأصلى و لو بدلته بواحد تانى أعلى بتنفجر :) .. مش أكتر
أنا ممكن أدور لك على السماعات القدام اللى عندى تجرب فيهم اللزق و البتاع لو تحب بدل ما تخرب بتوعك .. هما كانوا بيخروشوا الحقيقة من قبل تغيير ال hu علشان كنت بأضطر أعلى الصوت كتيير أوى لما كنت باستعمل ال aux مع ال ipod فى ال hu الأصلى على وصلة مجدى كلاريون المتنيلة بنيلة .. أيام الله لا يعودها

بص ياباشا سماعاتك القديمة تتصلح إن شاء الله وترجع زى الأول بالضبط ولحامها بسيط جدا

والسماعات اللى عندك ورا برضه تتصلح والخروشة بتحصل لما بتعلى الصوت جامد الرق بتاعها بيفلت من على الداير بتاع السماعة
السيليكون بقى بيعمل معاه التمام بس برضه زى ما حضرتك قلت السماعة ليها قدرة معينة وال hu الجديد ممكن يكون شديد عليها مع الأصوات العالية بس لو لحمتها بالسيليكون صعب تتقطع تانى

فيه اختبار يا جماعة لازم تعمله قبل ما تلحم السماعة بعد ما تفك الباب من جوا وتطلع السماعة

شغل أغنية فيه طبل ومزيكا عالية ( أنا شغلت أغنية بتفكر فى إيه نانسى عجرم ) عشان هى الأغنية دى اللى ظهر معاها الخروشة مع الأصوات العالية

وشغلت وبصيت على مكانه القطع وحددته بس الصراحة أنا درت على السماعة كلها بحيث متتقطعش من مكان تانى