مشكلة عايز حد يدلني علي بتاع صيانة بيفهم ( كتب protect)

**HotRide** · 03-03-2013 01:53 AM

السلام عليكم يا شباب

يا جدعان مركب عندى كاسيت كينوود mp3509u

حصلت افله في سلك السماعه لمس ارضي و سي دي طلع شياط وكتب بروتكت protect

فصلت كهربا عنه ورجعتها ودوست ريست ومفيش فايده وديته لحد بتاع صيانه كشف عليه وقالي عيب بروسيسور بس حد مش واثق انه بيفهم وخدته منه ووديته لحد تاني مجربه قبل كده وحاول فيه ومعرقش قالي في مشكله جوه بروسيسور ومش عارف ايه وده يا ترميه يا توديه التوكيل

سؤال بقي مش لو بروسيسور بايظ مس هيكتب اصلا بروتكت ولا يكتب اي حاجه اساسا ولا انا كلامى غلط؟

وبصراحه انا مش عايز ارميه وعايز اصلحه عند حد بيفهم ويصلحه

اعمل ايه يا رجالة؟

**elshweakh** · 03-03-2013 02:37 AM

راجع وصلات السمعات والكهربه كلها
لو تعرف شيل سلك كل السماعات من الكاسيت وشغله من غير حاجه كهربه وارضي بس ولو اشتغل وصل السامعات تانى بس واحده واحده لحد ما تعرف اهه واحده الى فيها قفله

**bisoolover** · 03-03-2013 03:20 AM

الكاسيت مافيهوش اى حاجة افصل الكهربااء وافصل السماعات وغير السلوك الارضى والكهرباء من جديد وشيل بالمرة القواطيش بتاعت البطارية وجرب وشووف وقولنا

**HotRide** · 04-03-2013 12:39 AM

راجعت علي كل الوصلات وفكيت كل حاجه بقي واصل كونتكت وكهربا وارضي فقط ونفس المشكلة

هو فعلا ممكن يكون باظ خالص؟ اصل هما الاتنين قالو بروسيسور ووديه التوكيل

فعايز حد مخه نضيف يشوفوا محدش يعرف؟

**ABO MALEK** · 05-03-2013 11:38 AM

الموضوع ده حصل معايا بالنص:
سلك السماعة عمل قفلة مع جسم السماعة...وكتب حماية على الشاشة وشيلت الكابل مشتغلش وكل ده بالنص.
وفى الآخر رحت لواحد عمله فى ثانيتين واخذ 10 جنييييييييييييييييييييييي يييييييييييييه.
وهو راكب على فكرة علشان ربنا سترها معايا وموصلتش للشياط.
الحل:
فك وش الكاسيت (اللى بيتحط فى الجراب) هتلاقى تحته (لامؤاخذة خرم-محدش يفهمنى غلط) حط فيه مفك بضغطة خفيفة وركب وإدعى لى ...والجزء المهم انك تعزل او تغير الجزء المتسبب فى القفلة.
وابقى طمنا.