المشاركة الأصلية كتبت بواسطة hanyfarag
بص ياباشا مش مطلوب من حضرتك فى الاول غير حاجه واحده انك تاخد بالك من سواقه العربية لغايت ماتاخد عليها وخلى بالك ان العربية فى الاول بتكون لسه كل حاجه فيها فى وضع التلين سواء موتور او عفشه او فرامل او حتى ابسط الامور وانا راى دايما ان العربية الجديدة زى الطفل المولود حديثا لا يعرف او يعى باى شئ حتى الاشهر الاول وبعد كدة خلاص يبتدى ياخد على الوضع الجديد زى العربية لغايت ماتمشى شويه
المطلوب من حضرتك هو التركيز الجيد مع العربية فى كل شئ سماع صوت الموتور النظر لكل الموجود داخل او خارج العربية بمعنى اكتر خلى العربية تطبع عليك انتا وعلى طريقه سوقتك واهم فتره هى الفترة الاول هى دى اللى هتحدد عمر العربية ومدى الحفاظ عليها
انا بردة مظهر العيب ده غيرلما جريت شويه على الطريق غير كدة طول ما انا تحت سرعه 90 ماكنتش عرفته
ومبروك مقدما وانشاء الله تسمتع بالعربية لانها فعلا كويسه فى سواقتها وخصوصا بعد صيانة ال 1000 ك الاولى بغض النظر اتفقنا او اختلافنا على بعض الامور فى العربية سواء فى التصنيع او الشكل الخارجى او الامكانيات والتقفيل لكن كعربية فهى افضل فئاتها الموجوده حاليا وايضا افضل فى السعر