الموضوع: تجربتى بعد اعادة ترصيص العجل للنيو صنى 2013

سلامي الى احبائى واخوتى
انا من حوالى اسبوع كنت مسافر على الطريق وبعدين كنت بجرى شويه وانا على سرعة 120 فوجئت ان فى رعشه فى الدركسيون ومكنتش مصدق يانهار ابيض العربية لسه زيرو وماكملتش ال 500ك وكنت طبعا بغلى من جوة ومن بره
وبعدين قولت اروح اظبط العجل امامى 33 وخلفى 30 وكمان نزلت الهواء وخليته نيتروجين
وطلعت اجرب وبردة مافيش فايده نفس الرعشة قلت اروح لمهندس الترصيص وفعلا روحت وقولتله على اللى حصل معايا وكان مش مصدق ان العربية لسه زيروو
وفعلا فك الاربع جنوط وكانت المفاجأة ان فى حنط واجد من الاربعة مفيش فيح رصاص والباقى موجود طيب اعمل اية
المهم المهندس حط الجنط الاول على الجهاز والمفاجأة الجهاز قارى كتير جدا كان الرقم 76 ودة معناة ان الجنط والعجل مش مظبطين على بعض ومكان الرصاص مش مظبوط وانا مش عارف ازاى تخرج من المصنع كدة من غير مراجعه على اهم الامور ماعلينا!!
المهم خليت المهندس يشيل كل الرصاص بتاع المصنع وجبت رصاص تانى خالص اتقل كمان من اللى كان راكب وظبط الاربع جنوط ولما سألت المهندس عن سبب عدم تظبيط العجل والترصيص السليم فى المصنع قالى ان ممكن يكون نوع الكاوتش سيئ جدا وبيكون فية مناطق عاليةو مناطق واطيه فى مادة الكوتش نفسها ودة بيبقى عيوب تصنيع
المهم انا خلصت وقولت لازم اجرب ولاقيت الاتى
1-العربية مفيش فيها رعشة زى الاول لغايت ال 140 تمام وزى الفل
2-العربية حسيت انها خفت عن الاول وبتجرى احسن وفيها ثبات اعلى واحسن من الاول ومش معنى انها خفت يعنى بقت خفيفه على الطريق انا قصدى ان تجمعها بقى احسن فى الجرى
انا اسف على الاطاله بس حبيت اوصل تجربتى المهمة لناس اعتقد ان ممكن يفرق معاهم موضوع زى دة
بس الحاجه الغريبة ان العربية ممكن تطلع من المصنع ازاى من غير مايبقى فى مراجعه على امور مهمه زى دية
شكراااا ليكم....