الموضوع: عملت للكارينز فرش جلد تفصيل دبل بكااام :)))

المشاركة الأصلية كتبت بواسطة shnory

للاسف مينفعش يا باشا
وحتي علي الخاص احيانا بيعتبر اعلان واغراق الاتنين مع بعض

11- ممنوع وضع دعايا أو إعلانات تجارية عن بيع سلعة واحدة أو أكثر أو إعلانات شخصية عن بيع أكثر من ثلاث سلع من نفس النوع أو من أنواع مختلفة أو إعلانات متعددة لسلع متماثلة أو مختلفة خلال فترة لا تتجاوز 60 يومًا أو وضع عروض مباشرة أو غير مباشرة، سواء كانت كتابيةأو على شكل صور أو على شكل استطلاع أو تقييم، في التوقيع أو على صفحاتالمنتدى أو مكان الصورة الشخصية أو بالملف الشخصي أو الرسائل الخاصة أورسائل الزوار أو بأي طريقة أخرى دون الاتفاق مع إدارة المنتدى بشكل مباشر.

المادة دي بتتكلم عن إعلان تجاري أو دعاية لسلعة تجارية ...

لكن المشاركة من قبل العضو بغرض مساعدة باقي الزملاء الأعضاء في المنتدى لسببين ...،

أولا : هي ليست إعلانا تجاريا لأنه ولا دفع فلوس ولا قبص فلوس عشان يقول كدة

ثانيا : ولا هي دعاية في نفس الوقت لأن السلعة دي مش بتاعته أساسا ومش هايتكسب من وراها أي منفعة مادية تعود عليه والعضو الفاضل قديم معانا في المنتدى والإدارة نفسها عارفة ده كويس وغرضه واضح جدا ومش محتاج تأويل

وعشان كدة مش هاتكلم عن الإعلان الشخصي لأنه واضح ومفهوم إنه ليس إعلانا شخصيا

الأمر كله من أوله لآخره واضح جدا إنه عبارة عن مساعدة للأعضاء وياما مواضيع كتير في المنتدى كانت بتتكلم على سلع كتير جدا وميكانيكية وصنايعية وورش كتير بعناوينهم وأسمائهم ولم تعتبرها الإدارة دعاية أو إعلان

زي مواضيع كانت بتتكلم عن الفاميه مثلا ومكتبة إبراهيم وغيرها كتير

وجينز كار نفسه كنا بنتكلم عليه من زمان جدا قبل مايعمل الإعلان بتاعه في المنتدى بكتير وكنا بنقول لبعض إسمه وعنوانه بالتفصيل ولم تعتبر الإدراة أي من هذه المواضيع دعاية وبالمثل بريدجستون عباس العقاد برضه قبل ما يعمل الإعلان أو الخصم بتاعه

أنا شايف إن الإدارة محتاجة تراجع نفسها في كيفية تطبيق وتفسير هذه المادة

المنتدى عبارة عن مرجع عام على الإنترنت عن السيارات حتى غير الأعضاء لما بيعملوا سيرش على جوجل عن حاجة معينة ويدخلوا يلاقوها بتفاصيلها كلها بعناوينها وأرقام تليفوناتها موجودة في أحد مواضيع المنتدى بدون الحاجة لأي بحث إضافي على الإنترنت ... ده بيعلي أسهم المنتدى كتير جدا على الشبكة الإفتراضية وفي المجتمع الحقيقي وبيعمل اسم أكبر للمنتدى

والموضوع ده كلها كام يوم وهايكون جزء من أرشيف المنتدى اللى ما حدش بيوصل لغاية الصفحات بتاعته من الأعضاء ومش هايكون مؤثر في الإعلان المنافس نهائيا ... لكنه هايكون زي ما قلت جزء من أرشيف المنتدى المفيد جدا لأي حد بيعمل بحث على جوجل عن النقطة دي أو الصنايعي ده بالتحديد

وده هايرفع أسهم المنتدى بصورة مضاعفة جدا على كل المستويات وفي كل الاتجاهات ... كل ما الزمن بيعدي ... لأن واحدة واحدة الناس هاتعرف إن اللى هي عايزاه هاتلاقيه على صفحات المنتدى بشكل أو بآخر

كتير جدا لما بعمل سيرش على حاجة معينة وجوجل يبعتني لمنتدى قافل على الموضوع بالشكل ده وبأي وسيلة بقى زي إنه مش بيرضى يظهر اللينكات مثلا لغير الأعضاء أو الموضوع بيتم تبادله بالرسائل الخاصة بين الأعضاء فقط ... بقفل من المنتدى ده على طول وبعتبره نص كم ومش بأدخله تاني ... لأني عارف إني مش هلاقي طلبي عنده حتى لو أنا عضو

المشاركة الأصلية كتبت بواسطة formulator

المهم يكون عاجبك ياشهدى!
قوللى بقى يامعلم؛
لما عربيتك الكارينز كبيرة -ماشاء الله- وعملت 900 جنيه.. والشغل جميل يعنى :)
- تفتكر فرش البرافو الكراسى-الكنبة فقط (من غير أبواب ولا أرضية) يعمل كام؟؟!!
الفرش القديم العيال فرتكوه :(
@ ahmed.ali

انت متأكد ان فرش الكراسى (+الكنبة) عند جينز بـ1200 جنيه.. بس؟؟!!!
والجلد والخياطة الـdouble والهاند وكله؟؟

الخياطه دبل و الهاند و الكراسي لونين جينز كار اصلا اتعرف علي حس الجين2 1200 او 1400 مش متذكر بالظبط والله بس الي اكيد منه انه غالي جدا في الارضيه تكلفتها تقريبا 450 و ساعتها علي ما اتذكر معلش السن بقي ان في خياطه رفيعه و في خياطه تخينه و الـ200 الفرق دول بتوع نوع الخيط

الموضوع عامله من سنتين و نص بالظبط و دفعت في حدود 2000 و اقل كمان عشان متوصي عليا عملت كراسي و كنبه و ابواب و فرش ارض و معملتش الدركسيون

بس الي متاكد منه اوي ان كان معايا نفس اليوم جين2 احمر كمان و كان مزود الدركسيون و دفع 2200

المشاركة الأصلية كتبت بواسطة ashouhdy

ثبتنى يامعلم !