استفسار بخصوص تغيير طقم دبرياج لياريس

**abouelmaggd** · 03-03-2013 05:01 PM

سلام عليكم يا شباب ، دلوقتى انا غيرت طقم دبرياج لياريس 2007 بلية + اسطوانة + ديسك و بعد التركيب الحمد لله الديسك و البلية مفهمش مشكلة بس العربية السحبة بتاعتها متغيرة خالص و تقيلة !!!! و بالذات بعد ما تسخن شوية او بعد مشوار رجعت تانى للميكانيكى و جربها و افتى ان العربية مفهاش حاجة و ان البزين ممكن يكون فيه حاجة ، التنك خلص و مونت مرتين و العربية تقيلة و سافرت بيها حتى و هى على 140 كانت بتيجى اسهل و اسرع من كده و حلفت ما تعدى 160 ، تركيب طقم الدبرياج ممكن يكون فيه مشكلة ؟ خاصة انى جايب طقم اصلى من ابو يوسف ب 930 جنيه

**Y a r i s** · 03-03-2013 06:54 PM

متابع معاك. ... لان انا عندي نفس المشكلة.
بس حد يجيب طقم دبرياج من عند ابو يوسف بتاع الهرم ياراجل يا طيب.

**abouelmaggd** · 04-03-2013 04:31 PM

المشاركة الأصلية كتبت بواسطة y a r i s

متابع معاك. ... لان انا عندي نفس المشكلة.
بس حد يجيب طقم دبرياج من عند ابو يوسف بتاع الهرم ياراجل يا طيب.

و الله ما قابلنيش مشكلة قبل كده فى اى حاجة جبتها من عنده ، هو غالى شوية بس الدنيا معاه ماشية ، رحت لأبو زيد و قاللى انه مش شغال فى ياريس !!!!

**abouelmaggd** · 04-03-2013 04:32 PM

المشاركة الأصلية كتبت بواسطة m_galal_elgalaly

متابع باهتمام...بس انا سالت على سعر طقم الدبرياج فى 3 اماكن وقالولى 3 اسعار مختلفة وكلهم بيقوا اصلى...اول واحد العالمية 950ج وتانى واحد التوكيل وقاللى 1150ج وتالت واحد تكنو بوش وقاللى 750ج وكلهم اصلى...ايه السر فى تفاوت الاسعار ده مش عارف.

950 و 1150 سمعتهم فعلا عند ابو يوسف و البرجسى

**abouelmaggd** · 04-03-2013 04:35 PM

و بعدين يا شباب ده نص العربية نزل و انا بغير الطقم و تقريبا مفيش حاجة ما اتفكتش فى العربية و صعبان عليا التعب و التكاليف تانى ، و انا راجع من الشغل هعدى على اى حد شغال فى تويوتا او مركز خدمة فى صقر قريش و اسأله ، انا فعلا مش طايق العربية :(