الموضوع: بالصلاة ع النبى لقيت فيكترا.....اية رايكو؟؟؟؟؟

المشاركة الأصلية كتبت بواسطة cayman69300

طول بالك و امشى وراه حته حته و اكشف على العربية فى مقار
هيطلعولك كل اللى مستخبئ فى العربية و مقايسة تصليحة كام كمان

برد الله صدرك

طالما الراجل ما مانعش من الكشف فى التوكيل يبقى العربيه مفيهاش حوادث و مفيهاش عيبوب هو عارفها ( مفيش حاجة مفيهاش عيوب طبعا) بس فى حاجات تقدر تتعايش معاها و حاجات متقدرش

التكييف عايز يتبرمج انا اول مره اسمعها انا عارف عايز يتشحن ماشى - لكن طالما هيديك التكييف شغال يبقى هو الشحن بتاعه قليل بس و طبعا يتكشف عليه الاول عشان ميكونش فى تسريب او حاجة فى الفريون

المرايات الكهرباء ممكن تكون من ضفيره الباب بتعلق او من الزراير بتاعه المرايات او الماتور نفسه بتاع المراية بايظ و ده احتمال ضعيف

السلام على اهل السلام
اللى هقولة قد ميعجبش بعض الشباب يعنى فى ناس بتحب تشترى زى الكتاب ما بيقول
المهم اللى حصل كالتاتى
قابلت والدى الصبح ونزلنا شبرا روحنا لصاحب العربية وانا والدى عندة خبرة فى الدوكو يعنى الاساسيات لو عملة حادثة وكدة
شوفنا العربية بودى تمام الحوض والشنطة تمام فالعموم الحالة جيدة حتى لو رشة كلها –بس ماسكة نفسها-
بالنسبة للمكنة هى فعلا سحبها مريح واستجابة rbm حلوة وركزت مع الحرارة -واحنا انهارده كان حر- الامبير مزادتش عن 90-92 يعنى متهيئالى دورة التبريد تمام والعفشة كانت ممتازة على الطريع
التكييف مسبتوش الا لما شحنة وشغله تمام
هى التابلو بتاعها نضيف والشاشة شغالة عشان كدة نفضت لرداءة الفرش وعلى فكرة السقف كان نضيف كمان(متهيئلى دى الاساسيات)
بس برضة بعد ما اتفقنا اصريت نروح لمقار واحنا فى الطريق وخلاص هنعدى شارع ونمسك اول طريق الدقى متجهين الى مقار(متهيئالى انو واثق فى عربيته)----ابويا العفريت اقترح نروح الشهر العقارى---- هو مش اقترح هو قالو على طول
روحنا ادانى توكيل .........................خلاص بقيت ابولاوى و امارس رياضة الاوبل
الطريف فى الامر ان ابويا العفريت-برضه- بدأ معا من 45000!!!!!!! والعربية 2001 فى مش كدة يعنى هب خلاها 47000 بعد شوية كدة ف روحت داخل ب 49000 وقلتلوا انا كدة كسرت كلام والدى.... برضة مرضيش
سيبناه و مشينا ................متحركش من مكانه ابن الحلال
رجعتلوا تانى قولتلوا بقين قالى 50000 قلتلوا نقسم البلد نصين 49500

................تمت....................

انا كتبت كتير

يا ريت تعلقاتكوا فيما تم وما يجب فعله فى اللى جاى

المشاركة الأصلية كتبت بواسطة algazar2

طالما الراجل ما مانعش من الكشف فى التوكيل يبقى العربيه مفيهاش حوادث و مفيهاش عيبوب هو عارفها ( مفيش حاجة مفيهاش عيوب طبعا) بس فى حاجات تقدر تتعايش معاها و حاجات متقدرش

التكييف عايز يتبرمج انا اول مره اسمعها انا عارف عايز يتشحن ماشى - لكن طالما هيديك التكييف شغال يبقى هو الشحن بتاعه قليل بس و طبعا يتكشف عليه الاول عشان ميكونش فى تسريب او حاجة فى الفريون

المرايات الكهرباء ممكن تكون من ضفيره الباب بتعلق او من الزراير بتاعه المرايات او الماتور نفسه بتاع المراية بايظ و ده احتمال ضعيف

هى المرايات شغالة بس مكنة الكهربا اللى بتضم المريات على الباب مش راكبة اصلا