فى انتظار التفاصيل
عرض للطباعة
اه المشط اسف غلط فى المصطلح معرفش ريشه دى جت منين
ولو متركب صح عند ميكانيكى محترف يبقى مافيش خوف اهم حاجه
ابعاد المشط عن المياه
ولو المشط اتحرق بتجيب واحد ب 70 ج تقريباً
المشط ده بتاع الاسبراتير الاليكتروني
والاسبراتير الالكتروني ده بديل للاسبراتير العادة
يعني بيوزع الكهرباء علي تقسيمة وش السلندر للبوجيهات
وبيوزعها بالتايم يعني ديجيتال
والاسبراتير الالكتروني مافيهوش موبينة (يعني موبينة منه فيه)
والموبينة ديه اللي بترفع كهربة العربية عشان تعطي جهد كهربي كبير
عشان البوجية يخرج الشرارة اللي تعمل الانفجار في الاسطوانات
يبقي المشط ده بديل للشاكوش اللي في الاسبراتير العادة
والشاكوش ده هو اللي بيلف يوزع الكهرباء علي البوجيهات حسب التقسيمة 1342
ومابيبقاش فيها لا ابلاتين اللي بيلمس الكهرباء ولا كوندنسر اللي بينعمه الكهرباء و
يبقي المشط ده هو اللي بيوزع الكهرباء علي التقسيمة ويقوم بدور الابلاتين والكوندنسر
ده اللى قدرت اوصلو وباذن الله هجبلكم صور ليه
طيب اللى جرب الالكترونى ده او عمل تعديل فى العادى وحط المشط: هل بيعمر اكتر من العادى وهل ليه مميزات تانية؟؟ واى ميكانيكى بيعمله؟
بسم الله الرحمن الرحيم
بما انى مركب الالكترونى بقالى مده كبيره انى اقولكم انى لحد دلوقتى معملتش فى حاجه ولا بصيت عليه حتا اهم حاجه ميكانيكى محترم ونضيف يركبهولك عشان تشترى دماغك
وما تدعيش عليا وتقول منك لله يا (نوت2بلاى) و انا اشيل سبب خطاء الميكانيكى وانا مش حمل دعاء
عليا:36_7_4[1]:
مميزاته :
---------------
1. حرارة العربيه هتنزل ل 45 ده لو اللاداتير سليم ومفيش تسرب فى مياه التبريد
2. استهلاك البنزين هيبقى اقل من الاول
3. العربيه هتبقى مرتاحه تحت ريجلك
4. مافيش حاجه اسمها كوندينسر مفتوح شويه او مقفول وخانق العربيه
وتجيب سنفره وتنظفه
من الاخر هتريح دماغك نهائيا بس اهم حاجه ميكانيكى محترم اللى يركبهولك
طيب هو مبدأيا درجة حرارة 45 دي غلط لاني الزيت خواصه بتكتمل في درجه حرارة مابين 80/90
وهنا بيبقي افضل سحب و افضل استهلاك للبنزين والزيت يحافظ علي المتور فتره اطول
فامش عارف ايه علاقة الكهربا بانها تخفض درجة الحرارة !!
ثانيه معدل استهلاك البنزين
ارجو التوضيح يعني الاول كانت بتمشي كام في الصفيحه ودلوقت بقت بتمشي كام ؟؟
واخبار السحب واللذي منه
ارجو الافاده ومعلش استحمل رخامتي