اقتباس المشاركة الأصلية كتبت بواسطة Moh_Hassanin مشاهدة المشاركة
شكرا لرايك وعندك حق ...انت ايه رايك انا لو دخلت الفلونس في المقارنه هيبقى ايه وضعها بالنسبه للحاجات اللي قولنها وخصوصا اعاده البيع
لو دخلت الفلوانس فى المقارنه هتكسبهم فى كل حاجة باكتساح الا حاجتين - الطلعه لو الموتور القديم و سرعه اعاده البيع هتبقى اقل من الريو و الشكل برضه مش زى الريو

بس اعاده بيع الفلوانس كويسه عكس الرينو عموما و الميجان خصوصا
من الاخر الفلوانس بعد اللوجان غيرت مفهوم رينو عند المصريين و بالتالى اعاده البيع اتحسنت لان العربيه بقت مطلوبه و منتشره

طبعا ثبات تكسب الاتنين - امان تكسب الاتنين - توكيل تكسب الاتنين - توكيل رينو هو كيا بس التعامل مع ملاك رينو احسن - قطع غيارها موجوده بره التوكيل و فى ناس بتفهم فيها هما هما نفس الناس بتوع الميجان و السيتروين و الفرنساوى عموما - الموتور هيبقى احسن من بتاع الريو و نفسه هيبقى اطول من بتاع التيدا على السرعات - لو جبتها الشكل الجديد الماتور الجديد و الفتيس ال cvt الاتنين بتوع نيسان فهتلاقى قطع غيار كتير جدا ليهم مستقبلا و يابانى و تايلاندى غير الفرنساوى و التركى و الكورى لانها بتتقفل فى كوريا برضه فهتلاقى تشكيله كبيره لقطع الغيار فى المستقبل - طبعا الشكل الجديد الموتور اشد و الفتيس احسن و 6 سرعات فيبقى مريح العربيه و محسن استهلاك البنزين بس هيفضل الطلعه فى الاول بطيئه لان العربيه كبيره يعنى اى 1600 تعلم عليك من الثبات بعد ال 120 هيبقى عربيات بس هيه الى فاضله تشد على السرعات دى ( اكتر حد يفيدك فى النقطه دى فورميلاتور ) كشد و مكونات عفشه و موتور

و طبعا العربيه تتفوق فى الوسع الداخلى الغريب و المريب من الداخل واسعه بحر من جوه و وسع الشنطه الى تاخد فيه شنط تكفيك مع الاسره كامله 3 شهور فى المصيف

عيبها ان سعرها بقى مبالغ فيه و الحجه بص على السيراتو و بص على الالنترا و بص العصفوره و يقوموا لادعين المبلغ المتين