استفسار بخصوص الريد زون؟

**khaledmekawy2008** · 04-03-2013 01:59 AM

النهارده وانا مروح عالطريق بليل كنت شادد مع كيا سيراتو بالسيفيك المهم جبت الفتيس علي s ودوست بنزين ورحت مسقط بالشيفت نقلة لقيت العربية شبت بغباء ودخلت فالريد زون لمدة ثواني ونقلت هل دي في ضرر عالعربية ولا ميحصلش حاجة بس كان التسارع رهيب لدرجة ان بتاع السيراتو عديتوا بمسافة 5 6 عربيات

**hany63** · 04-03-2013 09:22 AM

سيراتو مين ياباشا ده انا معلم على باسات TSI و فعلا بتحس ان العربيه اتجننت و دي ميزة الفيتك كأن العربيه فيها تربو high boost يعنى بيشتغل بعد اقصى عزم للموتور
كده الشده كانت بالتاني عشان ال s بيجيب التالت و كمان انت سقطت نقله
انشاء الله مافيش حاجه و خصوصا انها نقلت لوحدها وده نظام سيفتي للحفاظ على الموتور و الفتيس
بس انصحك لو هتسقط للتاني تكون السرعه 50 او 55 كم في الساعه فيما اقل
بداية من سرعة 70 كم (و ممكن من 60 كم كمان) هنا التالت او ال s عزمه بيكون كويس و الفيتك بيبتدي يفتح على الاخر واول ما تقرب من ال 6000 لفه اديها بنفسك + الرابع يعني من الشيفت ولو نزلت تحت سرعة 80 كم ارجع تاني للتالت و هكذا و ده ساعة الشد

**SAMEH_FOUAD** · 04-03-2013 10:43 AM

ولا اى حاجة ياباشا ماتقلقلش , بس , حاول دايما تسيب مسافة بتاع 500 لفة قبل الدخول فى الريد زون

عشان دية ال perfect shift , بمعنى اوضح انقل دايما عن 6500 لفة

**SAMEH_FOUAD** · 04-03-2013 06:21 PM

المشاركة الأصلية كتبت بواسطة hany63

و نعم العقل و الله حاسس انك بتقول له انقل على ٦٥٠٠ لفه كانك بتقول له يحسس على الدواسه
و كمان انقل دايما يا مفتري

ههههههههههههههههههههههه

ياباشا انا بكلمة على لو عايز يجرى , واكيد مافيش حد راكب سيفيك ومش بيجرى يعنى

امال هو جايب سيفيك لية ؟؟؟؟؟؟؟؟؟؟؟؟؟

عشان فية ناس بتفكر انها لما بتدخل فى الريد زون هية بكدة بتجيب سرعة اكتر مايعرفوش ان فية حاجة اسمها over lab ولا ليها اى لزمة فى المحرك ولا بتزود اى سرعة ولا torque