عربية في حدود 200-260 في ظل ارتفاع الاسعار و البنزين

**Nashaat Rady** · 11-03-2013 05:16 AM

المشاركة الأصلية كتبت بواسطة Mezox

الفولفو صالون اوسع من ال 508 لكن الشنطة اصغر بكتير , لكن الفولفو 95 !!!

ال ds مكان السائق ديق يا جماعة بالنسبالي و نفس الكلام لل subaru XV

ال 3008 مبيبقاش فيه مكان إن حد يقعد وراية في الكنبة

و مستحيل اشتري أي عربية فتيسها DSG , محدش يقولي فولكس

أنا ,مستني موضوع كده ربنا يسهل , لو محصلش نصيب , شكلي حتشل و أجيب ال sportage

هي عربية كوري آه , و سواقتها مش ممتعة . لكن لو حد شاف ال consumer reports بتاعتها حتلاقوها عربية اعتمادية جدا , و سمعة كيا في الاعتمادية تفوق البيجو و السيتروين و الفولكس .

خلاص اتفقنا.... يبقي تجيب اول فئة، عشان لما تركب و تسوق وتتخض، ما يتحرقشي دمك في ربع مليون جنيه.

اول فئة تقريبًا ب ١٨٥ الف... و يبقي كفانا الله شر القتال....

مع اني قلبي مش مطاوعني، بس كل واحد ادري بظروفه، و موفق ان شاء الله.

تحياتي

**eleanor** · 11-03-2013 05:59 AM

انا لسا شارى البيجو 508 العربيه بصراحه مش محتاجه كلام روح اتفرج عليها ومش هتندم وابعد عن الكورى علشان مستقبله مابقاش زى الاول والاوربى اتحسن كتير وعلى فكره البيجو قطع غيارها مش غاليه قوى وتوكيلها اتحسن كتير

**MTAK** · 23-04-2013 11:38 AM

, انا فى نفس موقفك

نفسى فى بيجو 3008 بس خايف منها

و ملووح بالـ ix35 بس مستخسر فيها 235 الف (ناوى على الهاى لاين)

و كنت ناوى على مرسيدس b و لكن (قطع الغيار عاليه اوى طبعا لانها مرسيدس )

الوحيده اللى شايف انها معقوله و على قد فلوسها

القاشقاى

بس برضه مش قادر اتقبل انى ادفع 200 الف و اركب عربيه فقيره من جوه
مهما كانت ممتازه كخامات او تقفيل بس الواحد دافع مش قليل و عاوز يتدلع شويه

بصراحه دماغى ورمت , مش عارف اعمل ايه

شفت السيات الاكس لارج هنا فى المنتدى و عجبتنى بس مش عارف سعرها و طبيعه السيات ايه

(انا معى تيدا و الحمد لله لم اشتكى منها مطلقا )