الموضوع: ايهما افضل هوندا سيتى 1500 او لانسر 1600 الشكل القديم؟؟؟؟؟؟!!!!!!!!

اكيد طبعا لانسر تكسب عربية اثبتت اعتاماديتها من زمان و قطع غيارؤ متوفرة و بياعة لكن السيتى عار على شكرة هوندا زى الــــــــــــ سيات 133 مهى عار على شركة سيات ^_^

أنا عربيني لانسر ، و السيتي عربية جوز اختي ... يعني مجرب العربيات كويس جدا ....

لو بتتكلم عن السيتي اللي هو آخر شكل بتاع 2009 الـ 1500 موتور الـ i-vtec اللي بيطلع 115 حصان ، و لانسر بومة 1600 موديل 2008 و الاتنين أوتو ..

السيتي موتورها في رأيي أفضل من موتور اللانسر .. ممكن في السحب مش هتحس بينهم بفرق كبير .. الاتنين راس براس في السحب ممكن لانسر تعدي في النهاية بس الفرق بسيط .. بالتالي استهلاك البنزين في الـ 1500 هيكون افضل شوية و صوته كمان هادي شوية عن موتور لانسر .... و علشان كده بقول على موتور السيتي أفضل في رأيي .. مع إن عزم موتور البوما أفضل و ده هتحس بيه لما تحمل العربية 500 كيلو و تسافر بيها ..

السيتي مريحة من جوه أكتر و أنعم نسبيا من لانسر .. لكن عفشة لانسر بتستحمل أكتر بفرق ملحوظ و كمان السيتي واطية شوية مقارنة بالانسر ..

كماليات قريبة من بعض لكن صالون السيتي أشيك نسبيا ، و كمان الباور في السيتي احلى ...

الثبات على السرعات العالية .. فرق الوزن و الشاسيه و التصميم في صالح الانسر .. لكن السيتي مش خفيفة برضه و ثباتها كويس ، لكن هي أصلا مصممة علشان تكون عربية داخل المدينة مش عربية سفر ..

الاتساع الداخلي أكيد لانسر تكسب و بفرق ملحوظ جدا في الطول و العرض .. الشنطة الاتنين قريبين من بعض .

العامل الأهم هو قطع الغيار و الصيانة و الاعتمادية في الاعطال .... و هنا ميزة اللانسر اللي فعلا ممكن تخليني أفضلها عن السيتي ...