مش هاقدر افيدك دلوقتى لانه لسه مكملش شهر حتى لكن الكل اجمع ان بتغيير السوست والمساعدين والبطاحات مش هايكون فى اى مشاكل
عرض للطباعة
الف مبروك
انا باعمل العربيه على اقل من مهلى ياعنى انا النهارده اقدر اقولكم وصلت لايه بالظبط
وهاقولكم على اخر الاسعار فى السوق
العفشه
كبالن جديده ( 140ج)
2 صره امامى جديد ( 120ج )
2 بلى عجل امامى ( 80ج )
عملت فلانشات الامونيوم وفيهم مسامير للعجل ورينجات ( 400ج ) وطبعا كده تغيير العجل بصاموله مش مسمار ودى مهمه جدا وعمليه جدا
طنابير جديده ( 160ج )
تيل فرامل ( 40ج )
طنابير خلفيه ( 140ج )
كاوتش ميزان مش فاكر بس حاجه بسيطه اوى
سوست ومساعدين وبطاحات ( استيراد اونو ) 350ج
الميكانيكا الموتور كان خفيف ولما سالت فى المرور على العربيه عرفت ان الموتور ده متغيير ولم يتم اثباته على الرخصه فخليت الميكانيكى يبص عليه فعلا لقيته ماتفكش قبل كده وكان محتاج شنبر عملته وكلفنى 1100ج لغايه الزيت وغسيل الريداتير بالمره
غطاء تانك 25ج
بالنسبه للصالون
بعد ما جبت تابلوه اونو وقطمه وطاره وكونسول السمكرى ماعرفش يركبه زى ما انا عاوز فرجعته واشتريت تابلوه 128 بحاله الزيرو 300ج
جبت دراع نور اونو مش متذكر السعر وشغلته بدل زراير التابلوه وهو عملى جدا
فرش ابواب نوفا 150ج استيراد
2 كرسى اونو بالمخدع 300ج
مصنعيه السروجى 700ج لتعديل الكراسى والكنبه الخلفيه جلد طبعا
تظبيط المارش ( مهم جدا )
نقدر نقول الحمد لله بفضل الله يتقال عليها عربيه ومافيش اعطال والعربيه ممتعه وسواقتها مريحه ومافيش اصوات
النهارده بس وديتها للسمكرى وناوى على مشتروات هاتكلفنى كتير جدا وعلشان كده كنت ماجل الموضوع ده لما ربنا ياذن
محتاج كابوت و4 ابواب وداير الرفارف الخلفيه ورفارف اماميه ( علشان يتظبطوا مع الجنط ) وعتب
والسمكرى هايشتغل فى الدواسات والسقف والشنطه مافيهومش حاجه
وبعد كده مرحله العزل والدوكو
دعواتكم
الف مبروك وعاوزين تقرير شامل وكامل وفيديوهات بعد التظبيط و اتفضل معانا هنا ياباشا http://www.nilemotors.net/Nile/362824-128.html
ماشاء الله
ممكن تنزلنا شكل العربية من جوه دلوقتى بالصور عشان نستفيد من تجربتك
وليا سؤال يابو اياد
انا برضه لسه شارى عربية جديدة موديل 75 وهى وشها لسه بالفانوس المدور زى ماهو
بس صاحبها شال الاشارتين اللى بيبقوا جايين من الجنب لقدام جنب الفانوس كده وقفل مكانهم بس شكلهم وحش اووى وباين انهم متشالين اعمل ايه هل هم عندك كده برضه ؟؟؟
كمان انا مش عاجبنى من جوه عصاية الفتيس شكله مقرف اووى طويلة كده وحاسس انه عاملة زى عصاية عربية نقل بودفورد
هل ممكن اغيرها لعصاية تكون قصيرة كده وفى صندوق زى الموديلات الحديثة دايو مثلا او كده ولا صعب ؟؟
خصوصا ان طولها ده قارفنى فى الغيارات بتحك فى الكراسى وفى رجلى وانا قاعد
بالنسبه للصور هى حاليا عند السمكرى علشان اخلص اخر مرحله وبعدها هانزل الصور من بره والصالون وكله وعصايه الفتيس خليت السمكرى قصرها مع مقبض شيك هتلاقى الوضع اختلف
بالنسبه للشكل العاده انا كان معايا واحده استوك ولازم الاشارات تكون راكبه ولو عاوز تشيل الاشارات يبقى لازم تعدل الفوانيس والشبكه بالشكل المعدل
والعربيتين دول كانوا بتوعى وبعتهم والحمرا دى مش متعدل فيها اى حاجه غير العفشه بس وشكلها كان جميل
والبيضا دى متعدل فيها الصالون كله
http://nileup.com/up/uploads/nilemotors_13792270891.jpg
http://nileup.com/up/uploads/nilemotors_13792270902.jpg
ايووووة هى زى الحمرا دى
بس المشكله انه شال الاشارات دى ولحم مكانها صاجة كده بس مكان اللحام باين ومخلى شكلها وحش اووى
فعايز حل لكده مش عارف دى حلها ايه
وهل لو غيرت الشبكة والفوانيس وعدلتهم هيختفى مكان الاشارات ده خالص ؟؟
الفكرة انى بسأل مش عايز اروح لحد يعك فيها ويبوظلى شكلها اكتر
عندك حلين
تعديل العربيه للمعدل بس هاتكلف لانك هاتغيير الصدر وتشترى شبكه وفوانيس جديده ويتقفل مكان الاشارات صح وترش
الحل التانى ترجعها لطبيعتها وده اسهل وانا ارشحلك الحل ده
4 ابواب 90 كاملين 1000ج استيراد
كابوت 90 500ج استيراد
2 عتب الفابريقه 110ج جديد
2 داير رفرف خلفى 80 جديد
2 رفرف امامى جديد 220
2 فانوس كريستاله امامى 50ج بس الخامات وحشه والعادى 40ج
2 وش خلفى عادى 14ج احمر بالكامل 20ج
ازيك يابو اياد
والله مستنيين الصور بفارغ الصبر عشان عايزين نعمل زيك
بالنسبة للحاجات الجديدة لو تفهمنى ايه العتب الفابريقه ده ؟؟
والداير على الرفرف الخلفى ده اللى هو ايه برضه ؟؟
واتنين وش خلفى اللى هو ايه ؟؟
ياريت لو فيه صور اكون شاكر ليك
لانى بحاول اظبط عربيتى حاليا وفيه حاجات عايز اعملها بشوفها فى عربيات تانية بس مش عارف دى اسمها ايه وكده
وفيه سؤال كمان لو تقدر تفيدنى
لما بفتح الكبوت بتاع العربية بلاقى ع الناحية اليمين كده قدام الازاز علطول مروحة سمرا كده بس مش متوصلة بحاجة
دى لازمتها ايه بالظبط ؟؟؟؟؟