الموضوع: استفسار : عن سعر ومكان بيع ومكان تركيب فتيس بومة 2007/1600ccاوتوماتيك

في حاجة في الفتيس الأوتوماتيك اسمها "القربة" وساعات بيسموها "الصفيحة" وهي الجزء المقابل للديسك والاسطوانة في المانيوال، وهو ده الجزء المســتهلك اللي بيبوظ الفتيس، لأنه عبارة عن قلب مشرشر بيدخل فيه ذراع قادم من الموتور وهو ده روح العربية، لما المشرشر بينعم بيفوت وبتبقى العربية عامله زي ماتكون على الـ n على طول رغم إنك بتديها غيار. بتوع الاستيراد عارفين كده علشان كده ما بيرضوش يبيعوه لوحده ولازم يبيعوا الفتيس كله على بعضه، لكن مش معنى كده إن مش ممكن تلاقيه، دور على واحد يكون عنده القربة دي مفكوكة وموجوده لأنها لو في الفتيس هيغالي جدا في ثمنها وهيبيعها لك بنص ثمن الفتيس.. لو كانت موجودة عند حد لوحدها فثمنها هيكون حوالي ثلث أو ربع ثمن الفتيس الكامل.. طبعا الجزء ده بيبوظ لو العربية عدت 200 ألف كم وده ممكن بالنسبة لموديل عربيتك حتى لو العداد بيقول غير كده.

المشاركة الأصلية كتبت بواسطة د.أبونضال

في حاجة في الفتيس الأوتوماتيك اسمها "القربة" وساعات بيسموها "الصفيحة" وهي الجزء المقابل للديسك والاسطوانة في المانيوال، وهو ده الجزء المســتهلك اللي بيبوظ الفتيس، لأنه عبارة عن قلب مشرشر بيدخل فيه ذراع قادم من الموتور وهو ده روح العربية، لما المشرشر بينعم بيفوت وبتبقى العربية عامله زي ماتكون على الـ n على طول رغم إنك بتديها غيار. بتوع الاستيراد عارفين كده علشان كده ما بيرضوش يبيعوه لوحده ولازم يبيعوا الفتيس كله على بعضه، لكن مش معنى كده إن مش ممكن تلاقيه، دور على واحد يكون عنده القربة دي مفكوكة وموجوده لأنها لو في الفتيس هيغالي جدا في ثمنها وهيبيعها لك بنص ثمن الفتيس.. لو كانت موجودة عند حد لوحدها فثمنها هيكون حوالي ثلث أو ربع ثمن الفتيس الكامل.. طبعا الجزء ده بيبوظ لو العربية عدت 200 ألف كم وده ممكن بالنسبة لموديل عربيتك حتى لو العداد بيقول غير كده.

يارب يكون كده فعلا حكم اربع الاف ونص دي تقيلة عليا اوي في الوقت الحالي
بس سؤالي هل الميكانيكي ممكن يعرفها بسهولة هل هيا القربة او الصفيحة دي ولا حاجة تانية

لان لما روحت له قال لي الفتيس جاب كتينة وقعد يفهمني ان الكتينة دي شبه الجنزير شوية بس مش جنزير وانها كلها شرايح حديد كتييير اوي والمشكلة انها لما بتتاكل بتعمل برادة حديد بتبوظ الفتيس كله عشان كده تغيره كله افضل ده تقريبا اللي قاله واللي انا فهمته انا طبعا ماليش اي خبرة بالميكانيكا ولا اعطال العربيات قلت له خلاص متعملش حاجة وهاخدها اوديها مصر عند ميكانيكي تاني اما اسمع منه هيقول ايه هو كمان

المشاركة الأصلية كتبت بواسطة mitsukero

انا شوفت الكاتينة بعيني في فتيس مفكوك عند المتخصصون و الفتيس كان بيغير بلية

و فعلا هي لما بتتقطع يبقي عوضك علي الله في الفتيس و ياريت بس تعمل الشغل عندهم حفاظا علي عربيتك

ممكن الصنايعي اللي انت شغال معاه يكون كويس و مفيهوش مشاكل بس الميزة عندهم انهم ميكانيكية و كهربائية و كل حاجة في نفس الورشة و كلهم واخدين كورسات علي ايد اليابانيين فبيشتغلوا و هم فاهمين

ربنا معاك انا حاسس بيك جدا والله بس ثق تماما ان ربنا هيرزقك رزق مخصوص اكتر مما تتخيل و هتصلح العربية و تبقي تمام كمان

تسلم يا باشا على شعورك النبيل

اهو انهارده روحت شديت العربية من عند الميكانيكي اللي كانت عنده وجبتها البيت لحد اما اجمع فلوس وارجع اشدها على مصر
طبعا الميكانيكي قعد يزوق في الكلام وياباشا ولايهمك موضوع الفلوس واحنا نصلحها وابقى ادفع براحتك مش مشكلة واحنا نفسنا نخدم وكلام من هذا القبيل طبعا
صراحة انا كنت محرج منه وعايز اخلع منه بس صراحة مش عشان موضوع الفلوس بس انا اه عايز اخد وقتي لحد اما اجمع فلوس فعلا عشان مزنوق بس كمان عايز اخد وقتي وانا بسال كويس وكده عن حد كويس وسعر ومكان كويس

طبعا الميكانيكي من زوقه خد 50 جنيه بس ميكانيكي اخر زوق طبعا هو معاملش اي حاجة في العربية هو يادوب بيقول كشف عليها كومبيوتر الله اعلم جايز يكون الكشف عن الفتيس بالكمبيوتر ب 50 ماعلينا المهم اني خلعت وربنا يوقعني في حد كويس بقى
ربنا يهدي الحال