الف الف مليون مبروك
أسأل الله أن يؤتيك خيرها ويكفيك شرّها
وتقرير ممتاز ورائع
الف الف مليون مبروك
أسأل الله أن يؤتيك خيرها ويكفيك شرّها
وتقرير ممتاز ورائع
طالما في صور يبقى تقرير ممتاز على طول lol
ألف مبروك العربية مسيو حوسام وربنا يباركلك فيها..
و فعلاً الكروز تحسها عربية كوري بروح ألمانية..
أنا عاجبني أوي الجنط الجديد ده عليها.. تبدل ؟ lol
تقرير رائع جدا وفوق الممتاز
ربنا يباركلك فيها يارب ..
ألف مبروك أستاذ حسام
ربنا يبارك لك في العربيه و تقرير رائع
و العربيه دي فيها روح العربيات الأصلي ما شاء الله لا قوة إلا بالله
لو سمحت اخى العزيز ياريت توضح بشكل اشمل نقطة الثبات فى المنحنيات والطوالى مع زيادة السرعة والفرملة المفاجئة وقوة سحب الموتور واستجابتة على السرعات المنخفضة والعالية بالتفصيل وشكرا لك جزيلا
شاكرين على التقرير من محترف ومتمكن
الحقيقة انه طلع للنور في وقت انشغلت فيه كتير لكني قرأته سريعا
ثم امعنت فيه فكل كلمة لها معنى ومعلومة
يبدو لي ان الكروز هتقوم قومة كبيرة بس المهم سعرها مش يعلى اوي ويقرب من الالنترا والسيراتو تاني
مش لحاجة غير ان الاوبشنز اقل لكن الجودة واضح انها مش اقل
واتزان العربية وثقل صاجها بيدوها ميزة عليهم
هو واضح ان سحبها اقل لكن ياترى استجابتها لضغطة البنزين عند الرغبة في التخطي سريعة ولا عاوزة وقت يكون الي عاوز تخطيه صحي وقرر يدخل معاك سباق كثقافة للبعض!
بالنسبة للموتور الجديد جايز يكون الاحساس بالفرق بينه وبين موتور الاوبترا مش كبير لكن مؤكد انه اقوى ويناسب العربية اكتر وده المفترض انه يعطيه عمر اطول ان شاء الله
سؤالي معلش يمكن يكون مكرر لكن للتأكد
هل قعدة العربية مريحة وفيها انتخه والاحساس بالارهق بعد سفرية طويلة يعني 150 كيلو كده ايه اخباره
ان شاء الله تكون العربية وسيلة لراحتك يااستاذ حسام وربنا يحفظهالك ويديك خيرها ويبعد عنك شرها ويقدرك على قسطها
تحياتي
الله يكرمك ويعزك
العربيه مريحه جدا وانتخه واحساس عالى بالفخامه ودى عندى اهم حاجه ومفيش احساس بالارهاق اطلاقا فى السفريات الطويله بس الكراسى ناشفه شويه ولو عملت فرش جلد محترم ومتبطن صح الاحساس حيختلف كتير
اما بالنسبه للتسارع على فالعربيه بتستجيب لما تدوس وتعوزها وكل العزم بيطلع لما يوصل الاربى ام الى 3500 لفه فى الدقيقه بتلاقى العربيات حصان جامح
تحياتى
الف مبروك وربنا يباركلك فيها
وتسلم على الموضوع الممتاز ده والصور الجميلة
أشكركم على ردكم الكريم
معلش تسمحلي اضيف سؤال علشان التكييف عندي له أولوية
مع العلم ان تكييف السيراتو لا يرضيني يعني انا مش باتكلم عن تكييف اوروبي
وانا عارف ان تكييف التويوتا والنيسان بيجوا في المقدمة وبعدهم الهيونداي
وعارف ان تكييف الاوبترا مش اوي لكن ماعرفش تكييف الكروز
هو طبعا واضح من تقريركم ان تكييف الكروز قوي
بس سؤالي لو هتقارنه بعربيتك القديمة النيسان صني
لو الصني 10 درجات تدي الكروز كام
ولو جربت تكييف السيراتو تقارنه ازاي بالكروز
معلش اصلي فعلا بافكر بجدية في العربية دي
لكن التكييف عندي موضوع حاسم والا ماكنتش هافكر في التغيير
خالص تحياتي
اخوكم د هشام
اهلا بيك دكتور هشام
شوف هو التكييف وفى ظل تجربتى ممتاز وبيتلج الصالون وسمعته هنا وفى الخليج الى عندهم الجو نار ممتازه
والايام الجايه حتأكد كلامى لما الجو يحرر اكتر
اما بخصوص مقارنته بالنيسان الى كانت عندى للاسف الى كانت معايا موديل 83 يعنى قديمه وعزلها فى الصالون مكنش تمام وبالتالى الحكم حيبقى ظالم
والسيراتو مجربتهاش بصراحه
تحياتى وانا تحت امرك فى اى سؤال
بسم الله ماشاء الله ربنا يباركلك فيها و يحفظها من العين
ياباشا ربنا يسترها علينا كلنا دة الواحد بيعيط لو لقي خربوش فيها !
Sent from my GT-N7100 using Forum Runner
جربت التكييف تانى النهارده فى اول موج حر بجد السنه دى التكييييييف تللللللج وعلى سرعة رقم 1 الى مابتسمعلهاش صوت اطلاقا واحيانا مكنتش بطيق سقعويته وبخفف الدرجه للنص
تكييف محترم بجد ربنا يكفينا شر الاعطال
استنى بس تركنلك ساعتين فى الشمس بس :)))
Sent from my GT-N7100 using Forum Runner
ياعم قول مسقعش ووحش وقعد ساعة !
Sent from my GT-N7100 using Forum Runner
هو التكييف فى الاول كان كويس الاسبوع ده مش عارف ماله مش مسقع بس اللى قاعد ورا كان مبسوط
بالنسبة لمقارنته مع السيراتو فا زيه مش احسن او اوحش
ألف مبروك علي العربيه وربنا يديك خيرها ويكفيك شرها.
وللأسف العربيه اللي موجوده هنا في الكويت مافيش منها ماتور1600 سي سي وبتنزل بس بماتور1800 سي سي.
وسعر أول فئة 4795 دينار كويتي ( إضرب في 24 جنيه يعني العربيه أول فئة بـ114 ألف جنيه من غير جمارك )
الف مبروك يا باشا و ربنا يديك خيرها و يكفيك شرها .
ملحوظه كمان عرفتها بعد تجربه اكتر
استهلاك البنزين لا يتأثر بتشغيل التكييف من عدمه واعتقد ان ده راجع لعزم الموتور
والغريب فى الموضوع ان العربيه موفره جدااااا فى البنزين لو كنت ماشى على طريق مفتوح على سرعة 100 بالتحديد ورجلك خفيفه جدا على الدواسه يعنى مجرد لمسه قراءة الكمبيوتر بتدينى 5.5 لتر لكل 100 كيلو يعنى اديها طريق مقتوح وممكن العربيه تعمل معاك 350 لتر فى الصفيحه !!!!!!!!!!!
ولكن تبقى الحقيقه المره الا وهى انا الطرق فى مصر زى الزفت وانسى حاجه اسمها طريق مفتوح تستمع بيه فى القياده وتوفر بيه بنزين
ماشاء الله عليك بجد تقرير محترم جدا جدا ومفصل جدا وحيادى
والف مبروووووووووووووك على العربيه وربنا يحميهالك ويديك خيرها ويكفيك شرها
بس احب اوضح لحضرتك حاجه بالنسبه للأكر النيكل الخارجيه والتويترات اللى فى القوايم دى مش كانت بتنزل فى الهاى لاين أو ال ls دى كانت بتنزل فى التوب لاين او ال lt فقط زى عربيتى ( السابقه ) ودى الفئه اللى منصور لغاها فمش تزعل ان العربيه مش فيها الحكايه
بالنسبه لبطء استجابه دواسه البنزين ده عادى فى اى عربيه فيها دواسه كهربائيه وبالنسبه للفتيس ال 6 سرعات داخل المدينه ده عادى جدا لأى عربيه 6 سرعات الاوكتافيا نفس النظام علشان كده انا مش استغربت الكروز أول ما سقتها
بس بجد العربيه دى محترمه جدا صالونها جميل وخاماته جميله وشكلها انيق من بره ومن جوه والحمد لله الموديل الجديد بالموتور الجديد هينطق العربيه
ربنا يباركلك فيها ويبعد عنك عيون الحساد
شكرا لكل القائمين على منتدى شيفروليه على التثبيت
:10D5C8w1107::10D5C8w1107:
تقرير رائع و تقييم ممتاز..:embarrassed:..تسلم يا باشا على المجهود..
العربية بسم الله ما شاء الله عليها تحفة..خصوصا بالموتور الجديد..
مبروك عليك..ربنا يحفظهالك من العين و يباركلك فيها..
و مستنيين دايما تقاريرك و تقييماتك الرائعة..
بصراحة تقرير 100 100 تسلم إيديك , بس أنا كان عندى سؤال
بافكر أشتريها هاى لاين بس الناس بتقوللى التسارع مش كويس هو كدة المشكلة دى إتحلت ؟؟ ولا لسة الموتور ضعيف ؟؟؟
الف مبروك يا باشا
الله ينور عليك تقرير وافي كافي عجبني بصراحة
وربنا يباركلك في العربية
تقرير رائع
ألف ألف مبروك
كان عندي استفسار
في زرار موجود مع نظام الصوت مرسوم سماعه تليفون هوا ده بتاع ايه
الحاجه التانيه والي نفسي اعرفها في امام مسند اليد للراكب الامامي حاجه شبه الكوبايه كده ايه ده برضو
الحاجه التالته هل التكيف بيوضح درجه الحراره الخارجيه والداخليه
وشكرا
نظراً لإنى أكيــــــــــــــد مش هقرا التقرير ده كله .. بس من الواضح إن فيه حد إشترى عربيه جديده .. و واضح كمان إن فيه إجماع على كده :d
ألف مبروك يا ريس .. ربنا يباركلك فيها و يكفيك شرها :)
مبروك يا كبيييييييييييييييييييييير , انا هاستلم خلال ايام برضه اللون فضي.