الموضوع: كيفية عمل reset للتيدا 2006

المشاركة الأصلية كتبت بواسطة EhabVet

دي مش طريقة الريسيت .. دي طريقة فقط للتشييك على الكهربا بتاعة العربية

اعتقد ان انا كاتب كد في الرد "كل الاجزاء الكهربيه في العربيه وهتسمع الصوت وهو بيشيك عليها" صح ولا ايه؟

المشاركة الأصلية كتبت بواسطة Nashaat Rady

بص يا سيدس.... كلامك صحيح الي حد كبير، ممكن فعلا تحس بتحسن، لان من خلال طريقة سواقتك و نوع البنزين اللي بتحطه، ال ecu بيخزن معدلات الحرق و كمية الهواء و بشتغل بيها بعد كده، لكن مش للابد.

لو غيرت نوع البنزين و اسلوب سواقتك، يعني كبس وجري و غباوة، الecu، بعد فترة معينة بيعيد برمجة نفسه في خلال فترة تقدر بيومين او تلاتة.

عشان كده، بعض الفهلوية يقولولك سيبلي العربية يومين و انا افوقلك العربية و واحد تاني يقولك دي عربية مخنوقة عشان صاحبها كان بيسوق علي قشر بيض.

و الآن اليك الطريقة علي ضمانتك الشخصية (ما جربتهاش قبل كده).

التوقيتات مهمة جدا..... استخدم ستوب ووتش...

1- ادخل المفتاخ و خليه علي وضع "ON" تاني تكه يعني
2- انتظر ثلاث ثوانى
3- اضغط علي دواسة البنزين جامد للآخر.
4- شيل رجلك للآخر تماماً.

كرر 3 و 4 خمس مرات في خلال خمس ثواني

5- انتظر 7 ثواني.
6- اضغط علي دواسة البنزين جامد للآخر لمدة 10 ثواني تقريباً لغاية ما لمبة "check engine" تبدأ تنور و تطفي مع نفسها.
7- شيل رجلك للآخر تماماً في خلال ما اللمبة بتنور و تطفي.
8- انتظر 10 ثواني.
9- اضغط علي دواسة البنزين جامد للآخر لمدة اكثر من 10 ثواني.
10- شيل رجلك للآخر تماماً (اللمبة برده لسه بتنور و تطفي).
11- رجع المفتاح علي وضع "OFF" و دور العربيه، المفروض تكون اللمبة طفت دلوقتي.


بالتوفيق ان شاء الله

هو عموما دي طريقه علشان تعرف اكواد الكمبيوتر بتاع العربيه من غير جهاز OBD|| ولما بيظهرلاك فلشات كتير في الاخر ده معناه ان الكود 0000 وده كود بيقول ان العربيه مفيهاش اي مشكله وكله تمام وزي الفل وبردو ملهوش ايه علاقه بلريسيت بتاع الROM memory الخاصه بال ECU ودي اصلا الماب بتعها بيتغير في التيدا من 3-4 ايام (لوحدو تمواتيكي توماتيكي يعني)