حد سمع عن العربية النوبيل ( الكتكوتة ) عربية صينى ماتور ميتسوبيشى 2 باب 5 راكب صغيرة زجاج ملون 11000 سى سى جنوط سبورت 15" بور ستيرنج mp3 / usp / abs+abd وفوق كل دة ب500000 بس اية رايكو
عرض للطباعة
حد سمع عن العربية النوبيل ( الكتكوتة ) عربية صينى ماتور ميتسوبيشى 2 باب 5 راكب صغيرة زجاج ملون 11000 سى سى جنوط سبورت 15" بور ستيرنج mp3 / usp / abs+abd وفوق كل دة ب500000 بس اية رايكو
وده تركنها فى عشه بقى
اوعى تزعل انا بهزر انا سمعت عنها فى الجرايد بس و الى منزلها وليد توفيق "توكيل كيا سابقا"
و عموما انا ضدى الصينى بشده
و بيلعبوا على كماليات كتير بسعر قليل يغريك و فى النهايه بتلاقى تقفيل وحش - مفيش خدمات بعد البيع - مفيش قطع غيار
لسه بدرى على الصينى لما يبان فى مصر و انا اعتقد ان الى يشترى صينى بيغامر لى يكسب لى يخسر
كان عنها موضوع امبارح في أخبار اليوم - ملحق السيارات وفيه صور للعربية كمان
وماركنهاش فى العشة لية دة كمان ممكن لو الجو برد تركنها فى الدولاب بس انا رايى انها عربية حلوة وشبابى اكتر و بناتى اكتر من اولادى
هما نازلين بحمله اعلانات حلوه كده
بس انا شايف سعرها غالى شويه ما ادامك ال qq ب 46.500 تقريبا واحسن منها فى وجهه نظرى
على فكرة العربية دى تقليد بالظبط للمرسيدس سمارت ونفس الحجم والصراحة شكلها تحفة تحفة بس اظن حدستها زى حوادث الريييس يعنى هتموت هتموت هههههه
انا رايى انها شكل وامكانيات اشد من الكيو كيو وبعدين انا مش بسوق من عالسقف انا جوا العربية مش لازم اموت ممكن غيبوبة بس ههههه
انا اسف والله غلطة مطبعية
جميلة فعلاً
لكن السعر مبالغ فيه بشدة
يعنى لو السعر ما زادش عن 50000 تبقى كويسة
على ما اعتقد كده العربية دي هيكون ليها سوق هنا
و بالذات للبنات اللي لسة بيتعلموا جديد
عربية محندقة 5 راكب يعني ممكن تنجح و احتمال كبير
ومش عشان هيا صيني يبقى هتبوء بالفشل
ما اهيه الاسبيرانزا ناس كتير عارضوها بس ما شاء الله دلوقتي ماليا البلد
يا جدعان بلاش تريكة بقى غلطة مطبعية السعر 50000 الف جنية مصرى فقط لاغير وفعلا العربية هتنتشر بسرعة رهيبة واول زبون ليهم هيكون امى ليها اول عربية ان شاء الله
انا مش متخيل ازاى اربع مصريين هيعدوا جوة:
http://www.blogsmithmedia.com/cn.aut...4/dsc00713.jpg
المصرين احسن ناس يركبو فى الاماكن الضيقة ودليلى التوكتوك
مفيش صور للصالون بتاعها؟؟؟
انا عن نفسي مقتنع جدا بالعربيه دي و شايف انها عربيه محترمه و وكيلها راجل محترم
عن نفسي اول ماخلص الكليه هاحجز عربيه ماروتي الي انتوا بتتكلموا عنها دي و هاجيبها لونين مختلفين علشان ابقى مميز شويه احمر في احمر و لا يهزك خالص
على فكرى يا باشا دى ولا ماروتى ولا سوزوكى ولا فيها ريحتها حتى دى اسمها نوبيل او الكتكوتة جبت انت منين ماروتى !!!!!!!!!!!!!!!!!!!!!!!!
خمسين مليون جنيه ليه؟ بتكبر بمرور الوقت؟
بصراحة شكلها مش عاجبنى خالص ، الحاجة الوحيدة اللى شدت إنتباهى فيها مقاس الكاوتش ! 15 !!!
الصين هتجنن المستوردين
انا شفت إعلانها في الأهرام و اللي شدني ليه كمية الغلطات اللي فيه !!
مثلا كاتبين sharming بدل charming
و يقولك العربية مزودة بفرامل APS !! مش ABS
و كمان وصلة USP !!
الإعلان ده مراحل تصميمه كتيرة من أول مصمم لحد مخرج و منتج و العميل نفسه صاحب الإعلان في الشركة .. لحد ما بيتبعت نسخة للجرنال .. معقول محدش من دول بيفهم !؟ الإعلان عدا علي ناس كتير أوي !!
و معقول هما استلموا الإعلان بالمنظر ده و عادي محدش خد باله ؟
انا شخصياَ مستأمنش ناس مش عارفين يعملوا إعلان علي إني أشتري منهم عربية أقعد جواها في الطريق ..
إذا كانوا مش فاهمين في إعلان العربية هيفهموا في العربية نفسها !!
و عموما الشركة المصنعة للعربية في طريقها للقفل لان شركة مرسيدس بتقاضيها لسرقة التصميم و تطالب بمنع تصديرها
يلا انا قولت من الاول دى شكلها عربية زبالة الاصفار زيادة والتريقة زادت انا الغى الموضوع بقى
تقليد واضح جدا من الوهلة الاولي للسمارت بيلعبوا علي كماليات كتير بسعر قليل عربية ضيقة اوي معتقدش انها هتنجح اوي
متشكر يا جاماعة وانا مزعاتش ولا حاجة بس الموضوع دة ليكو انا والدتى هيه الى فكرت فيها بس انا معايا شوما معقول اركب كتكوتة مع انها جميلة جدا
يا جماعة العربية دى مفيهاش اى امان خالص يعنى هل حد عنده امل ولو 1 % ان لا قدر الله لو حصل اى خبطة قدام ولا ورا و لا فى الجنب العربية دى هتعرف تحمى ركابها كويس ؟؟ دى لو دخلت فى توك توك التوك توك هيقسمها نصين تقريبا كدا لو عربية نقل بتعديها و ماشية بسرعة ممكن تطيرها وياسلام بقى فى الشتا دى ممكن تتزحلق وتلع بالية مائى كمان بلاش يا جماعة دى اختراع فاااااااااااااااااااااااا ااااااااااااااااااشل
يعنى هوه فى عربية فى مصر جديدة فيها امان
بجد العربية دي خامتها زي الزفت بالظبط
لا لا لا هي والزفت واحد
من جوة تحس انها لعبة اطفال والبلاستيك تعبان اخر حاجة
لما ركبتها حسيت انها ازفت عربية صيني نزلت حتى الان
دة حتى في حاجة كدة اتفكت في ايدي سيبتها ومشيت هههههههههههههه
والله شكلها حلو
عالاقل شبة المرسيدس سمارت فور تو
و تنفع حريمي و سواقة هتدية جوة البلد و الزحمه و الركنات الضيقة
بس اللي يشتريها اول حاجة يرمي عالامتها و يحط علامة مرسيدس "من وكالة البلح" عالكبوت و الشنطة
هههههههههههههه
والله يا عم مومو العربية حلوة ودة موضوع كلة والاغلبية قال حلوة انت يعنى الى شايفها كتكوتة فعلا و متشكر لكل الناس الى كتبو فى الموضوع ووالاراء الحلوة والاراء التانية برضو * مع الحترامى *
متهيألى وليد توفيق يكسب فى العربية دى 25000 جنيه .... ولا ايه ؟؟ حد يزود
اقل واجب يا معالي الباشا
ان لم يكن اكتر من كده
بصراحه انا باحب السمارت جدا وكفاية انها شكلها متميز
لما نزلت العربية دي طلعت في دماغي اشتريها
بس اللي مخليني مفرمل شوية موضوع التصنيع الصيني
فعلا الخامات رديئة في اغلب الصيني
احسن حل الواحد يستنى شوية لغاية لما المغامرين اللي بيحبوا يركبوا العربيات الجديدة اول ناس ي البلد يشتروها
وبعدين نحكم عليها
تحياتي
بصراحة انا قبل ماشوف الموضوع دة النهاردة كنت فى المصرية و ركبت العربية دية لأنى افتكرتها من بعيد سمارت
بجد يا باشا ابعد عنها والله العظيم شبة عربية الأطفال من جوة بجد رديئة جدا جدا جدا جدا جدا جدا جدا لأقصى درجة والله مش تريقة انا عاوزك تروح تركبها و تشوف خامات رديئة جدا جدا و كمان والله الباب مكنش عاوز يقفل و انا نازل حتى مع الرزع و مردتش ارزعة جامد اوى علشان متتكسرش