+111111
هنا فى مصر ممكن تلاقى عربيه مويل 70 بيجو وصاحبها طالب فيها 35 الف !!! وليها زبونها !!
كم انتى عجيبه ياااااا مصـــــــــــــر !!!!
عرض للطباعة
يا جماعة ماتنسوش ان اسعار العربيات الزيرو فى مصر اعلى بكتير من اسعارها فى اى مكان تانى فى العالم، ده بيخلى المستعمل غالى جدا، المشكلة هنا مش مشكلة المصريين، دى مشكلة الحكومة،،،،،،
هات دوجان اقسم بلله كانت معايا دوجان فبريكة دواخل ومعظم الخوارج والله العظيم ماشفت عربية بقوة التحمل دي عمرها ماوقفتني ولا عمري زقتها الا عشان بطارية ومرة سير الكاتينه اتقطع مني فضلت هالكها سنتين سفر ومشورة وبهدله وبنزين 80 مكلفتنيش حاجة الا الصيانه العادية زيت وبنزين والكلام دا بس اهم حاجة الحاله صدقني عربية حمارة شغل مبتقولش لاء ابداااااااا وانا راكب دلوقتي لانسر بومة وصدقني نفسي احوش واجيب دوجان مع الانسر من كتر حبي في الدوجان عربية عملية وبتاعة سفر من الدرجة الاولي وعمرها ماهتكسفك بس خد بالك الحاله ثم الحاله واوعا تستخسر لو لقيت حاله نضيفة الالف ولا الاتنين مش مشكله مادام العربية حالتها كويسة واما تعوز تدور انزل لف علي رجلك علي البوابين في الشوارع واسئلهم وبتوع الجراجات خش اي جراج واسئل فية لقط علي فكرة وانا بشتري بلطريقة دي وربنا يوفقك
أسعار المستعمل فعلا بقت مبالغ فيها، النهاردة شايف واحد عامل إعلان عن دايو نوبيرا 2002، فبريكا جوا وراشش برة نضافة، وبيتكلم في 60000! وكاتب السعر نهائي لدواعي السفر، يعني ده انت لو حتى بتطلع العربية معاك البيت وتركنها فيه عشان تحافظ عليها مش هاتطلب السعر ده وتقول نهائي، وكمان لدواعي السفر يعني مش بتنزل في العربية عشان تخلص، لأ ده انت رافع سعرها عشان تقعد جنبها، يعني بالسعر اللي هو طالبه الواحد يروح يجيب واحدة 2007 أو 2008 وحالتها نضيفة!!
برضة المستهلك هوا الى عمل فى نفسه كدة
السعر دة يجيب جيب شيروكى منتصف التسعينات و تكون بحاله أفضل و أقوى مليون مرة
أحنا الشعب الى راح يشترى نوبل الصينى (شبيهه السمارت) بأكتر من خمسه و أربعين ألف جنيه رغم انها وسائل الأمان فيها أقل من التوك توك و فى الأخر بتتباع بعشرين الف جنيه و أحنا الشعب الى لسه عنده لادا و فيات 128 موديلات حديثة !! و أحنا الشعب الى يفضل البارومه أكتر من تغيير الصاج عشان ميتقالش رشة دواخل و أحنا الشعب الى عنده الايرباج و التكييف و الكراسى الجلد كماليات و ترفيه
منا كنت حاطط فى دماغى الدوجان +96 97 ، بس العربيه دى نادر لما بلاقيها بتتباع بس اكيد لو لقيت واحده قدامى حالتها كويسه من غير تفكير هشتريها وش وخاصه ان والدى زمان كان عنده دوجان 97 وكانت بسم الله ما شاء الله تحفه وانا شخصيا بحبها
بس ايه حكايه اللف على البوابين دى ؟ يا ريت تفهمنى اكتر لانى لسه جديد فى شراء المستعمل
أسعار فلكيه ، فى عربيات متستهلش ربع جنيه اساسا
تصور لسه امبارح شايف عربيه اكسيل 95 1500 سى سى دهانها متبهدل بس اتوماتيك ( طبعا انا مش عاوز اتوماتيك بس قلت اتفرج من باب الفضول ) حاله الفرش الداخلى متبهدله ودواخل فبريكه وراشه خوارج والتكيف بايظ واول كلام من صاحب العربيه 42 الف جنيه !!!!!!!!!!!! تصور الرقم ده فى اكسيل متبهدله بالطريقه دى ؟!!!!!! انا اتصدمت وسبت السوق كله ومشيت
+++111
و عن قصه مشهوره جدا و صحيحه :
لما ابو الفتوح فى 2006 ابتدا يجمع الاسبرانزا 516 ... الصينيون بعد دراسه جيده جدا للسوق المصرى اقترحوا عليه سعر بيع 30 الف للمنافسه حيث انها اسم و سياره جديده على المستهلك المصرى (الا ليس لها اى تاريخ يذكر) ... و اكيد الناس ده عارفه قيمه بضاعتهم الحقيقيه و اكيد مش عايزين ايضا ان يخسروا !!
لكن ابوالفتوح بكل ذكاء كان رده انها لن تباع ابدا اذا نزلت بالسعر المنخفض ده لانه فاهم دماغ المصريين !!! و طرحها ب 57 الف !!! و طبعا عملت مبيعات كويسه جدا لان وقتها الكورى كان فى رنج 80 الف و اليابانى 120 الف ...
اليوم تباع زيرو بعد ارتفاع كل الاسعار ب 76 الف و بالحجز !!!
اعتقد ان مضمون القصه وصل :)
تحياتى ...