اللى بيحصل ده غريب جدااااااا

البلد بقا فيها حاجه ، ولا بقت كلها تجار نصابين !!!

أنا كنت محتار اجيب عربيه ايه بـ 35 الف وفجأه استقريت على انى اجيب أكسيل 1500 وفى ناس كتير قالولى ان الفلوس اللى معايا تجيب واحده حالتها جيده جدا وكعادتى مش بحب التجار ، قلت ابعد عنهم واحاول ادور على عربيه بيتى ، بدأت ادور على النت فجأه لقيت اسعار عجيبه جدااااا

مثلا اكسيل 1300 رشه دواخل وخوارج وبـ 33 الف ّ!!!!
أكسيل 1300 رشه خوارج نظافه ( ده ع كلامه ) ودواخل فبريكه وبـ 35 الف !!!
أكسيل 1500 دواخل فبريكه وخوارج رشه نظافه ( سبحان الله كله بقى نظافه ) وبـ 38.5 الف !!!

المشكله ان واضح من الصور ان العربيات محتاجه مصاريف ، يعنى مثلا تلاقى الكاوتش مدمر وباين عليه ، والصالون مليان تراب وكانه متنضفش من عشرين سنه ، طبعا غير الخرابيش اللى فى كل مكان

الموضوع ده بجد استفزنى قوى

انا عمى من تلات اسابيع جايب اكسيل 97 1500 سى سى من واحد صحبه بـ 28 الف ( اعرف ان السعر قليل ) هو صحبه كرمه فى كام الف والعربيه كانت محتاجه شغل خفيفه زى رشه نظافه وكاوتش جديد لانها كانت مرفوعه 5 سنين وصاحبها نزلها وعملها الصيانه العاديه وباعها لعمى ، وكمان التكيف تقريبا مش شغال ، وعمى ظبطها وبقت احلى عروسه ، بس انا مشكلتى مش بحب التعامل مع الميكانيكيه وبحاول اشوف حاجه نضيفه من الاخر وللاسف مش لاقى :(

هو ايه اللى حصل فى سوق المستعمل !!!! حد يقدر يفهمنى ؟!