صفحات المنتدى تقيلة جدا من أمس

**D . a .\ AYMAN** · 05-03-2013 08:13 PM

على طول بفتح حوالي 20 لـ 30 صفحة في نفس واحد وما بيكونش في مشاكل نهائيا في التعامل معاهم ... وعمر ما بيكون في حمل على البروسيسور

لكن من الأمس وأنا كل ما أفتح 3 أو أربع صفحات فقط بيكون الموضوع تقيل جدا والبروسيسور شغال بطاقته القصوى ...

يا ويلي بقى لو فتحت أكتر من كدة ... فجأة حتى حركة الماوس بتكون تقيلة جدا وكل شوية الصفحات تعمل ريكوفري وترجع تحمل من الأول ... والموضوع بيخرج عن السيطرة تماما وأضطر أعمل ريستارت للجهاز كله لكن مجرد ما أرجع أفتح صفحات المنتدى يرجع تاني يتقل

مش عارف السبب ... ولكن عندي حدس إنه ممكن يكون في الإعلانين الفيديو اللى فوق في كل الصفحات ... الأولاني بتاع السيتروين والثاني اللى جنبه ... اللى بيجيب بعض آخر الموضوعات في صفحات المنتدى

ياترى حد عنده نفس المشكلة دي ... وهل ليها حل

**Dr_Mido** · 05-03-2013 08:31 PM

غالبا بسبب الصيانه لو كانت بداءت لان التصفح عندى عادى

http://www.nilemotors.net/Nile/334291-a.html

**D . a .\ AYMAN** · 05-03-2013 08:38 PM

بس ده مش تقل في تحميل صفحات المنتدى ... ده تقل في الجهاز بتاعي أنا بسبب صفحات المنتدى لما بفتح taps كتير مع بعض ... وده ما كانش موجود الأول

غالبا ده حاجة جديدة في الإسكريبت بتاع الصفحة نفسه اتغيرت وأدت للثقل اللى انا بتكلم عليه

**Karim_Monir** · 06-03-2013 09:21 AM

احنا معملناش اي تحديث لاي سكريبت
وعلانين الفلاش دول خفاف جداد وحت لو تقال هما بيتحملو مرة واحدة بس

عامة هابعت لقسم الدعم الفني بس يا ريت لو حد تاني عندة نفش المشكلة

باشا انت يتستخدم براوزر ايه
يا ريت تجرب واحد تاني

**dr.hazem** · 06-03-2013 09:48 AM

بالنسبالي بفتح 'ن الموبايل سواءا ع الابليكيشن او عالبراوزر وشغال سريع وزي الفل....
تحياتي

Sent from my SE Arc S using Forum Runner

**محمد يوسف** · 06-03-2013 10:05 AM

أنا كمان كان عندى نفس المشكلة امبارح مع المنتدى ..بس النهارده أحسن شوية..بس بشكل عام بصرف النظر عن المشكلة دى فتح الصفحة الرئيسية بيبقى تقيل قوى بسبب الاعلان الاجبارى بتاع بيع السيارات..ياريت كفاية عليه بقى لأننا كلنا بقينا عارفين ان فيه ركن لبيع السيارات

**Karim_Monir** · 06-03-2013 11:30 AM

الاعلان الاجباري لو تقصد البوب اب ده بيظهر مرة واحدة بس عند تفضية الكاش وليس كل مرة
ولو اتجاهلتة مش هايظهر هايختفي فورا احنا مش عاملينة بفتح اجباري

**alexaway** · 06-03-2013 11:44 AM

المشاركة الأصلية كتبت بواسطة karim_monir

الاعلان الاجباري لو تقصد البوب اب ده بيظهر مرة واحدة بس عند تفضية الكاش وليس كل مرة
ولو اتجاهلتة مش هايظهر هايختفي فورا احنا مش عاملينة بفتح اجباري

لا الاعلان دا بيفتح معايا كل مره ادخل فيها المنتدي مجرد ان اقفل المنتدي وارجع افتحه تاني بيظهر معايا مع العلم اني باستخدم الفايرفوكس .

**محمد يوسف** · 06-03-2013 11:55 AM

المشاركة الأصلية كتبت بواسطة karim_monir

الاعلان الاجباري لو تقصد البوب اب ده بيظهر مرة واحدة بس عند تفضية الكاش وليس كل مرة
ولو اتجاهلتة مش هايظهر هايختفي فورا احنا مش عاملينة بفتح اجباري

لأ والله يا أستاذ كريم ده اجبارى فى كل مرة بدون تفضية كاش..ده أنا حتى لو باتابع قسم وبعدين دست ايقونة المنتدى عشان ارجع الصفحة الرئيسية بيظهر لى اجبارى ويفضل متقل الصفحة حوالى نص دقيقة لغاية مايختفى لوحده أو أدوس بالماوس على أى حتة فى الصفحة ..أنا باستخدم انترنت اكسبلورر