إستفسار عن زيت الفتيس

**c3a** · 06-03-2013 08:21 AM

انا كام عندى مشكلة فى الفتيس انة بيجيب زيت على الارض وبيوقع ولما رحت للميكانيكى قلى انى الزيت ناقص نتيجة انى فية بلف واقع وهو الى كان بيوقع الزيت فزود نص كيلو 90 وبعدين لقى الزيت لسة ناقص فزود 1 كيلو 140 بس من بعد الحركة دى حسيت ان عصاية الفتيس تفلت وخاصة فى الغيار الثانى هل ممكن يكون اللط دة اثر على نعومة حركة النقل وتحياتى

**c3a** · 06-03-2013 08:24 AM

خطأ فى الكتابة بس من بعد الحركة دى حسيت ان عصاية الفتيس تقلت وخاصة فى الغيار الثانى

**AlGazar2** · 06-03-2013 09:52 AM

الحركه تقلت عشان الميكانيكى زود زيت 140 على زيت 90 على الزيت الموجود اصلا

اعمل الصح يا باشا و شوف التسريب من ايه و صلحه و حط زيت لزوجه 75-90 لو الفتيس بتاعك مبيونش

**AlGazar2** · 06-03-2013 09:54 AM

و اللانوس على حد علمى مفيهاش بلوف توقع منها الزيت اساسا ممكن جوان الكارتيره و استنى رد استاذ طارق او مستشار القسم محمد ممدوح و الى بموضوعه خلى نص القسم يغير زيت الفتيس استاذ عصام غنايم

**c3a** · 06-03-2013 10:59 AM

شكرا لكل الأعضاء على ردودهم وبالنسبة للبلف انا شايفة بنفسى بيركب حاجة شبة المسمار وقلى عليها بلف

**AlGazar2** · 06-03-2013 12:07 PM

ده البلف الى فوق بتاع تزويد الزيت - ممكن تربط المسمار و تحط عليه من بره سيليكون حرارى عشان يمنع التسريب انا عامل كده عندى و السيليكون بيبقى طرى عشان لو حبيت تشيله عشان تزود او تفك المسمار

لكن نزل الزيت ال 140 ده عشان تقيل جدا و اللانوس اصلا بتاخد 1.8 لتر زيت فتيس فهو ازاى زود لتر و نص ده كده الفتيس مكانش فيه اصلا عشان يزود الكميه الكبيره دى كلها و اكيد كنت هتلاحظ صوت فيه و الغيارات هتبقى تقيله جدا فى الحاله دى - نزل الزيت ده يا باشا عشان متبوظش حاجة فى الفتيس لان الزيت بكل تاكيد زياده عن المفروض يبقى موجود

**c3a** · 06-03-2013 02:14 PM

يعنى الزيادة هى الى ممكن تبوظ حاجة فى الفتيس ولا خلط الزيت

**AlGazar2** · 06-03-2013 08:23 PM

الاتنين بس الزياده اكتر

خلط الزيت مش هيخلى الزيت يشتغل بكفاءه و ده هيبوظ طبعا بس الزياده هتأثر اسرع فى الاويل سيل و تعمل ضغط جوه الفتيس عشان الزيت زايد و تبوظ الجوانات

**alabanda2001** · 06-03-2013 08:30 PM

التسريب ممكن يكون من اوسية الكوبلن اليمن او الشمال

**Mohamed ELOoL** · 06-03-2013 08:35 PM

زي ما استاذ AlGazar2

بلوف دة للتزويد و عربيتك علي جوان كرتيرة ( يعني لازم مكانيكي الي ينزلك الزيت )

و الترسيب الي عندك دة اكيد من مسمار المقاس الي تحت

شوف و قولي الاخبار