استفسار بخصوص ال 307..

**Shalabeo** · 06-03-2013 10:28 AM

الي كل الاخوه خبراء البيجو و بالاخص ملاك ال307 ارجو افادتي هل العربيه قطع غيارها فعلا غاليه جدا و عند اعاده البيع غير مطلوبه؟؟.. انا بقالي مده بدور علي عربيه مستعمله و ميال اني اجيب بيجو لحبي لها بس معظم الناس بتنصحني اجيب حاجه كوري او ياباني عشان تكون سهله في اعاده بيعها و كمان ارخص في قطع غيارها..

الغريب في العربيه الي معروضه عليا انها ماشيه حاجه و تمنين الف بس و حالتها علي حسب الكلام ممتازه و طبعا هكشف عليها كويس.. بس الغريب ان الوسيط بيقولي موديل 2000 و انا دخلت علي النت لقيت ان العربيه اصلا اتصنعت 2001 و كمان في مواقع بيع العربيات في مصر اقدم حاجه معروضه 2004.. موضوع الموديل مش مشكله ممكن الوسيط مش فاهم بس الغريب اكتر ان العربيه معروضه ب 44 الف فقط.. هي بتاعت واحد عايز يسافر الشهر ده و عايز يبيعها بسرعه علما انه كان جايبها ب 55 الف من كام شهر قبل العربيات ما تغلي.. هل هي فعلا صعبه في اعاده بيعها لدرجه انه ينزل في سعرها عشان يبيعها بسرعه؟؟.. اسف للاطاله و في انتظار ارائكم و نصيحتكم..

**MuhamedNabil** · 07-03-2013 11:28 PM

انا اشك ان سعرها 55 الف و اشك فى عددها برده و هيا موديل 2000 المفروض ارخص كتير. هيا مانيوال
العربيات دى متتشراش متهانة عشان اعطلها بتوقف العربية, انما قطع غيرها ارخص بالمقارنة بالكورى 2007+ و اليبانى طبعا.
عموما 307 كويسة فى العفشة و الثبات و الماتور و الراحة انما فيها شوية حجات كدة هيا المبوظة سمعتها و هيا اغلى قطع اصلا فى العربية
الفتيس الاوتو بيحتاج صيانة زياده عن اللزوم و مش بيتاع قرص عليه اطلاقا
طلمبة الباور 4500 جديدة 1500 استيراد
الدبنامو 3500 جديد 800-1300 استيراد على حسب الامبير
طلمبة البنزين 1100 جديدة و الماتور بس 250 جم
دى الحجات الرخمة و كلها للاسف من المشاكل البتوقف العربية مش الحجات التقدر تسايسها شوية