اقتباس:
المشاركة الأصلية كتبت بواسطة hatahet
فعلا يا باشا متستعجلش على استهلاك البنزين لانه كداكدا بيتحسن ان شاء الله زى ما الاخوة بيقولوا و لو عاوز تتعمل re set علشان الاستهلاك يبقا كفاية للعداد بتاع استهلاك البنزين
انا معايا ال سوبر صالون و معدل الاستهلاك اول ما استلمت كان 13.7 " حاجة تخض طبعا " بس مع الاستهلاك و التليين المعدل دا بينزل و دلوقتى بقى 9.3 مع العلم انى لسه معملتش صيانة الالف كيلو و ان شاء الله ينزل بعد تغيير الزيت و خروج رايش التطبيع من الموتور و تغير فلتر البنزيين كل دا بيأثر جامد جدا على معدل الاستهلاك
فمتستعجلش على موضوع الاستهلاك دا و احسن حاجة تعمل ريست لعداد الاستهلاك مره واحدة و تطلع بالعربية طريق مفتوح شوية لمدة 20 دقيقة كدا على سرعة متوسطة 60-80 كدا و هتلاقى الدنيا بتتحسن علشان ممكن يكون المعدل مش مظبوط من الخنقة فى الزحمة بتاعة وسط البلد دى
تمام كده يا باشا دا اللى قصدى عليه هو المشكلة انه علشان متوسط الاستهلاك عنده يتعدل من غير ما يعمل رسيت ليه هياخد وقت طويل يعادل المسافة الى قطعها قبل كده
فالأفضل انه يعمل رسيت لمتوسط الاستهلاك و يطلع مشوار تانى هيلاقيه اتعدل
اقتباس:
المشاركة الأصلية كتبت بواسطة hatahet
و ابقى فعل نظام ال auto lock للابواب و دا بيخلى العربية اول ما حضرتك تبدأ تتحرك والسرعة تزيد عن 15 k\h الابواب بتعل lock لوحداها ودا انا عملتو بنفسى و الطريقة ان حضرتك تحط المفتاح فى الكونتاكت و تلفه على وضع accessories اللى بتسمع عنده صوت هسسسسسس كدا زى مايكون كمبيوتر بيقوم المهم دوس على زرار ال lock اللى فى الباب لمدة 5 ثوانى تقريبا العربية هتعمل فلاشر " نور الانتظار "مرتين ودا تاكيد ان النظام اتفعل تمام
و فعل نظام ال auto unlock ودا بيعمل unlock للابواب بمجرد ما توقف بالعلربية و تشيل المفتاح من الكونتاكت و طريقة التفعيل هى ان حضرتك تحط المفتاح فى الكونتاكت و تلفه على وضع accessories اللى بتسمع عنده صوت هسسسسسس كدا زى مايكون كمبيوتر بيقوم المهم دوس على زرار ال unlock اللى فى الباب لمدة 5 ثوانى تقريبا العربية هتعمل فلاشر " نور الانتظار "مرتين ودا تاكيد ان النظام اتفعل تمام
هو الأتو لوك جميل فعلا لكن الأتو آنلوك دا مشكلته لما بأشيل المفتاح ويفتح اتوماتيك الابواب دا معناه ان ممكن اى حد يركب من اى باب مثلا باب الراكب اللى جنبى
فتفعيله مش آمن فى ظل ظروف البلد
دا أنا أساسا مش مفعله و قافل لوك الأطفال و بأنزل الاول من العربية علشان أشوف حوالين العربية الدنيا تمام و بعد كده بأفتح للأولاد و المدام من الريموت
.