كنت محتاج عربية ميجان هاي لاين تكون موديل 2007 او اعلى وتكون حالة كويسة
مستعد اخلص فيها من بكره بعد الكشف عليها
عرض للطباعة
كنت محتاج عربية ميجان هاي لاين تكون موديل 2007 او اعلى وتكون حالة كويسة
مستعد اخلص فيها من بكره بعد الكشف عليها
ربنا يوفقك وتلاقى عربية كويسة .... ومتتنازلش عن واحدة بفتحة سقف بانوراما ويا سلام لو لقيتها بفرش جلد بيج جامد جدا
أكشف عليها فى التوكيل أو على الأقل أسأل عنها فى التوكيل عشان تعرف ماضيها عشان توفر على نفسك حاجات كتير
يا ريت كان الموضوع بالسهولة دي :(
ربنا معاك و دور كويس و بلاش إستعجال............خد وقتك و زيادة.
بالتوفيق.
للعلم نادرا لما بشوف واحدة بانوراما الشكل بتاع 2007 وطالع
بشوفها كتير قوى فى 2005 و 2006 ولو لقت واحدة 2005 أو 2006 بانوراما بحالة ممتازة أنت الكسبان برضه
جماعه هو في فرق جامد بين 2006 و 2007 و 2008 ؟ يعني انا كمان ناوي اغير هبيع اللانسر بتاعتي وعايزاجيب رينو ف هيبقي في فرق ؟
فرق جوهرى مفيش
بس أقدر أقولك الفرق الواضح جدا بين ال 2005 وال 2006 والشكل الجديد أواخر 2006 ولحد ما نزلت ميجان 3
الأكسدام اتغير من قدام الشبكة والفوانيس ( بس الشكل ال قديم أحلى بالنسبة لى ) وهو تغيير مش جذرى face lift مش أكتر ولا أقل
نور التابلوه أصبح أبيض بدل أحمر ومع ذلك أنا بحب النور القديم وعداد ال rpm بقى شمال بدلا من يمين فى الت ابلوه وعداد السرعة بقى يمين بدلا من شمال
فيه تعديل بسيط على الفوانيس من ورا برضه بحب فوانيس ال 2005 أكتر !!
نفس الموتور ونفس الفتيس مفيش أى تعديل غير انهم نزلوا الفتيس فى 2007 بالسوفت وير الجديد اللى أى عربية 2005 عملته فى التوكيل برضه ببلاش عشان يحسن سلاسة النقل لا أكتر ولا أقل
الفوانيس مع الشكل الجديد بقت عدسات
طبعا انت ممكن تغير الاكسدام بتاعها للشكل الجديد لو عايز :)
ومش فاكر فى 2009 أو 2010 بدأوا ينزلوا الأكسدام بنفس لون العربية وبدأوا يحطوا حلية على الفوجات من تحت
بداية من 2007 ابتدت تنزل بمثبت سرعة شئ أساسى فى كل الفئات فى ال 2005 وأوائل 2006 مكنش بينزل إلا فى أعلى فئة البانوراما وفيه بانوراما مكنش بينزل فيها برضه
الكاسيت فى 2005 و2006 كان بينزل tuner list فى أول فئة وكان بينزل update list فى الهاى لاين فقط
من أواخر 2006 ابتدى ينزل كل الفئات ب update list
مش فاكر من سنة كام ابتدى ينزل الكاسيت يشغل mp3 بدل من المعتاد اللى بيشغل Audio
يعنى كلها تعديلات طفيفة مفيش حاجة core اتغيرت !
اصل احنا عندنا ميجان 2005 فا انا قولت لو جبنا واحدة تانية تبقى اعلى فى الموديل شوية
ربنا يوفقك يا باشا وتلاقيها .....هي نادرة شوية بس ان شاء الله هتلاقيها
بس ازاي نادرة ؟ انا داخلت كونتاكت كارز لقيت كتييير جدا !!!!
ومعلش سؤال تاني .. لو موديل 2006 تعمل Average كام في السعر ؟ وموديل 2007 ؟ عشان انا مليش في ال Used خالص بصراحة !
وهل ينفع اركبلها الكاسيت اللي راكب في عربيتي اللي هو سوني ؟