الموضوع: محتاج ميجان موديل 2007 او اعلى

ربنا يوفقك وتلاقى عربية كويسة .... ومتتنازلش عن واحدة بفتحة سقف بانوراما ويا سلام لو لقيتها بفرش جلد بيج جامد جدا

أكشف عليها فى التوكيل أو على الأقل أسأل عنها فى التوكيل عشان تعرف ماضيها عشان توفر على نفسك حاجات كتير

فرق جوهرى مفيش
بس أقدر أقولك الفرق الواضح جدا بين ال 2005 وال 2006 والشكل الجديد أواخر 2006 ولحد ما نزلت ميجان 3

الأكسدام اتغير من قدام الشبكة والفوانيس ( بس الشكل ال قديم أحلى بالنسبة لى ) وهو تغيير مش جذرى face lift مش أكتر ولا أقل

نور التابلوه أصبح أبيض بدل أحمر ومع ذلك أنا بحب النور القديم وعداد ال rpm بقى شمال بدلا من يمين فى الت ابلوه وعداد السرعة بقى يمين بدلا من شمال

فيه تعديل بسيط على الفوانيس من ورا برضه بحب فوانيس ال 2005 أكتر !!

نفس الموتور ونفس الفتيس مفيش أى تعديل غير انهم نزلوا الفتيس فى 2007 بالسوفت وير الجديد اللى أى عربية 2005 عملته فى التوكيل برضه ببلاش عشان يحسن سلاسة النقل لا أكتر ولا أقل

الفوانيس مع الشكل الجديد بقت عدسات

طبعا انت ممكن تغير الاكسدام بتاعها للشكل الجديد لو عايز :)

ومش فاكر فى 2009 أو 2010 بدأوا ينزلوا الأكسدام بنفس لون العربية وبدأوا يحطوا حلية على الفوجات من تحت
بداية من 2007 ابتدت تنزل بمثبت سرعة شئ أساسى فى كل الفئات فى ال 2005 وأوائل 2006 مكنش بينزل إلا فى أعلى فئة البانوراما وفيه بانوراما مكنش بينزل فيها برضه
الكاسيت فى 2005 و2006 كان بينزل tuner list فى أول فئة وكان بينزل update list فى الهاى لاين فقط
من أواخر 2006 ابتدى ينزل كل الفئات ب update list
مش فاكر من سنة كام ابتدى ينزل الكاسيت يشغل mp3 بدل من المعتاد اللى بيشغل Audio
يعنى كلها تعديلات طفيفة مفيش حاجة core اتغيرت !