ياجماعه العربيه بقالها فتره مخنوقه ومش بتسحب خالص مش عارف اجيب ال س تي بي الأمريكي اللي موجود في البنزينات ولا انظفه في التوكيل أحسن
ياجماعه العربيه بقالها فتره مخنوقه ومش بتسحب خالص مش عارف اجيب ال س تي بي الأمريكي اللي موجود في البنزينات ولا انظفه في التوكيل أحسن
ما ممكن يكون من الفلتر يا نبيه ؟؟
أو حطيت بنزين أي كلام ؟؟
عموما حاول تحط بتاع liqui أو اللي إنت عيزه ده ! و إن شاء الله النتيجة هيبقى كويسة :))
عربيتك ماشية كام ألف كيلو ؟؟
بص يا باشا أنا ا ستعملت منظف ليكوى مولى ولكن محستش بفرق أنا عربيتى داخلة عل ال 120 ألف كيلو والأستاذ عمرو أكسل علل الكلام دا لأنى مش متعود أستخدمه والمكنة شغالة بقالها كتير فمش معقول استخدامه هيخلينى احس بفرق الأداء
مع استخدام المحرك بيتكون طبقة كربون سميكة على البستون من فوق وعلى وش السلندر من جوا بتقلل من حجم غرفة الاحتراق طبعا بتزيد بزيادة عدد الكيلومترات
وبتتكون نفس طبقة الكربون دى حوالين الرشاشات من برا طبعا مش معقول انا كل شوية هستخدم منظف حقن مع البنزين
أفضل شئ انك تفك الرشاشات نفسها وتنظفها قدام عينك عند مركز متخصص او التوكيل زى ما انت بتعامل :)
( بينى وبينك أنا موضوع منظف الحقن دا شايف إنه مش عملى وحوار فكسان وجهة نظر مش أكتر ولا أقل )
بص يا باشا قبل اي حاجة
العربية موديل كام و عاملة كام الف ؟
عامل كل الصيانات مظبوطة بوجهيات - فلاتر - سيور - زيوت - ضغط العجل مظبوط - لو مانيوال الدبرياج سليم ؟
اخر مرة نضفت فلتر الهوا و البنزين اللي حطيته اخر مرة من مكان متعود عليه و لا لأ و لو التانك قرب يخلص حاول تخلصه و تحط غيره و تشوف
رد الأول ع الاسئلة دي
بخصوص تنظيف الانجيشكن عامة بغض النظر عن الموضوع
عندك stp و liqui moly
http://www.nilemotors.net/Nile/329623-a.html
بس بصراحة انا شايف ان دول كشئ وقائي عشان الرشاشات متتسدش و تحافظ عليها ع اد ما تقدر اما لو الحالة مستعصية معتقدش ان ممكن يكون تأثير و الله اعلم
يعني التنظيف باستخدام الالتراسونك شايفه أفضل لأنه بيفك الرشاشات و يحطها ع الجهاز و تتنضف صح
أنا كنت عملت موضوع قبل كدا عن تغيير البوجيهات لعربيتى
أول ما فكيت البوجيهات شفت وش البستون متفحم من الكربون
تذكرت مشاركة للعضو الكريم دكتور حازم قال فيها :
ان المهندس سبعاوى كان بيعمل حركة وهو بيغير أو بينضف البوجيهات
كان بييحقن 30 مللى تقريبا منظف حقن مكان كل بوجيه
وبيسيبهم شوية يتفاعلوا لحد هنا نقف شوية
انا نفسى برضه أعرف ايه نظام عمل منظف الحقن بالضبط هل عمله كيميائى بحت ولا يشترط درجة حرارة عشان يؤدىدوره بكفاءة ولا لازم احتراق عشان يعمل بكفاءة ؟
بعدين بيدور المارش عشان يطير كل المنظف اللى حطه فى عين كل بوجيه
أنا شايف إن الحركة دى من أخطر ما يكون على المحرك خصوصا بعد ما فكيت محرك صغير وشفت تأثيرها أمامى مباشرة
عشان بتعدى بين البستون وبتنزل على الزيت ويا سلام لما تدور المحرك وتحت احتراق عالى بتبوظ الزيت و تقلل لزوجته
30 مللى فى كل سلندر يعنى 120 مللى العلبة ال 330 مللى كافية ل 70 لتر بنزين !!!!!!!
بكدا المنظف جزء كبير منه نزل مع الزيت وحتى لو محرك جديد لانج لأن المنظف دا النفاذية بتاعته عالية جدا
فما بالك بمحرك قديم شوية ( هيوسع الخلوصات بتاع الموتور ويقلل لزوجة الزيت ويبوظ الدنيا ) النتيجة مش هتبقى فورية لكنه من عمر الموتور برضه
أنتو رأيكم إيه ؟؟ لأنى مش بنصح حد انه يعمل الحركة دى وفى نفس الوقت مش بتطول الرشاشات حتى كل تأثيرها بيبقى متركز على وش البستون فقط !!
حاول تستخدم liqui و إن شاء الله النتيجة هيبقى كويسة
اعملها في التوكيل احسن ....بلاش تلعب فيها برا التوكيل علشان متبوظش حاجة
هات ال Cyclo