الموضوع: ((MoBoX)) لزيادة ومضاعفة وكفائة الصب ووفر بنسبة لا تقل عن 55 الى 60%

مقاسات البرنامج الخ الخ الخ مش مقياس
تقولى ليه اقولك علشان مثلا فى سماعه 12 بوصه وسماعه تانيه 12 بوصه الاتنين نفس الحجم بس مش نفس القوة يعنى تلاقى واحده 300 ار ام اس والتانيه تلاقيها 600 ار ام اس فى الحاله دى حجم الصندوق مختلف للسماعتان
سماعه 12 ببوصه 300 ار ام اس و سماعه تانيه 12 بوصه 300 ار ام اس الاتنين نفس القوة ونفس الحجم , بس نوع المادة المستخدمه فى وش السماعه محتلف او مثلا الجوان الخارجى بتاع السماعه الانحناء بتاعه مختلف وطبعا فى كلتا الحالتين دول هياثر على ترددات الصوت مع العلم ان القوة 300 ار ام اس يعنى قوتهم واحده ومقاس واحد بس النوع الخامه مختلف
فموضوع قياسات البرامج مش اكيد اوى
طيب ايه هو افضل شئ علشان اعمل صندوق مناسب للسماعه؟
تمام اقولك افضل شئ انك تعمل مفاسات صناديق محتلفه لحد ما توصل لصوت بيز وتررد عشرة على عشرة , بس لحظه!!!!!!! معنى كلامى ده انى هحتاج فلوس كتير علشان اشترى اخشاب علشان اعمل صناديق كتير يعنى خراب ما بعده خراب.
بس هى فكرة حلوة علشان انا بستخدم ودنى فى السمع مباشرة وأذنى هى الضمان الوحيد لضبط الصوت من الاخر
فكرتى انا بقى اهى
الصندوق مكون من 6 جهات انا بقى اقفل الصندوق على 5 جهات بس ليه ؟ علشان الجهه 6 هستخدمها منفصله
مفهمتش حاجه
طيب اوضح شويه
انا هعمل ثقب مش عشوائى للصندوق علشان السماعه واركب السماعه فى الصندوق واقفل الصندوق من 5 جهات بس وطبعا احط مادة السيليكون او الغراء الابيض او فليكسون بين فاصل كل وجه و وجه فى البوكس علشان اتاكد ان مفيش تسريب هواء , والجزء السادس من الصندوق اخليه منفصل وادق فى منتصفه خشبه امسك بيها وجه الصندوق السادس واعمل فتحه لخروج الهواء بتاع البيز لو سماعه 12 انش ثقبها بيكون 5 سم الى 8 سم وطبعا ممكن يختلف بس احنا بندى مقاس مبدئى , وبعد كده امسك وجه الصندوق 6 ادخله فى الصندوق ( داخل خارج داخل خارج ) لحد ما اوصل لتردد بيز قوى ومظبوط جدا جدا جدا جدا وطبعا ودنى بتسمع رنه البيز وخلاص تمام الصوت كويس, اروح جايب قلم بسرعه وعامل علامه على الصدوق وبكده انا عاملت صندوق عشرة على عشرة , مهما اختلف شكل الصندوق مستطيل او مربع او بازوكا الخ....
هى دى فكرتى ( MoBoX ) ارجو الاحتفاظ بحقوق النشر باسمى اذا حد استخدم وعرف ينفذ الفكرة.
للاستفسار انا فى الخدمه

فكرة حلوة ربنا يباركلك

المشاركة الأصلية كتبت بواسطة rotanamasoud

فكره جيده بالتوفيق
طيب لو انا عايز اوفر اكبر مساحه فى الشنطه واعمل اصغر صندوق هل عندك فكره للمعادله دى(مع الاحتفاظ بالبيز)

تشتري عربية شنطتها اكبر

المشاركة الأصلية كتبت بواسطة rotanamasoud

فكره جيده بالتوفيق
طيب لو انا عايز اوفر اكبر مساحه فى الشنطه واعمل اصغر صندوق هل عندك فكره للمعادله دى(مع الاحتفاظ بالبيز)

مهو الى انا بتكلم فى ده انك تاخد اعلى بيز خارج من الصب ووفر مهما كان شكل البوكس دائرى مخروطى مستطيل مربع شبه منحرف أنبوبى اسطوانى الخ.... اهم شئ المساحه الداخليه للصندوق ( الضغط الداخلى ) وليس شكل الصندوق ايه.
وفى كذا نوع للصوت البيز لو شرحت هياخد كلام كتير لان اصوات البيز مختلفه حسب نوع الصب وقوته وحسب المواد المستخدمه فى تصنيعه وحسب ضغط البوكس الداخلى , يعنى فى مثلا بيز مسموع وغير مرئى بمعنى انك ممكن تسمع بيز لكن لا يتبعه اهتزاز او الفيبريت وفى بيز غير مسموع ولكن مرئى بمعنى انك لا تسمع اى صوت بيز ولكن يتبعه اهتزاز او فيبريت فى حيز المكان بجانب الصب ووفر دى بتبقى ترددات بتتقاس بجهاز معين او فى اغانى مثلا لاختبار البيز موجوده عندى هى مش اغانى هى ترددات مسجله بيستخدمها الشركات فى جوده التون الخارج من الصب هو موضوع كبير يطول شرحه,,,
فبالنسبه لتوفير المساحه دى ش عادى والاحتفاظ بالبيز الى عندك هو هيكون افضل بنسبه كبية جدا عن تصنيع البوكس بعشوائيه بس فى الحاله دى شكل البوكس هيتغير عن المئلوف يعنى على حسب الشنطه عندك وعلى حسب انحنائات الشنطه.
وانا تحت امرك...

بجد تسلم ايدك طيب انا دلوقت عندى صبين ومحتاج بوكسين بس يكونو صح انا عندى صديق ليه نجار ياريت المقاسات ليهم لان بجد اتخنقت نفسى البيز يرمى بره اكتر انا بنيم الكنبه اللى وره عشان البيز يرمى بعيد وفى حاجه كمان انا مش محتاج الشنطه وفى حاجه كمان عندى صندوقين من الخشب التبن هل ممكن اعدل فيهم واجرب

ومقاس الصندوق الطول 80*38 والخشب تبن ومحكوم كتير بالجلد والسفنج ودى الصور