استشارات و اقتراحات فى التشطيبات....

**ghostmido** · 07-03-2013 12:33 AM

السلام عليكم ورحمة الله وبركاته.....

لو فى حد شطب بيت قبل كده او عنده خبرة قى التشطيبات يا ريت يشاركنا برايه.

عندى استفسار مهم....محتاج لوحة عدادات الكهرباء تكون ليها مواصفات خاصة يعنى عايز اعمل سبع عدادات لسبع شقق فى لوحة واحدة رئيسية.

ممكن اشتريها منين؟

وياريت لو حد عنده تصميمات لمدخل المنزل يشاركنا بيه........

تحياتى للجميع وياريت تدعولى اشطب البيت وافوق بجد لان الواحد مفحوت فى الشغل و التشطيب.

**ghostmido** · 08-03-2013 08:42 PM

ايه ده مافيش حد شطب بيته قبل كده يدلنا على لوحة الكهرباء وتصميم المدخل.؟؟؟؟؟؟؟؟

**Y a r i s** · 08-03-2013 09:06 PM

حبيبي يا جوست هو ايه الهدف من انك تجمع
العدادات كلها تحت على حسب مافهمت ... هل مش عاوز محصل الكهربا يطلع يعني ويلف على الشقق ... انا من رأيي خليك في الطبيعي. لان. كل فترة بيتغير المحصلين. بتوع الكهربا فمش هيعرف العداد ده بتاع شقه كام ولا العداد ده بتاع شقة نمرة كام. ( فاهمني ) ... ويارب يوفقك قادر يا كريم. ويعينك ويقويك :) ولو مصر على موضوع اللوحة الوحدة دي اسئل عنها في شركة سويدي في العتبة. ولو انتا في اكتوبر ... روح مجمع علي الدين في ليلة القدر هتلاقي بتوع كهارب المصانع عندهم اللوح دي ومركات محترمة

وتحياتي

**Y a r i s** · 08-03-2013 09:39 PM

اااه هههه
. اهم حاجة تسيب القشاير بتاعت السطح علشان في المستقبل لو حبيت تقفل السطح. شقة ....

الا صحيح. محدش يعرف اخبار الجهاز ايه. هيعمل ايه في الناس الي قفلت السطح شقه وقد ايه الغرامة هتكون ،. انا شايف تلات تربع الناس بقت تطلع ادوار زيادة يعني انا بقيت لو طلعت فوق السطح بقيت اشوف نطحات سحاب في اكتوبر اشي تمن تدوار واشي سته واشي سبعة فايترى ايه الموقف هنا !!!

هل في غرامة بتدفع وخلاص ولاهل هيجي امر ازالة
لان على ما اتذكر في مدينة نصر زمان كان ممنوع اكتر من اربع او خمس ادوار بحكم انها جمب المطار وفجئة لقينا الناس الي بنين هناك بقو يطلعوا بالعشر تدوار عادي ... بس ياترى اكتوبر هيبقى نظامها ايه. بالذات ان مفيش جمبنا مطارات غير مطار عسكري مهجور محدش يعرف فين اراضيه :)