الموضوع: زواج سوريات بمصر

ياجماعه حد يروح يسأل في مسجد الحصري من الناس اللي ساكنه في اكتوبر بدل ما ندب مشوار ع الفاضي

المشاركة الأصلية كتبت بواسطة casperinoo

الكلام عام وغير موجه لشخص حد فيكم
ببساطه خالص ينفع ابوك يبقي لسه ميت واجي اقولك متجوزني امك ..مع انه ولا عيب ولا حرام ..
الأشقاء المنكوبين من اللاجئين السوريين لم يذهبوا إلى مصر ويعيشوا في حياه بائسة لتزويج بناتهم بأرخص الأثمان، وإنما من أجل الحرية للبلاد والعباد، وواجبنا الرفق بهم وليس استغلال ظروفهم للزواج ببناتهم ..
صدقني لو وافقت عليك هتبقي موافقه اضطرار ..وما أخذ بسيف الحياء فهو باطل

المشاركة الأصلية كتبت بواسطة |mostafa|

المصريين مع الوقت بيتحولوا لضباع......لاحول ولاقوة إلا بالله العلي العظيم.

اللي بيحصل دا قسما بالله انه عار علينا كمصريين....انت بتستغل واحدة ظروفها منيلة بنيلة على أساس ال ايه تتجوزها وتعفها وتساعدها، عايز تساعدها ؟ متديلها فلوس تعيش؟ وهي حرة تتجوز وقت ماتحب ممن تحب؟ هو مزاد؟ بنات في مكان عام وتروحوا تنقوا اللي يعجبكم وتدفعوا مهر الف ولا الفين جنيه وتمشوا؟ هو دا اللي ربنا قالكم عليه؟

موضوع يحرق الدم أستغفر الله العلي العظيم، ترضاها لاختك؟ لو مصر حصل فيها حرب انك تروح الاردن والرجالة تتلم تشوف اختــــــك ويدولك 1000 دولار ويقولك عادي مهو جواز؟ أترضاها لأمك؟ أترضاها لأختك؟

أين شيم الرجال يا مصريين؟

المشاركة الأصلية كتبت بواسطة ashouhdy

انا حاسس الموضوع قلب لشراء سيارة فابريقة متهربة من سوريا مش رشة بابخس الاسعار !!



شكلها حتقلب دعارة مقننة تحت مسمي السترة والزواج الشرعي

المشاركة الأصلية كتبت بواسطة mtak

لو قلبك عليهم

اكفل عائله منهم

على الاقل ادفعلهم ايجار شقه , بدل ما يباتوا فى الشارع

تذكرت فترة الحرب و التهجير للمقيمين بمدن القناه ,حيث انتشروا فى معظم انحاء مصر

كل من عاشوا تلك الفتره يقولوا لى كانت فتره صعبه جدا و كنا بنسكن فى مدارس , فى الفصول لحد ما نعرف ندبر امورنا

و كانوا بيحكوا كيف ان الناس كانت بتتعاطف معاهم و تشيلهم ( مش تنتهزها فرصه و تعمل عليهم حفله )

فين احنا الايام دى من كده

و خلى بالك ربنا قال فى ما معناه ان الايان نداولها بين الناس

انا حاسس ان ممكن قصدك شريف و لكن هناك الاشرف لك و لسمعه من تمثلهم

المشاركة الأصلية كتبت بواسطة mr_vampire

بفرض حسن النية .... اللي بيفكر فالموضوع ده وبيقول مش هغصبها او قصدي خير. يحط نفسه كدة مكان ولي امرها ولو هو وعيلته اللي لاجئين وهاربين من بلدهم لبلد تانية وناس من اهلهم ماتو وهما مش لاقيين لا ياكلو ولا يشربو ولقي رجالة وشباب البلد اللي هو هربان فيها كل همهم هو الجواز من بناته بحجة الستر والايواء.

لو رضاها لنفسه يبقي يتوكل علي الله ... لو مرضهاش يبقي يستغفر ربه ويساعدهم بطريقة تانية اكثر كرامة ليه قبل ماتكون ليهم.

كلام من الأخر
الله ينور