الموضوع: هل من حل لرفع اداء تكييف الفلوينس!!

الخليجى أساسا موتورها مختلف فمتعرفشل وضعية دورة التكييف فيها عاملة ازاى

المشاركة الأصلية كتبت بواسطة تامر.محمد

قياسا على اللي الناس عملته مع الميجان

فيه حل ميكانيكي عبارة عن تركيب مروحة للسربنتينة , هتلاقي موضوع بيه هنا في القسم
و فيه حل خارجي اللي هو العزل الحراري , عند شركة زي اتوسبا بحوالي 1600 جنيه

أنا فاكر ان فيه عضو كريم ركب مروحة على السربنتينة ... بس ما قالش رأيه فى التكييف بعد ما ركبها

غير كدا المفروض انها تشتغل مع التكييف الساقع وبس

غير كدا لازم تفصل سربنتينة السخن لأن المياه معدية فيها على طول وبتطلع هبو باستمرار هيأثر على كفاءة التبريد وعلى فكرة الحل دا لوحده هيزود كفاءة التبريد بدرجة ملحوظة لكن هتضطر تستغنى عن التكييف السخن ( بالنسبة لى أنا مش بيفرق معايا التكييف الساقع قوى فعشان كدا شايفه ممتاز )
لما مش ببقى مشغل التكييف خالص ولو عدلت البكرة على نظام دخول الهواء من الخارج وليس التدوير بيطلع هواء سخن !!!!!!! والكلام دا فى كل الميجان
والدليل القاطع التانى ان لما الفريون يقل بيطلع هواء سخن مع طلوع الهواء الساقع ...
وهما أساسا مصممين التكييف كدا

لكن العربيات الكورى بيقولوا ان المياه بتتمنع عن السربنتينة السخن فى ظل تشغيل الساقع وكمان عندك مروحة برا على السربنتينة يبقى التبريد ممتاز جدا
احنا لو معندناش نظام خلط الهواء السخن مع الساقع دا كان التكييف هيبقى أ داؤه أعلى من كدا ومن غير مروحة على السربنتينة ! ولو كان فيه مروحة على السربنتينة كان هيبقى أداؤه أعلى من الكورى كمان ( وجهة نظر )

عشان كدا انا شايف ان العيب مش من الكباس يا جماعة وخصوصا ان الكباس دا لو دخلنا على ورقة بياناته هنلاقييه مش ضعيف ولا حاجة وهو كباس متغير السعة وفيه تكنولوجى محترمة يعنى مش بيفضل شغال بنفس القوة بيغير قوته حسب درجة التبريد المطلوبة والدرجة اللى وصل ليها الفعلية

المفروض بناءا على الكلام دا لو واحد مشغل التكييف السخن وداس على زرار ال ac كدا الكباس مش هيشتغل كأنه واقف أو هيشتغل بعزم ضعيف جدا والله أعلم
بالنسبة لحكاية فصل سربنتينة الساخن أنا شايف ان لو ينفع يتركب على الخراطيم اللى داخلة عليها من حوض الموتور محابس أن لم يكن فيها محابس أصلا وتقفلها فى الصيف وتشغلها فى الشتاء هيبقى حل رائع جدا وعملى

لكن موضوع المروحة دا أنا عايز أفهم حيثياته الأول

ملحوظه على تكييف الميجان هو تلاجه على السريع ولكن مشكلته كلها فى الزحمه والتوقف المستمر
وكمان لما بتشغله يعد مثلا 20 دقيقه عبال ميسقع
انا اتغلبت على المشاكل ديه بتركيب مروحه قدام السربنتينه 10 بوصه بكتاوت منفصله بتشتغل بس مع التكييف وممكن تشغلها مع السرعه التانيه للمروحه
وبجد فرقت معايا جدا فى حاجتين
1- وقت التسقيع بقا 10 دقايق مثلا اقل بكتير
2- فى التوقف الاداء بقا احسن بكتير
بس بردة مش زى اليبانى
انا بفكر فى حاجه انى اغير المروحه ل 12 او 14 بوصه بس خايف من الحمل بتاع الكهرباء
لو هى نفس الماتور يبقى هغير وش لان اكيد هتفرق بردة