هي الميجان 2 فيها stabilizer bar ورا ؟

**Rsarabia** · 09-03-2013 12:48 PM

هى مش تورشن بيم بالمعنى المتعارف عليه للكورى لان فى الكورى العفشة متصلة يمين ماسك فى شمال و هو دا التورشن بيم اللى نقصده لكن فى الميجان العكس
هى اقرب للمالتى لينك
التعليق الخلفى
Independent Torsion bar Coil Springs
تعليق مستقل تفرق عن المالتى لينك ان المالتى لينك عالاقل بيكون 3 دراعات او اكتر طبعا

**Formulator** · 09-03-2013 01:18 PM

انت شايف كده! ماشى؟!!

بس هى Torsion زى ما كتاب العفشة صفحة الرينو :)
طالما مفيش Trailing-Arm يبقى مفيش Multi-link، فيـــــــه دنجل يبقى تورشن!

وهى semi-independent على فكرة :))

@ تامر.محمد
الميجان-II فيها 2 بار أمامى وخلفى، Anti-roll
عربية بالوزن ده (وفـ الفئة دى) مايقدرش ينزلها من غير البارات دى ستاندرد؟!!

**تامر.محمد** · 09-03-2013 03:11 PM

المشاركة الأصلية كتبت بواسطة Formulator

@ تامر.محمد
الميجان-II فيها 2 بار أمامى وخلفى، Anti-roll
عربية بالوزن ده (وفـ الفئة دى) مايقدرش ينزلها من غير البارات دى ستاندرد؟!!

طب انا الbody roll عندي عالي , يا انا سواقتي جنان بزيادة , يا اما يكون البار دي موجودة في فئات اه وفئات لأ , خصوصا ان عربيتي اول فئة اوتو

**Formulator** · 09-03-2013 04:37 PM

ماعتقدش يا تامر بيه ان الـanti-roll bar ينزل فـ الميجان-II فئات وفئات لأ؟!!
هى مش داتشيا ولا زى الكورى طبعا؟!!!

- خلينا متفقين مبدئيا انه الأمامى بينزل ستاندرد مع الموتور ده 1.6 16v DOHC (وحتى فـ الميجان-I كان بينزل قدام موتورها 1.6 SOHC 8v)

كده يبقى الكلام على البار الخلفى:
أنا شوفته فـ ميجان-II هاتش، فرنساوى.. والعربية دى عشرة سنيــــــــــن، لحد ما إتقلبت R.I.P ميجى! بتاعت ابن خالى.

بيبقى built-in جوا الدنجل، ومتثبت بجلب فـ الطرفين! شوف وقوللى!

بالنسبة بقى انه موجود، والعربية بتعمل body-roll:
دى ممكن تكون حاجة تانى فـ العفشة -الله أعلم
جلب مقصات، الـdrop-link تيش الميزان بتاع البار نفسه؟!! أو دامبرات!
لكن البار: تعديله الوحيد انت بتركب واحد oversize.. وده لا يفضل طالما مغيرتش عفشة سبورت
- البار الأمامى front-upper اللى بيمسك البطاحات تمام لو retrofit بتاعها طبعا.. بس دا يفرق فـ الهاندلينج والتحكم فـ الدركسيون قدام أكثر من الـbody-roll ورا.