تحويل لانسر بوما 1300 لاتوماتيك

**salah_86** · 09-03-2013 12:43 AM

والله ياباشا انا نفسى بجد انى اركب اوتوماتيك زى حضرتك بس اللى مخوفنى احول العربية انى اصلا محسوك وعاوز العربية تفضل على حالها مش عاوز العب فيها لو انى نفسى اركب اوتوماتيك بس موقفنى حاجتين العربية عزيزة قوى على قلبى ثانيا فلوسى متجبليش 1600 اوتو وهتوقفنى 1300 اوتو والناس هنا مقلقانى منها دا غير ان كل الناس قالت ان خامات البومة قلت خالص عن الموديلات القديمة وكمان مبيعش عربية 2009 بومة علشان اركب 2013 بومة برضة ياريت الشارك سعرها ينزل شوية ونقسط

**MohammedAladel** · 09-03-2013 12:50 AM

وأنا نفسى أركب مانيوال وقرفت من الأوتو يا جماعة حاسس إنى راكب أتارى والله مافيش بعد حلاوة المانيوال

**buddha** · 09-03-2013 01:05 AM

المشاركة الأصلية كتبت بواسطة mohammedaladel

وأنا نفسى أركب مانيوال وقرفت من الأوتو يا جماعة حاسس إنى راكب أتارى والله مافيش بعد حلاوة المانيوال

مع احترامى لكلامك يا باشا
انا قبل ما اركب اوتوماتيك كنت راكب مانيوال وكنت من غير ما اجرب الاوتوماتيك بقول علية مش ممتع اكيد

بس لما جربت لقيت ان استخالة اركب مانيوال تانى
بس فى نقطة المكن الصغير الاوتوماتيك فية مش ممتع والعربية بتبقى سحبها وحش

بس فى المكن الكبير قمة المتعة بصراحة وبعدين لوعايز تمشى براحتك عادى ولو عايز تقرص بردة على الغيار موجود كل التحكم بضغطة رجليك

وكمان الزحمة والشوارع مش عايزة غير اوتوماتيك
وكمان الاوتوماتيك بقى فية الاستيب ترونيك لو عايز غيرات اكنها مانيوال بالظبط

**Eng.Peter** · 09-03-2013 01:59 AM

نصيحة بلاش
اولا عربيتك هيبقى ملعوب فيها
ثانيا متضمنش الشغل و نظافته و النتيجة
ثالثا عربيتك هيقل ثمنها
رابعا برقم الشاسيه بتاع عربيتك هيبان انها فى الاصل مانيوال و بالتالى اللى هيشتريها منك وقت ما تفكر فى البيع هيكتشف ده و هيشك انها عاملة حادث محترم

**MohammedAladel** · 09-03-2013 02:39 AM

المشاركة الأصلية كتبت بواسطة buddha

مع احترامى لكلامك يا باشا
انا قبل ما اركب اوتوماتيك كنت راكب مانيوال وكنت من غير ما اجرب الاوتوماتيك بقول علية مش ممتع اكيد

بس لما جربت لقيت ان استخالة اركب مانيوال تانى
بس فى نقطة المكن الصغير الاوتوماتيك فية مش ممتع والعربية بتبقى سحبها وحش

بس فى المكن الكبير قمة المتعة بصراحة وبعدين لوعايز تمشى براحتك عادى ولو عايز تقرص بردة على الغيار موجود كل التحكم بضغطة رجليك

وكمان الزحمة والشوارع مش عايزة غير اوتوماتيك
وكمان الاوتوماتيك بقى فية الاستيب ترونيك لو عايز غيرات اكنها مانيوال بالظبط

عربيتى أوتو ستبترنيك على فكرة مش بستعم الستبترونيك دا خالص وملهوش لازمة قوى يعنى

كدا كدا الفتيس الأوتو بيعمل كيك داون منين ما أحب بدوسة بنزين

مكنوش عملوا الإيزى ترونيك يا باشا خلاص محول العزم دا راحت عليه الفتيسات الدوال لوجيك المانيوال بدبرياج كهرباء هى اللى حلت محل محولات ا لعزوم اللى بتتقل السحب وتضيع العزم وتزود الاستهلاك

يعنى الأوتو تركبه مع عربية مانيوال بدبرياج كهرباء

بالنسبة للمانيوال .... معنى كلام حضرتك إنى مخدوع فيه وان لو جربت المانيوال هعرف إن الأوتو أحسن ؟؟