العربية جديدة بس حاسس ان فى مشكلة فى البطارية

انا معايا بيكانتو لسة مستلمها من حوالى 40 يوم ، العربية كويسة فى كل حاجة ما عدا مشكلة واحدة قابلتنى، بعد اسبوع من استلامها جيت ادورها الصبح لقيت البطارية نايمة :shock: ، كلمت التوكيل قال انى غالبا مقفلتيش الشنطة كويسة و ده خلى لمبة الشنطة تفضل منورة طول الليل و كده البطارية فضيت و صدقته لان العربية بعد مشت كويس :) ، و بعدها 3 اسابيع دوت العربية الصبح و رحت مشوار و كنت طفيت العربية و دورتها كذا مرة و انا بدور على مكان اركن و لقتها نامت تانى لما جيت ادورها بعد ماخلصت المشوار :cry: ، زقة و مشيت كويس قلت يمكن نسيت حاجة تانى المرة و اخرها انهارده برضوا رحت مشوار و برضوا كنت طفيت العربية و دورتها بس حوالى مرة او اتنين و انا بدور على مكان اركن لكن المرة دى انا رحت مشوار تانى و لما جيت ادور بعد المشوار التانى لقيت البطارية فاضية :cry: ، مش عارف هل ده طبيعى ولا فى حاجة فى الدينامو او البطارية؟ :?:

متهيالي الاحسن تروح للتوكيل و بالمره تطمن على شحن الدينامو.

لا طبعا دا مش طبيعي الحل الامثل انك تروح التوكيل

شكرا، انا رايح للتوكيل بس حبيت اسأل علشان اللف و الدوران اللى ممكن اخش فى، و كمان كده اقدر اتكلم بقلب جامد معاهم.

ممكن يكون فى حاجة بتهرب فى العربية كهرباء وبالتالى بتنيم البطارية او فى مشكلة فى البطارية نفسها وعايزة تتغير او الدينامو مش بيشحن البطارية, وعموما روح التوكيل وان شاء الله هتبقى حاجة بسيطة :)

اشكرك يا ابو عبدالله باذن الله، بس اللى نفسى اعرفه ليه ساعات بتكون ماشية كويس و فجأة تحصل الحكاية دى :?

هناك احتمالين يحضروننى الان اولهم ان يكون عندك مشكلة فى الدينامو فبالتالى البطارية بتستهلك الطاقة الى فيها وبتنام.
الاحتمال الثانى ان لو البطارية عادية مش جافة هيكون فيها عيب والعيب دة مشهور اوى ان البطارية مش بتنام ولكن بيحصل فصل فى الالواح الداخلية ودة بيؤدى الى ان البطارية مرة تشتغل ومرة لاء وبيبقى الحل الوحيد انك تغيرها .

الاحتمالين دول عن تجربة شخصية والله اعلم اذا كان فى احتمالات اخرى ولا لاء

لو البطاريه مش جافه خلي اي كهرببائي يشوف مستوي الميه فيها ايه و تركيز الحامض لو تقيل او خفيف او ميه البطاريه زياده او ناقصه و خليه يشوف شحن الدينامو مضبوط ولا لاء؟؟

بص يا مينا هقولك على اقتراح شوف اذا كان ينفع معاك اول ماتنزل من العربية افصل البطارية و لما ترجع ابقى وصلها تانى و خليك كده فترة و انت متابعها اذا عملت الحركة ديه تانى يبقى احتمال كبير ان يكون العيب من البطارية نفسها و اذا محصلتش يبقى العيب يا اما من تسريب كهرباء فى العربية او الدينومو

طالما عربية جديدة يبقى تروح التوكيل على طول وتصر انهم يغيروها وماتدخلش فى سكة الكهربائية والكلام ده

انت جايب عربية جديدة يعنى بطاريتها تشتغل من غير مشاكل 3 سنين على الاقل. واللى بتقوله ده طبعا مش طبيعى خالص

اشكركم على الرد انا حازم مادام العربية جديدة اوجع قلبى ليه، انا حجزت اروح التوكيل و هقولكم وصلت لايه مع المشكلة دى اول ما تتحل باذن الله

اقتباس:

---

طالما عربية جديدة يبقى تروح التوكيل على طول وتصر انهم يغيروها وماتدخلش فى سكة الكهربائية والكلام ده

---

انا حبيت اقول وصلت لايه علشان لو حد عنده مشكلة مشابهة

الاول قالوا ان المشكلة فى تركيب الانذار مش كويس بس وضحت لهم ان مشكلة البطارية و دوران العربية كانت قبل ما اركب الانذارباسابيع، فبعد ساعة فحص قالوا ان الدينامو و البطارية كويسين، و ان المشكلة تقريبا :roll: :!: سببها ان كابل الارضى كان مفكوك :shock: :?: و انهم ربطوه كويس دلوقتى، و لو المشكلة رجعت يبقى ارجع و هيغيروا البطارية :!:
لحد دلوقتى العربية كويسة، و لكن مش عارف ازاى العربية خرجت من المصنع و من التوكيل و انا سوقتها 3500 كم و الكابل كده، و المهندس و العامل مقدروش يردوا لما سألت ازاى العربية كان فيها العيب ده :?: :!:
المهم ربنا يستر و ميكونش فى حاجة تانية و هما مش عارفينها و اشكر كل اهتم و رد عليا

ممكمن طبعا الكابل يكون ماكنش مربوط كويس. وخلال 3500كم ومع المطبات والذى منه يكون فك شوية وبقى ملمس.
على كل خليك متابع وبلغنا بالنتيجة

هسيب اسبوع و اشوف ايه الاخبار، و هاكتب وصلت لايه، و ان ارجو انها تخلص على خير، اصل الموضوع ده مضايقنى جدا، الواحد ما بيشتريش عربية جديدة علشان يزوقها كل كام يوم

اللى يسيب كابل بطارية مفكوك ممكن يسيب اى حاجة تانية مفكوكة, انصحك انك تربط على عفشة العربية وقواعد الموتور وطبعا مش لازم تروح التوكيل وممكن تروح لدرش واكيد هوا ان شاء الله هيظبطك :)

انا معاك بس انا كلها اسبوع و لا اتنين و اعمل صيانة 5000 ، و هاخلايهم يراجعوا على كل حاجة و بصراحة اكتر انا مليش فى الميكانيكا، :oops: فخايف افتح على نفسى مشاكل اكتر لو راحت لحد بره التوكيل :? ، و هو لحد دلوقتى المشكلة متكررتش :) ، و ارجو تكون فعلا اتحلت نهائيا :D .

بس انا هاكون واقف لهم يوم صيانه 5000 علشان ملقيش حاجة تانية :!: بعدها و ان كان الحق انهم كانوا فى غاية الزوق و محروجين من المشكلة :oops: و ده اللى خلانى مكترش فى الكلام و اعديها :wink: .

و شكرا لاهتمامك