العربية جديدة بس حاسس ان فى مشكلة فى البطارية

**Mina W** · 28-06-2007 10:38 AM

انا معايا بيكانتو لسة مستلمها من حوالى 40 يوم ، العربية كويسة فى كل حاجة ما عدا مشكلة واحدة قابلتنى، بعد اسبوع من استلامها جيت ادورها الصبح لقيت البطارية نايمة :shock: ، كلمت التوكيل قال انى غالبا مقفلتيش الشنطة كويسة و ده خلى لمبة الشنطة تفضل منورة طول الليل و كده البطارية فضيت و صدقته لان العربية بعد مشت كويس :) ، و بعدها 3 اسابيع دوت العربية الصبح و رحت مشوار و كنت طفيت العربية و دورتها كذا مرة و انا بدور على مكان اركن و لقتها نامت تانى لما جيت ادورها بعد ماخلصت المشوار ، زقة و مشيت كويس قلت يمكن نسيت حاجة تانى المرة و اخرها انهارده برضوا رحت مشوار و برضوا كنت طفيت العربية و دورتها بس حوالى مرة او اتنين و انا بدور على مكان اركن لكن المرة دى انا رحت مشوار تانى و لما جيت ادور بعد المشوار التانى لقيت البطارية فاضية ، مش عارف هل ده طبيعى ولا فى حاجة فى الدينامو او البطارية؟ :?:

**fady** · 28-06-2007 11:24 AM

متهيالي الاحسن تروح للتوكيل و بالمره تطمن على شحن الدينامو.

**memoo_1st** · 28-06-2007 11:26 AM

لا طبعا دا مش طبيعي الحل الامثل انك تروح التوكيل

**Mina W** · 28-06-2007 11:55 AM

شكرا، انا رايح للتوكيل بس حبيت اسأل علشان اللف و الدوران اللى ممكن اخش فى، و كمان كده اقدر اتكلم بقلب جامد معاهم.

**Abdallah** · 28-06-2007 02:34 PM

ممكن يكون فى حاجة بتهرب فى العربية كهرباء وبالتالى بتنيم البطارية او فى مشكلة فى البطارية نفسها وعايزة تتغير او الدينامو مش بيشحن البطارية, وعموما روح التوكيل وان شاء الله هتبقى حاجة بسيطة :)

**Mina W** · 28-06-2007 03:36 PM

اشكرك يا ابو عبدالله باذن الله، بس اللى نفسى اعرفه ليه ساعات بتكون ماشية كويس و فجأة تحصل الحكاية دى :?

**Abdallah** · 28-06-2007 03:46 PM

هناك احتمالين يحضروننى الان اولهم ان يكون عندك مشكلة فى الدينامو فبالتالى البطارية بتستهلك الطاقة الى فيها وبتنام.
الاحتمال الثانى ان لو البطارية عادية مش جافة هيكون فيها عيب والعيب دة مشهور اوى ان البطارية مش بتنام ولكن بيحصل فصل فى الالواح الداخلية ودة بيؤدى الى ان البطارية مرة تشتغل ومرة لاء وبيبقى الحل الوحيد انك تغيرها .

الاحتمالين دول عن تجربة شخصية والله اعلم اذا كان فى احتمالات اخرى ولا لاء

**hazem_khidr** · 28-06-2007 09:53 PM

لو البطاريه مش جافه خلي اي كهرببائي يشوف مستوي الميه فيها ايه و تركيز الحامض لو تقيل او خفيف او ميه البطاريه زياده او ناقصه و خليه يشوف شحن الدينامو مضبوط ولا لاء؟؟

**mina_ramsis** · 29-06-2007 12:55 AM

بص يا مينا هقولك على اقتراح شوف اذا كان ينفع معاك اول ماتنزل من العربية افصل البطارية و لما ترجع ابقى وصلها تانى و خليك كده فترة و انت متابعها اذا عملت الحركة ديه تانى يبقى احتمال كبير ان يكون العيب من البطارية نفسها و اذا محصلتش يبقى العيب يا اما من تسريب كهرباء فى العربية او الدينومو

**h_hezzah** · 29-06-2007 01:06 AM

طالما عربية جديدة يبقى تروح التوكيل على طول وتصر انهم يغيروها وماتدخلش فى سكة الكهربائية والكلام ده

انت جايب عربية جديدة يعنى بطاريتها تشتغل من غير مشاكل 3 سنين على الاقل. واللى بتقوله ده طبعا مش طبيعى خالص

الموضوع: العربية جديدة بس حاسس ان فى مشكلة فى البطارية

LinkBack

أدوات الموضوع

عرض

العربية جديدة بس حاسس ان فى مشكلة فى البطارية - انشر الموضوع فى :

-

-

-

-

-

-

-

-

المواضيع المتشابهه

تغير البطارية القديمة بأخرى جديدة .

البطارية باظت مع انها لسه جديدة

مشكلة فى جديدة فى العربية ويارب تساعدونى

حاسس بنتشة فى سحب العربية ............

حاسس ان العربية بتسخن

الكلمات الدلالية لهذا الموضوع

المفضلات

المفضلات

ضوابط المشاركة