شوف يا أستاذى , لو عايز ترفع صور , حتلاقى فوق خالص فى أى صفحة سيادتك فاتحها للمنتدى , السطر اللى فوق خالص , حتلاقى فيه الروابط الاتيه : المنتدى , الموقع , بنك الدم , المشاركات الجديده , مواضيع مشترك بها , إستعلامات المخالفات , و أخيرا رفع الصور , علطول قبل رابط اتصل بنا , خلاص كده ....
فا حتدوس على رابط : رفع الصور ده , خير اللهم اجعله خير , حتلاقى فيه رابط اسمه إختيار ملف , جميل كده الكلام ده , حتدوس عليه سيادتك , دوس و انا مستنيك ................
خلاص كده ,,,, طلعلك ايه ,,,, طلع نافذه بالحاجات اللى على كمبيوتر سعادتك , حتختار الملف بتاع الصورة و تدوس على open اللى فى النافذه المفتوحه , و فى صفحة النت حتدوس على المربع اللى قدام كلمة أوافق على شروط المركز , فا حتلاقى علامة صح خضرا ظهرت فى المربع , تحتيها علطول فى رابط مكتوب عليه رفع الملفات ,,, ايوه هوه ده , دوس عليه بقه
فضلا انتظر جارى رفع الملفات ......................................
ياااااااااااه كل ده بيحمل , يا مسهل يا رب
هاه , خلاص كده , شوف معايا , الصوره و تحتيها عدة لينكات لروابط , إختار اللينك بتاع المنتديات , خده كوبى و بيست فى موضوعك اللى سيادتك بتكتبه و عايز تبعته و بعد ما تدوس إعتمد المشاركه , حتظهر مشاركتك و فيها الصوره
المفضلات