الموضوع: كلام فل سياسه "التوكيل"

بسم الله الرحمن الرحيم


سجل يا تاريخ ....

لحظة ما حسيت بأنى أنا مش أنا

أنا مين ,,, أنا فين ,,, أنا إزاى ,,, أنا ليه

فجأه ,, شوفته ,,,, عرفته ,,,, مشيت ناحيته ,,,,, و أنا مش أنا

خطوات ,,,, هى خطوات ,,, تقريبا كده خطوات ,,,,

أنا متحدثا : سلام عليكم

هو متحدثا : و عليكم السلام

أنا : باسم ؟

باسم : ايوه , أحمد العربى مش كده

سلام بين اتنين أول مره يشوفوا بعض و لكن كأنهم يعرفوا بعض من 20 سنه

و أخييييييييييييييييييييييي ييييييرا شوفت الرجاله

و من هذا المنبر أقول لكم : فعلا تشرفت بيكم كلكم ,, تحية لكم جميعا.

و الله أنا كنت حابب أتكلم عن كم الفائده اللى استفدتها منكم فعلا من خلال محادثتنا و حوارتنا

بس لقيت أنه مع انى أشهد لكم بأنى إستفدت جامد أوى من المقابله دي ...

لكن أنا حابب أكتر انى اتكلم عنكم و عن طيب أخلاقكم و سمو روحكم ,, و الله معرفتكم ديه أكبر مكسب ليا.

و مهما اتكلمت مش حوفيكم حققم فى المدح و الثناء.

شكرا ليكم كلكم و يا رب أشوفكم دايما على خير و فى اتم صحه و أحسن حال

طبعا انتو عرفتونى من خلال مشاركاتى "مشاغب" فا مش ممكن أفوت الفرصه ديه , لازم أشاغب شويه

طبعا أنا عارف مين حط ايده على قلبه دلوقتى هههههههههههههههههههههه

و يمكن حط ايده على رأسه كمان ,, و تلاقى دلوقت بيقول ,, يخرب بيت اللى يقولك على سر يا أحمد يا عربى هههههههههههه

Ahmed El Araby & Secrets : Don't Mix

مبدئيا قبل أى كلام , أنا عايز أوضحلكم موقفى من العربيه و من مركز القطاميه عشان المواضيع تبقى واضحه و مايبقاش فيها لبس
"عربيه حلوه , مركز صيانه مش حلو"

شوفتوا أنا بختصر إزاى
شوفتوا أنا رومانسى ازاى
شوفتوا أنا دقيق ازاى , يعنى قلت مركز القطاميه و ماقولتش كل المراكز
شوفتوا الأدب و الأخلاق العاليه , بقول حلو و مش حلو
أظن عدانى العيب و أزححححححححححححححح خاااااااااااااااااااااااا الص يعنى

و طبعا عربيه حلوه عشان :
1- ..
2- ..
3- ..
و مركز صيانه مش حلو عشان:
1- ..
2- ..
3- ..

تصوروا , أل ايه , فيه ناس حبايبنا أوى , ظنوا ان أنا كنت شغال فل توكيل و سيبته و داخل المنتدى عشان أعيب فل وكيل و أشوه صورته عشان أنا ممكن أكون
1- حاقد عليهم و على نجاحهم المبهر الفذ المنقطع النظير و اللى كل الناس بتتكلم عنه الحقيقه.
2- ماكنتش باخد مرتب كويس عندهم أو كنت بتعامل وحش من مديرينى عندهم.
3- بضرب سمعة مراكز خدمة الوكيل عشان الناس تيجيلى تعمل عندى صيانه ههههههههه.

و الله مش عارف أرد أقول ايه , أنا دماغى قفشت بعد ما عرفت أن حبايبنا بيفكروا بالطريقه ديه و هو ده المنتهى اللى وصلوا ليه لتحليل شخصيتى و مشاركاتى
و كل الظن ده ليه بقه , عشان أنا اتكلمت بلسان حال الناس اللى شغاله هناك , إفتراضا منى و تكهنا ليس أكثر , لأن غالبا فى رأىى إن أسباب النجاح فى كل الشركات تقريبا بتبقى واحده , فأنا قلت قواعد عامه ممكن نشوف هل هى موجوده فل وكيل و لا لاء

قبل أى رد و قبل أى كلام ,, أنا رحت المقابله بتاعت القسم الصينى و اتصورت و صورتى البهيه نزلت عل منتدى و الحمد لله , هاه , شوفتونى , بوصوا كويس , الحمد لله كده , متلعطش كنت شغال فى شركة الأمل و لا حاجه هههههههههههه

ايه ده ,,,, ده طلع مكنش معانا ,,,, يااااااااااااى ,,,, يكونش تبع غبور !!!!!!!!!!!!!!

دماغى قفشت تانى ,,, يا جماعه فيه أى توكيل حلابسه فيكى يا مصر و السودان شاف صورتى و قال اه ده شغال معانا ؟؟

صمت ................................

الحمد لله , نخش بقه عل مفيد

هو حد برده يزعل من بابا ؟؟ , هو بابا عايزلنا ايه ؟؟ عايزنا نبقى كويسين و شاطرين و ناجحين بل متفوقين و نبقى سونه أجدع ناس !!

أنا بابا !!!

يعنى بابا يضرب و يزعق ماما تطبطب و تدلع

و طبعا إذا كنت أنا بابا ,,, فا انتوا عارفين كويس مين فل قسم ده ماما ههههههههههههه

ماما زمانها دلوقتى بتقرأ المشاركه و بتقول : الله يخرب بيت اللى يزعلك يا أحمد يا عربى هههههههههه

بإختصار كده

أنا مصلحتى من مصلحة وكيل العربيه اللى أنا شاريها

لو الوكيل كويس :
1- عربيتى حتتصان كويس و مشاكلها حتتحل سواء مشاكل من عيوب الإنتاج و التصنيع أو مشاكل من الإستخدام و الإستهلاك.
2- سمعة العربيه و الوكيل حتبقى كويسه مما يؤدى إلى زيادة المبيعات و بالتالى العربيه حيكون ليها سوق و مطلوبه و بالتالى حتحتفظ بقيمتها و يبقى تمنها فيها و لما اجى ابيعها مخسرش فيها جامد
3- أشعر بالفخر انى راكبها و اتباهى بيها
4- أحس ان انا اخترت صح و كنت موفق فى إختيارى و مش ندمان.

و عشان ده يتحقق لازم الوكيل مايبصش للمشاكل الفرديه و يحاول يحلها أو مايبصش للى بيكتبوا فل منتديات و بس خلاص على كده , بس عشان خاطر صوتهم مسموع و كلامهم بيوصل لشريحه لا بأس بها من الناس , فا اشوفهم الناس ديه عايزه ايه و أشترى رضاهم و خلاص.

ده للأسف اسمه قصر نظر و ضيق أفق

و يا رب يوفق الجميع , أنا عايز الخير و المصلحه مش أكتر


يا رب تكونوا فهمتوا .................................................. ......................................... يا رب