سحب رخص كل من يمتلك سيارة فى اكتوبر

**kimo** · 04-08-2008 10:56 AM

بصراحة يا اخوانى سيادة محافظ اكتوبر الجديد فى الكام يوم اللى فاتوا يوميا ارى موكبة فى المدينة ودى حاجة كويسة جدا لكن اللى مش كويس لجان المرور اللى زادت ومن كترها لجنة فى وسط الحى مش فى طريق عمومى لجنة حزام روحت اوصل زميل فى العمل لالمستشفى وفجاءة لقيت اللى مايتسماش انت ولا اللى جنبك مش لبسين الحزام يا باشا دى طرق داخلية والسرعة فيها من 20لى40كم وطبعا الطريق واقف من كتر اللى راكن وتسحبت الرخصة علشان دفتر التحصيل السريع خلص بعد كدة هطلع 20 جينة مع الرخصة وربنا يسمحنا

___________
تم تعديل العنوان لعدم موضوعيته
مشرف العـــــــــــــــــــام

**Nile_Storm** · 04-08-2008 01:05 PM

هوا الراجل ده كده
بيحب المواكب زي عينيه
اما كان في الجيزه كان بيوقف شارع الهرم برضه

**Defender** · 13-08-2008 09:00 AM

اييه المواكب دي هو عاوز يفهمني انه معرض للاغتيال من قبل تجار الاراضي في اكتوبر

**hussein** · 13-08-2008 09:05 AM

د: فتحى سعد مش بيحب المواكب ولا حاجة الراجل بيلف فى المدينة بيشوف احوالها
لكن جهاز الامن فى مصر بيخاف من خياله فبيعمل كل االى هوا عايزه علشان محدش يتهم بالتقصير

وبعدين ايه علاقة لجنة مرور بموكب المحافظ ؟؟ اعتقد مفيش علاقة

**Mostafa Taher** · 13-08-2008 11:46 AM

لواء - عبد الوهاب خليل

مدير امن 6 اكتوبر الحالى

هو اللى وراء التشديد الامنى الحالى في اكتوبر لما هو معروف عنه من التشدد وعشقه للانضباط

**MohabSaeed** · 13-08-2008 01:33 PM

المشاركة الأصلية كتبت بواسطة Mostafa Taher

لواء - عبد الوهاب خليل

مدير امن 6 اكتوبر الحالى

هو اللى وراء التشديد الامنى الحالى في اكتوبر لما هو معروف عنه من التشدد وعشقه للانضباط

اسمحلى بس ... انا من سكان 6 اكتوبر .... ممكن اعرف فين الانضباط ده ؟؟؟؟؟ العيال الخلايجه ماشين ليل نهار و وكتير منهم ان مكانش كلهم مفيم العربيه و سعات كتير مش بيبقى معلق عليها نمر مصريه .....؟؟؟؟

غير العربيات النص نقل الى بشوفها بعينى وسايقها عيال ممعاهمش رخص ؟؟؟؟؟؟؟؟

يبقى فين الانضباط ده ؟؟؟؟؟

وبعدين المحافظ مش قال من ساعده ماتعين انه حيحل مشكله المواصلات الداخليه داخل المدينه ؟؟؟؟؟؟؟؟؟ فين الكلام ده بس طبعا كلو كلام فى الهوا .... العربيات النص نقل ام صندوق مقفول الى ماتنفعش غير لنقل المواشى زى ما هيه و الناس مضطره تركبها ... العربيات النص نقل لسه بتنقل ناس .....و ربنا يستر على البنات فى 6 اكتوبر من الموضوع ده خصوصا .

ربنا يصلح الحال

**safwat** · 13-08-2008 03:25 PM

انا مع الاخ مهاب :
اكتوبر مافياش انظباط خاص من اي نوع ممكن تقعد اسبوعين ماتشوفش ظابط والمرور فيها اخر هرجله من العربيات النص نقل والعيال الخلايجه

**hazem_khidr** · 13-08-2008 03:30 PM

المحافظ مالوش علاقه بالتراخيص
و بعدين الحزام مش بيفرق بين طرق داخليه و خارجيه
حتي في الامارات قبل ما تطلع بعربيتك لازم تربط الحزام

**ahmedmaklad** · 13-08-2008 03:39 PM

ana fe3lan ma3ako ana bardo saken fi october we kol eli bey7sal howa shewayet zobat el sob7 el sa3a 10 we belil shewaya fi el 7ossary bas le7ad delwa2ti el nos na2l mali el donya we mafeesh mewaslat da7`lia 3`er el 3arabyat el kaboot di ana mesh 3aref ezay aslan madena zay 6 october di mafhash mewslat da7`lia