ارجو المساعدة لمبة غريبة فى الصنى 2008

**medommsr** · 08-03-2013 07:46 PM

ياجماعة انا شارى عربية نيسان صنى 2008 جديد اوتومتك وفى لمبة فى التابلوه تحت الحروف بتاعت الغيرات منوره على طول وانا مش فاهم دى بتاعت ايه وهل هيا لازم تبقى منوره على طول ولا لا فايارات اصحاب الخبره يفيدونى

**hany79** · 08-03-2013 10:12 PM

اعتقد دي لمبة الاوفر درايف اللي بتشغل الفتيس ٣ نقلات و بتخليك تحرق على كل نقلة و لالغائه في زرار اسود صغير تحت الزرار الكبير الفضي بتاع الفتيس بتضغط عليه و الكونتاكت شغال بتلاقي لمبة o/d بتنور و تطفي يعني تشغل الاوفر درايف و تقفله
و الله الموفق

**Ahmed.TV** · 08-03-2013 11:44 PM

وياريت تقولنا اطفت ولالا .. وطمنا

**hany79** · 09-03-2013 01:37 PM

المشاركة الأصلية كتبت بواسطة medommsr

هيا فعلا مكتوب عليها o/d off اعتقد طب دى ايه فيدتها وايه اضرارها وياترى لما تبقى منوره تبقى صح ولا مغلقه لانى بصراحه مش فاهم لانى جديد لسه فى الاتومتك لانى كنت ملاحظ انها مكنتش شغاله وفجأة بقت شغاله ععلى طول

حضرتك لما تبقى مطفية احسن عشان متحملش على الموتور باستمرار

**medommsr** · 09-03-2013 02:26 PM

الحمدلله ياجماعه هو فعلا طلعت علامة الاوفر درايف ودى تشغيلها وغلقها من زرار اسمر كده لقيته تحت الزرار بتاع الفتيس الاتومتك وقفلتها والحمدلله العلامه راحت وفعلا كثر تشغيلها خطأ على العربيه

**Land_Cruiser** · 17-03-2013 08:03 PM

المشاركة الأصلية كتبت بواسطة medommsr

الحمدلله ياجماعه هو فعلا طلعت علامة الاوفر درايف ودى تشغيلها وغلقها من زرار اسمر كده لقيته تحت الزرار بتاع الفتيس الاتومتك وقفلتها والحمدلله العلامه راحت وفعلا كثر تشغيلها خطأ على العربيه

هي وظيفتها تأخير النقله لحد ما ال rpm يوصل الي 4 و ده بيبقي حرق علي الغيار و بيخلي العربيه تجري معاك و تجميعها يبقي اسرع لكن علي حساب استهلاك البنزين اللي هتلاقيه زاد و صوت الموتور هيعلي. بالنسبه لاستخدامه احيانا ممكن تبقي عايز تجري بسرعه في وقت قليل فتبقى تشغله ساعتها و بعد كده تطفيه و زي ما الزملاء ما قالوا لحضرتك لما يبقي شغال هتبقي اللمبه بتاعته منوره