الموضوع: سؤال لكل من غير نيسان الشكل القديم وجاب الجديد

المشاركة الأصلية كتبت بواسطة AlGazar2

انا مستخدمتش العربيتين بس من كلام الاعضاء هنا

عفشه القديمه انشف و احسن - العربيه اثبت - الموتور اقوى و استهلاك البنزين اعلى

من خلال مشاهداتى للصنى فى الشارع يبقى صاج القديمه اقوى - ارتفاع الجديده اعلى
هما الاتنين بصراحه شكلهم مش داخل دماغى بس بعد ما شوفت الجديده القديمه بقت بتعجبنى اكتر
القديمه اوسع من الجديده - قطع غيار القديمه موجوده عن الجديده

لو عايز العربيه للمشى جوه البلد يبقى الجديده لو هتسافر بيها يبقى تجيب القديمه ده لو انت عايز الصنى بس يعنى

مشكله صاجه التيل الخلفى فى الجديده بتتحل فى التوكيل من غير ما العميل يتكلف حاجة و لو موجوده فى القديمه هاتتحل برضه من غير ما العميل يتكلف حاجة بصراحه من اكتر التوكيلات احتراما فى مصر توكيل نيسان

النيو صني عفشتها انعم طبعا ,, تقريبا زي عفشة التويوتا بالظبط .. وصوت موتورها أهدى من القديمة
الجديدة لما بتبقى سوبر صالون بيبقى شكلها أحلى من ال ex saloon عشان الاسبويلر بيعدل منظرها من ورا
الجديدة طبعا أوسع جدا جدا جدا جدا من القديمة وأوسع من أي عربية في نفس فئتها وأعلى من فئتها .. دي أوسع من المرسيدس الزلمكة يا راجل
الجديدة حلوة قوي على الطريق في السفر وثباتها كويس جدا رغم علوها عن الارض لكن باخد بيها ملفات جامدة وضيقة على 100 و 120 ولا بتحس بأي حاجة .. وفراملها روعة بتسعفك في أي طارئ ..
صاجة التيل الخلفي كانت موجودة في العربيات اللي في أول الانتاج واتحلت دلوقتي ومبقاش فيها أي مشكلة ..
عيب العربية الوحيد هو الكاوتش الماكسيس .. ورغم كده أنا لسه ماشي بيه لأنه مش بطال وزي ما بقولك ثبات العربية بيه كويس ونعومة العفشة تمام والفرامل 100% ..
نصيحة مني العربية تمنها فيها وخصوصا السوبر صالون .. لكن القديمة هتشتريها ب 110 ألف لو هتجيبها زيرو .. الجديدة السوبر صالون 125 .. احسب فرق ال abs وebd والاير باج والجنوط والبلوتوث والتارة الملتي فانكشن والوسع هتلاقيها صفقة رابحة فعلا