fiat 128

**EL_3OMDA** · 08-03-2013 07:48 PM

مو 79 لون احمر رخصه ساريه لشهر اغسطس .
راشه من الداخل و الخارج طبعا .
حاله الموتور و الدواخل و الفرش جيده جدا .
تم عمل صيانه و تجديد الاتي بجديد علي مدار ال 6 شهور الماضيه
بطاريه جافه و اسبراتير و سلوك و فلاتر .
رداتير و طلمبه و مشترك مياه .
2 كاوتش امامي .
سيرفو وماستر .
صيانه وجلب للمارش .
جلب و صيانه للعفشه بالكامل .
السياره تحتاج الي
سمكره ودوكو من الخارج فقط .
علي المستقبل كبالن و طقم دبرياج في وجهه نظري ويبقي كلها اتجددت .
السعر
14500 نهائي
ملحوظه
تسعير ميكانيكي في منوفيه و سمكري في القاهره ميعرفوش بعض بفارق 500 اعلي كمان .
سبب البيع للتغير باعلي وللامانه مريحاني بقالها اكتر من 4 سنين وبصرف كويس عليها .
د . محمد 01091432814

**EL_3OMDA** · 08-03-2013 07:52 PM

عذرا في تنسيق الموضوع لانه من الموبايل .

**Mostafa.Mahran** · 08-03-2013 07:52 PM

العربية عاوزة سمكرة و دوكو و كبالن و طقم دبرياج و موديل 79 و مطلوب 14500 ؟

**EL_3OMDA** · 08-03-2013 08:04 PM

اولا مش انا اللي قولت السعر
وثانيا حضرتك انا بقول انا شايف يتغيروا عشان يبقي كلو جديد ودا مش معناه انهم بايظين !
وثالثا انا منزل عن اللي قالوه 500 عشان حاجه زي كدا مع ان اللي سعرها كدا عارف حاله كل مسمار فيها .

**walidzakzok** · 08-03-2013 08:09 PM

مستحيل 128 موديل 79 ومحتاجة دوكو وسمكرة تتباع بالسعر دة

وياريت تقول للناس اللس سعرتها تجيبلك زبون بالسعر دة لان الناس دي بتقول كلام وخلاص

**EL_3OMDA** · 08-03-2013 09:13 PM

يافندم انا قايلهم كدا فعلا
ومستحيل ليه ؟ مانا كنت جايبها بسعر مقارب لكدا مع اختلاف كل اللي جبته جديد
ومش هتفرق لو متباعتش تتركن ومش تاعباني في حاجه
ولو تلزم حد اوصلهاله لحد بيته وتمنها وصل ياجماعه
انا في المنتدي من زمان وكفايه ادب اعضاءه

**mazagngi2010** · 09-03-2013 12:05 AM

اى اعلان سعره مبالغ فيه او عجيب شويه ببص على محل الاقامه بتاعت صاحب الموضوع
90 % بيكون من المنوفيه
وربنا يوفق صاحب الموضوع فى البيع

**alpoka779** · 09-03-2013 10:23 PM

حضرتك ليه رشه دواخل وطبعا -- عربيه 88 فيها فتح في الشاسيه اتباعت ب 10 الاف عشان هتتلحم وتبقي رشه جوه ومش محتاجه اي مصاريف-- وعربيه 87 عايزه سمكره ودوكو بس موتور والات جر تمام معروضه علي 10 الاف -- حضرتك راجع اسعار السوق والي بيقول العربيات سعرها رفع كداب لان مفيش شراء اصلا

**sherif0333** · 10-03-2013 09:27 AM

ههههههههههههههههههههه ده انا بايع ال 89 مش محتاجه سمكره ولا دوكو ومغيرلها حاجات اكتر من اللى انت كاتبها على الاقل كان فيها 4 فرد كاوتش زيرو و4 جنوط جداد و موديل 89 ب 13750
ففعلا سعر يضحك خاصه انك بتقول سمكري هو اللى اداها السعر اكيد بيحببك فيها عشان تعمل العمره عنده