الفانوس الخلفى والى كنت خايف منة حصل

**asyl84** · 08-03-2013 11:19 PM

من ساعة ما جبت العربية وانا كنت خايف على الفانوس الخلفى للعربية هى صنى الشكل القديم وكنت دايما بشوفة فى العربيات متكسر المهم الحمد لله عندى العربية بتشد العربيات فى خبطها وهى واقفة فى الاشارات وكانت بتبقى خرابيش فى الاكصدام الخلفى بس امبارح وانا واقف اكتشفت ان الفانوس الخلفى اتشرخ شرخ كدة من اخر نقطة فية جنب الاكصدام والرفرف او نقدر نقول كسر بس متماسك مع نفسة مستنى الى يلمسة عشان يقع انا بفكر الزقة بامير او سوبر جلو واحطة فوق الكسر دة عشان يفضل متماسك فى الفانوس او لو فى فراغ هواء يسدة وما يبوظش الفانوس من جوة اية رائيكم؟ والا كدة بدل ما هكحلها هعميها

**Ahmed.TV** · 08-03-2013 11:40 PM

جرب واعمل واخترع عادى .. بس المهم تلحمه كويس عشان ميدخلش مياه بداخله
ولو مظبتش معاك .. اشترى واحد من التوفيقية من شركة الاهرام ديبو .. ب200 جنيه تقريبا .. وحتلاقي عندهم وشوش فوانيس فقط واعتقد سعرها مش حيعدى 100 جنيه .. لان الكلام ده قريته هنا من الاعضاء
وممكن تروح تصب وش فانوس عند اى حد محترم بتاع تعديل فوانيس

قدامك كل الحلول وفى الاخر الراى يرجعلك

تحياتى

**MohammedAladel** · 09-03-2013 12:36 AM

ألزقها بأمير مفيش مشاكل بس متخليهوش يسيل يعن مكان الشرخ وبس عشان ميبوظش المنظر

انت عارف لو الحتة دى وقعت لزقها هيبقى أفضل لأنك وقتها هتحط الامير أماكن الكسر لكن دلوقت هتحط الأمير من برا فقط

أنا شفت ناس بيحطوا استيكر لزق على الفانوس ممكن تحط واحد أحسن لك

**MohammedAladel** · 09-03-2013 12:38 AM

المشاركة الأصلية كتبت بواسطة asyl84

والله يا احمد بية العربية جميلة جداا بس الناس كرهتنى فيها بسبب الخبطات الكتير الى ماليش ذنب خالص فيها بس الحمد لله على كل حال انا هجرب بكرة الصبح ان شاء الله ولو منفعش هسيبها وهلزق لزق اسود عليها خليها تاخد عينها واخلص

للأسف مفيش عربية مبتتخبطش وعندنا بالذات الطرق سيئة والتكاتك والموتسيكلات والمطبات اللى بيعملوها الأهالى

الحل الوحيد ان الواحد يخلى العربية فى البيت ويغطيها كل يوم قبل ما ينام ويصحى الصبح يحوش الغطاء ويطلعها تتشمس فى الشمس شوية قدام بيته ويقف يحرسها وبعدين يدخلها تانى

وبعدين يركب مواصلات ويتخبط هوا بدالها ههههههههه

**asyl84** · 09-03-2013 12:53 AM

المشاركة الأصلية كتبت بواسطة MohammedAladel

ألزقها بأمير مفيش مشاكل بس متخليهوش يسيل يعن مكان الشرخ وبس عشان ميبوظش المنظر

انت عارف لو الحتة دى وقعت لزقها هيبقى أفضل لأنك وقتها هتحط الامير أماكن الكسر لكن دلوقت هتحط الأمير من برا فقط

أنا شفت ناس بيحطوا استيكر لزق على الفانوس ممكن تحط واحد أحسن لك

لو فى لزق شفاف ياريت احط على الفوانيس كلها لكن انا بخاف من منتجاتنا تحط حاجة عشان تحميها تبوظها

[QUOTE=MohammedAladel;3874856506]للأسف مفيش عربية مبتتخبطش وعندنا بالذات الطرق سيئة والتكاتك والموتسيكلات والمطبات اللى بيعملوها الأهالى

الحل الوحيد ان الواحد يخلى العربية فى البيت ويغطيها كل يوم قبل ما ينام ويصحى الصبح يحوش الغطاء ويطلعها تتشمس فى الشمس شوية قدام بيته ويقف يحرسها وبعدين يدخلها تانى

وبعدين يركب مواصلات ويتخبط هوا بدالها ههههههههه[/QUO
والله انا بقيت اعمل كدة العربية بتاعتى بقت اخر عربية فى الجراج من جوة ومغطينها بحاول اطلع بيها اشممها الهوا شوية وادخلها تانى اهى زى بنت اختى الصغيرة بردو وانا بروح شغلى بالميكروباص بعمل زى محمد هنيدى بلبس البدلة واقف الصبح على المحطة اقولة ميكروباص واحد الشغل لو سمحت عشان عربيتى فى التوكيل ..دى بلد لازم تجيبلها توك توك واغنية الدنيا زى المرجيحة وصندل عيل مقاس 3 تعلقة من وارى وطريق السلامة يا ابو ميادة وتمشى فى دى بلد وانا مطمن لا حد هيخبطك والا هيثبتك وممكن تروح بـ 15 جنية تسترزق بيهم من عند الله والناس فى سكتك واهو خير بردو

**mohamed halim** · 09-03-2013 01:13 AM

سلاموا عليكم
في لزق اقوي من الامير اسمه اي بوند ايبوكس بيتاع عند كارفور في منه مصري وفيه مستورد
انا باستخدم المصري تقريبا ب 15 جينه هو مخصص للحاجات ديه بتاعت الفانويس و فيبر العربيات وهو كمان عازل للمياة

**Nashaat Rady** · 09-03-2013 01:49 AM

إلحمه مؤقتاً، بالعلم ان مهما كانت جودة اللحام، حايصفر بعد شوية برده، و تابعه برده كل فترة عشان اللحام بيضعف مع الوقت و يدخل مياه..

لو في ميزانية اعمل زي ما الأستاذ Ahmed.TV قالك..

**Amr2004IBM** · 09-03-2013 10:58 AM

انا بقالى ثﻻث سنوات ﻻزق الفانوس ب امير و فوقيه سوليتب و ماشى به زى الفل و الفانوسبن مازالو بلمعتهم و بجدد السوليتب كل غسله لو ضعف
موضوع انك تجيب وش من الاهرام فاشل موت لان جودته و لونه سيئه جدا الافضل انك اما تشترى فانوس ديبو او تصب وش عند واحد كويس
و في صديق لينا اسمه حسام كان عامل موضوع الصب و طلع جميل جدا

-

الموضوع: الفانوس الخلفى والى كنت خايف منة حصل

LinkBack

أدوات الموضوع

عرض

-

-

-

المواضيع المتشابهه

كفر الفانوس الخلفى

وش الفانوس الخلفى

الفانوس الخلفى

وش الفانوس الخلفى

كسر فى الفانوس الخلفى

الكلمات الدلالية لهذا الموضوع

المفضلات

المفضلات

ضوابط المشاركة