العربيات الفان (الكرفان) القديمة موجودة فين و أسعارها أية ؟

شخص قريبنا عايز يشترى عربيه فان أو كرفان بس تكون موديل قديم لأنه بيعشق العربيات دى جدا
و سمعت أن العربيات دى بيستخدموها مواصلات أو للنقل فى الأرياف و الفلاحين
بس لحد دلوقتى مش عارفين فين بالظبط فيها و أسعارهم فى حدود كام
نظرا لأن السيارات دى غير متوفرة بشكل كبير طبعا أسعارهم مبقتش معروفة
فما هى أسعار هذه السيارات نظرا لأنه عايز واحدة تكون يا دوب بتمشى عشان ينقلها أسكندريه و يعدلها من البدايه للنهايه

http://carphotos.cardomain.com/ride_...001_medium.jpg
http://www.chooseyouritem.com/autos/...olet.G.Van.jpg
http://autoshow2012.com/images/1985-...n-large-1.jpeg
http://carphotos.cardomain.com/ride_...0001_large.jpg
http://carphotos.cardomain.com/ride_...001_medium.jpg

من غير ما أكتر في الكلام

بعد التحية

فيه عندنا في مركز تلا المنوفية
ناس كتير أوي بتبيع العربياتا لفورد والدودج والشيفروليه دي لوطات

فيه اللي حالتها حلوة وفيه اللي يادوب بتمشي

وكمان لو نزل موقف عبود عندنا في تلا هيلاقي حاجات كتير حالتها جميلة

وعندكوا في موقف محرم بك بالإسكندرية

عربيات تلا
جنب موقف شبين الكوم والشهداء وطنطا
خليه يروح يتفرج هناك ويسألهم لو حد عايز يبيع ولو لأ هم عارفين أأمن ناس مين يدلوه عليهم
وكمان حالات العربيات بتاعت اسكندرية أحسن بكتير من بتاعت عبود

أتمنى أكون قد أوفيت

و صحيح
فيه منها البنزين (كاربوراتيور) بنزين 80
و فيه منها السولار

ميرسى جدا على المعلومات الجميله دى و فعلا دى حاجة متعبة جدا لكن مميزة أوى
و عايزة واحد فاضى و بيحب المجال دة أوى

طيب الأفضل أنه يشترى عربيه ضايعة خالص ولا نضيفة ؟
لأنه فى كلا الحالتين ناوى يخليهم زى الصور الى فوق دى بالظبط يعنى هيظبطهم من الأول وجديد برضة سواء كان شكل خارجى أو ميكانيكا

و متوسط سعر الحاله النضيفة كام
و متوسط سعر الحاله الضايعة كام
و يتصرف فى حدود كام عليها عشان تكون زى الصور الى فوق دى ؟

دى عربيه من جوة بيكون شكلها عامل زى كدة بعد التعديل طبعا

http://images.autoline-arabic.com/s/...4428983400.jpg
http://images.autoline-arabic.com/s/...4428983400.jpg
http://images.autoline-arabic.com/s/...4428983400.jpg
http://images.autoline-arabic.com/s/...4428983400.jpg
http://images.autoline-arabic.com/s/...4428983400.jpg

اقتباس:

---

المشاركة الأصلية كتبت بواسطة manola

ميرسى جدا على المعلومات الجميله دى و فعلا دى حاجة متعبة جدا لكن مميزة أوى
و عايزة واحد فاضى و بيحب المجال دة أوى

طيب الأفضل أنه يشترى عربيه ضايعة خالص ولا نضيفة ؟
لأنه فى كلا الحالتين ناوى يخليهم زى الصور الى فوق دى بالظبط يعنى هيظبطهم من الأول وجديد برضة سواء كان شكل خارجى أو ميكانيكا

و متوسط سعر الحاله النضيفة كام
و متوسط سعر الحاله الضايعة كام
و يتصرف فى حدود كام عليها عشان تكون زى الصور الى فوق دى ؟

---

الحالة النضيفة أفضل لأن الحالة الوحشة هتتعب جامد أوي أوي أوي في التوضيب
وفي كل الأحوال
يتفضل بالنزول لموقف دمنهور أو تلا في محرم بك وهيلاقي السواقين يسألهم

اقتباس:

---

المشاركة الأصلية كتبت بواسطة Ali_Affan

الحالة النضيفة أفضل لأن الحالة الوحشة هتتعب جامد أوي أوي أوي في التوضيب
وفي كل الأحوال
يتفضل بالنزول لموقف دمنهور أو تلا في محرم بك وهيلاقي السواقين يسألهم

---

ميرسى جدا و هو نازل قريب يشوف اخبار الاسعار اية و هكتب اقولكم حصل اية معاه
دى شوية صور لشيفروليه استرو بس مظنش انها منتشرة اوى فى مصر
و لو منتشرة هتكون للسفارات و الشركات الأجنبيه و ممكن تتباع فى مزادات

http://uaesm.maktoob.com/up/uploads/64a664b9f1.jpg
http://uaesm.maktoob.com/up/uploads/c42eac2667.jpg
http://uaesm.maktoob.com/up/uploads/587de05cc4.jpg
http://uaesm.maktoob.com/up/uploads/28278716a4.jpg
http://uaesm.maktoob.com/up/uploads/edceef0f31.jpg
http://uaesm.maktoob.com/up/uploads/64372be7ad.jpg
http://uaesm.maktoob.com/up/uploads/825906273e.jpg
http://uaesm.maktoob.com/up/uploads/1c6542864c.jpg
http://uaesm.maktoob.com/up/uploads/4b39b565a7.jpg



الصدمة الكبرى
العربيه دى معروضة للبيع فى دبى بـــ 20 ألف درهم و قابل للتفاوض كمان
و بما أن الدرهم الأماراتى بـ 1.60 جنيه يبقى سعر العربيه بما يعادل 32 ألف جنيه مصرى على كل التعديلات و النضافة دى
دا شوية شوية هيركبلها سقف جبس و يعملها بورسلين

العربيات القديمة موجودة في محافظتين فى وجه بحري
المنوفية : ودول ليهم موقفين واحد اسمه موقف الباجور -على ما اعتقد- ناحية المؤسسه والموقف التاني عبود
البحيرة : ودول موقفهم فى القاهره فى عبود واكيد لهم موقف فى اسكندريه وده هيكون فيه عربيات أكتر لقرب البحيرة من الاسكندريه

بخصوص العربيات دي بشوفها كتير على الزراعي بنمر أجرة للمحافظتين دول وفى منهم عربيات حالتها ممتازة وبتكون معديه جنبي على 130 وصوتها هادي وباين عليها انها اثبت بكتير من الميكروباصات التويوتا
وفي عربيات منها برضو " الامريكاني " بتكون حالتها صعبه جدا وماشيا ومطلعه وراها شبورة هباب

وفى منها الى بيتباع لوطات من الوزارات زي وزارة الصحه بتبيع كل فترة لوطات منها ( لان أغلب سيارات الاسعاف زمان كانت من العربيات دي ) ودي بتكون فاضية من جوه لكن طبعا "من العربيات الى بتتشاف مرميه فى بعض المنشأت الصحية " بتكون غالبا مفهاش حاجه سليمة وأكيد فى ناس بتشترى اللوط وتبيع بالواحده

دي الموديلات القديمه الموديلات الجديدة شوية بتكون تبع السفارات ودي أغلب الى بيشتريها شركات الانتاج السينمائي