العربيات الفان (الكرفان) القديمة موجودة فين و أسعارها أية ؟

**MaNoLa** · 09-03-2013 05:40 AM

شخص قريبنا عايز يشترى عربيه فان أو كرفان بس تكون موديل قديم لأنه بيعشق العربيات دى جدا
و سمعت أن العربيات دى بيستخدموها مواصلات أو للنقل فى الأرياف و الفلاحين
بس لحد دلوقتى مش عارفين فين بالظبط فيها و أسعارهم فى حدود كام
نظرا لأن السيارات دى غير متوفرة بشكل كبير طبعا أسعارهم مبقتش معروفة
فما هى أسعار هذه السيارات نظرا لأنه عايز واحدة تكون يا دوب بتمشى عشان ينقلها أسكندريه و يعدلها من البدايه للنهايه

**Lifz_Good** · 09-03-2013 11:45 AM

من غير ما أكتر في الكلام

بعد التحية

فيه عندنا في مركز تلا المنوفية
ناس كتير أوي بتبيع العربياتا لفورد والدودج والشيفروليه دي لوطات

فيه اللي حالتها حلوة وفيه اللي يادوب بتمشي

وكمان لو نزل موقف عبود عندنا في تلا هيلاقي حاجات كتير حالتها جميلة

وعندكوا في موقف محرم بك بالإسكندرية

عربيات تلا
جنب موقف شبين الكوم والشهداء وطنطا
خليه يروح يتفرج هناك ويسألهم لو حد عايز يبيع ولو لأ هم عارفين أأمن ناس مين يدلوه عليهم
وكمان حالات العربيات بتاعت اسكندرية أحسن بكتير من بتاعت عبود

أتمنى أكون قد أوفيت

**Lifz_Good** · 09-03-2013 11:46 AM

و صحيح
فيه منها البنزين (كاربوراتيور) بنزين 80
و فيه منها السولار

**MaNoLa** · 09-03-2013 03:14 PM

ميرسى جدا على المعلومات الجميله دى و فعلا دى حاجة متعبة جدا لكن مميزة أوى
و عايزة واحد فاضى و بيحب المجال دة أوى

طيب الأفضل أنه يشترى عربيه ضايعة خالص ولا نضيفة ؟
لأنه فى كلا الحالتين ناوى يخليهم زى الصور الى فوق دى بالظبط يعنى هيظبطهم من الأول وجديد برضة سواء كان شكل خارجى أو ميكانيكا

و متوسط سعر الحاله النضيفة كام
و متوسط سعر الحاله الضايعة كام
و يتصرف فى حدود كام عليها عشان تكون زى الصور الى فوق دى ؟

**MaNoLa** · 09-03-2013 03:23 PM

دى عربيه من جوة بيكون شكلها عامل زى كدة بعد التعديل طبعا

**Lifz_Good** · 09-03-2013 03:24 PM

المشاركة الأصلية كتبت بواسطة manola

ميرسى جدا على المعلومات الجميله دى و فعلا دى حاجة متعبة جدا لكن مميزة أوى
و عايزة واحد فاضى و بيحب المجال دة أوى

طيب الأفضل أنه يشترى عربيه ضايعة خالص ولا نضيفة ؟
لأنه فى كلا الحالتين ناوى يخليهم زى الصور الى فوق دى بالظبط يعنى هيظبطهم من الأول وجديد برضة سواء كان شكل خارجى أو ميكانيكا

و متوسط سعر الحاله النضيفة كام
و متوسط سعر الحاله الضايعة كام
و يتصرف فى حدود كام عليها عشان تكون زى الصور الى فوق دى ؟

الحالة النضيفة أفضل لأن الحالة الوحشة هتتعب جامد أوي أوي أوي في التوضيب
وفي كل الأحوال
يتفضل بالنزول لموقف دمنهور أو تلا في محرم بك وهيلاقي السواقين يسألهم

**MaNoLa** · 11-03-2013 05:22 PM

المشاركة الأصلية كتبت بواسطة Ali_Affan

الحالة النضيفة أفضل لأن الحالة الوحشة هتتعب جامد أوي أوي أوي في التوضيب
وفي كل الأحوال
يتفضل بالنزول لموقف دمنهور أو تلا في محرم بك وهيلاقي السواقين يسألهم

ميرسى جدا و هو نازل قريب يشوف اخبار الاسعار اية و هكتب اقولكم حصل اية معاه
دى شوية صور لشيفروليه استرو بس مظنش انها منتشرة اوى فى مصر
و لو منتشرة هتكون للسفارات و الشركات الأجنبيه و ممكن تتباع فى مزادات

الصدمة الكبرى
العربيه دى معروضة للبيع فى دبى بـــ 20 ألف درهم و قابل للتفاوض كمان
و بما أن الدرهم الأماراتى بـ 1.60 جنيه يبقى سعر العربيه بما يعادل 32 ألف جنيه مصرى على كل التعديلات و النضافة دى
دا شوية شوية هيركبلها سقف جبس و يعملها بورسلين

**sha2e** · 21-03-2013 05:59 PM

العربيات القديمة موجودة في محافظتين فى وجه بحري
المنوفية : ودول ليهم موقفين واحد اسمه موقف الباجور -على ما اعتقد- ناحية المؤسسه والموقف التاني عبود
البحيرة : ودول موقفهم فى القاهره فى عبود واكيد لهم موقف فى اسكندريه وده هيكون فيه عربيات أكتر لقرب البحيرة من الاسكندريه

بخصوص العربيات دي بشوفها كتير على الزراعي بنمر أجرة للمحافظتين دول وفى منهم عربيات حالتها ممتازة وبتكون معديه جنبي على 130 وصوتها هادي وباين عليها انها اثبت بكتير من الميكروباصات التويوتا
وفي عربيات منها برضو " الامريكاني " بتكون حالتها صعبه جدا وماشيا ومطلعه وراها شبورة هباب

وفى منها الى بيتباع لوطات من الوزارات زي وزارة الصحه بتبيع كل فترة لوطات منها ( لان أغلب سيارات الاسعاف زمان كانت من العربيات دي ) ودي بتكون فاضية من جوه لكن طبعا "من العربيات الى بتتشاف مرميه فى بعض المنشأت الصحية " بتكون غالبا مفهاش حاجه سليمة وأكيد فى ناس بتشترى اللوط وتبيع بالواحده

دي الموديلات القديمه الموديلات الجديدة شوية بتكون تبع السفارات ودي أغلب الى بيشتريها شركات الانتاج السينمائي

الموضوع: العربيات الفان (الكرفان) القديمة موجودة فين و أسعارها أية ؟

LinkBack

أدوات الموضوع

عرض

العربيات الفان (الكرفان) القديمة موجودة فين و أسعارها أية ؟ - انشر الموضوع فى :

-

-

-

-

-

-

-

المواضيع المتشابهه

هي الصني القديمة مش موجودة ؟

مشكلة الزيت فى كل العربيات القديمة

عايز اعرف اية الحساسات اللى موجودة فى العربيات الحقن

العربيات المصرية القديمة

العربيات القديمة مش هتتسحب

الكلمات الدلالية لهذا الموضوع

المفضلات

المفضلات

ضوابط المشاركة